Horoscope Today August 5th 2024 : ఆగస్టు 5న (సోమవారం) మీ రాశి ఫలం ఎలా ఉందంటే?
మేషం (Aries) : మేష రాశి వారికి ఈ రోజు మిశ్రమ ఫలితాలు ఉంటాయి. చేపట్టిన పనుల్లో విజయం కోసం మీ శాయశక్తులా కృషి చేస్తారు. వ్యాపారంలో లాభాలు ఉంటాయి. ఉద్యోగులు సమర్థవంతంగా పనిచేసి ఉన్నతాధికారుల ప్రశంసలు పొందుతారు. కుటుంబ సభ్యులతో చెడిపోయిన సంబంధాలను పునరుద్ధరించుకుంటారు. విహారయాత్రలకు వెళ్తారు. ఆదాయానికి మించి ఖర్చులు ఉండవచ్చు. ఆరోగ్యం సహకరిస్తుంది. గణపతిని ప్రార్ధిస్తే మెరుగైన ఫలితాలు ఉంటాయి.
వృషభం (Taurus) : వృషభ రాశి వారికి సామాన్యంగా ఉంటుంది. అన్ని రంగాల వారు వృత్తి వ్యాపారాలలో తీరిక లేకుండా పని చేసినప్పటికీ ఆశించిన ప్రయోజనాలను అందుకోలేరు. శ్రమాధిక్యత పెరుగుతుంది. వ్యాపారులు వృథా ప్రయాణాలు చేయాల్సి వస్తుంది. డబ్బు మంచినీళ్లలా ఖర్చవుతుంది. ఆరోగ్యం దెబ్బ తినే సూచనలు ఉన్నాయి. కార్యసిద్ధి హనుమ ఆలయాన్ని సందర్శిస్తే ఆపదలు తొలగిపోతాయి.
మిథునం (Gemini) : మిథున రాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపార ఉద్యోగాలలో కష్టించి పని చేసి మీ ఉనికిని నిలబెట్టుకుంటారు. పని ప్రదేశంలో మీ మాటకు విలువ పెరుగుతుంది. ఆర్థికంగా పురోగతి సాధిస్తారు. ఉద్యోగులు సహోద్యోగుల సహకారంతో అన్ని పనులు సకాలంలో పూర్తి చేస్తారు. అనారోగ్య సమస్యల కారణంగా అధిక ధనవ్యయం ఉండవచ్చు. సూర్య ఆరాధన శ్రేయస్కరం.
కర్కాటకం (Cancer) : కర్కాటక రాశి వారికి ఈ రోజు అనుకూలంగా ఉంటుంది. వృత్తి వ్యాపారాలలో అభివృద్ధికి సంబంధించి శుభవార్తలు వింటారు. ఆదాయం పెరుగుతుంది. పాత పరిచయాలు మెరుగుపరచుకొని వృత్తి పరంగా ఎదుగుతారు. ఉద్యోగంలో పదోన్నతులు ఉండవచ్చు. నిజాయితీగా పనిచేసి అందరి ప్రశంసలు పొందుతారు. సామాజిక సేవా కార్యక్రమాల్లో పాల్గొంటారు. ఆర్థికంగా కలిసి వస్తుంది. వృత్తి పరంగా హోదా పెరుగుతుంది. ఇష్ట దేవతారాధన శుభకరం.
సింహం (Leo) : సింహ రాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపారాలలో ఆటంకాలు ఉన్నప్పటికీ అధిగమిస్తారు. ఉద్యోగులు చిత్తశుద్ధితో పనిచేసి లక్ష్యాలను చేరుకుంటారు. మిత్రుల సహకారంతో ఆర్థిక సమస్యల నుంచి గట్టెక్కుతారు. వ్యాపారంలో రాణించాలంటే రాజీలేని పోరాటాన్ని చేయాల్సి ఉంటుంది. ఉద్యోగంలో ఎదురైన సవాళ్ళను సమర్ధవంతంగా అధిగమిస్తారు. అనారోగ్య సమస్యలు ఉండవచ్చు. ఆదిత్య హృదయం పారాయణ శక్తినిస్తుంది.
కన్య (Virgo) : కన్యా రాశి వారికి ఈ రోజు అనుకూలంగా ఉంటుంది. నిస్వార్ధంగా పనిచేసి అందరి ప్రశంసలు అందుకుంటారు. సమాజంలో గౌరవ ప్రతిష్ఠలు పెరుగుతాయి. వ్యాపారంలో మంచి లాభాలను అందుకుంటారు. బంధు మిత్రులతో విందు వినోదాలలో పాల్గొంటారు. సంపద వృద్ధి చెందుతుంది. ఉద్యోగంలో పదోన్నతులు, స్థానచలనం ఉండవచ్చు. శివారాధన శ్రేయస్కరం.
తుల (Libra) : తులా రాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారికి వృత్తి వ్యాపారాలలో లాభనష్టాలు సరి సమానంగా ఉంటాయి. ఖర్చులు పెరుగుతాయి. నూతన ఆదాయ వనరుల కోసం ప్రయత్నిస్తారు. సన్నిహితులతో మాట్లాడేటప్పుడు కోపావేశాలు అదుపులో ఉంచుకోవడం అవసరం. లేకుంటే అపార్ధాలు, అనుమానాలు పెరుగుతాయి. ఘర్షణలకు దూరంగా ఉండండి. ప్రతికూల ఆలోచనలు వీడితే మంచిది. ఆరోగ్యం బాగానే ఉంటుంది. ఈశ్వర ఆరాధన శ్రేయస్కరం.
వృశ్చికం (Scorpio) : వృశ్చిక రాశి వారికి ఈరోజు అదృష్టకరంగా ఉంటుంది. దైవ దర్శనాలు కోసం తీర్ధ యాత్రలు చేస్తారు. ఆర్థిక ప్రయోజనాలు అధికంగా ఉంటాయి. వృత్తి వ్యాపార ఉద్యోగ రంగాల వారికి పనిలో పురోగతి ఉంటుంది. ఆదాయం పదింతలు పెరుగుతుంది. ఉద్యోగులు అద్భుతంగా పనిచేసి అన్ని పనులు సమయానికంటే ముందే పూర్తి చేస్తారు. ఆరోగ్యం బాగుంటుంది. కుటుంబంలో సుఖశాంతులు నెలకొంటాయి. ఇష్ట దేవతారాధన శుభకరం.
ధనుస్సు (Sagittarius) : ధనుస్సు రాశి వారికి సామాన్యంగా ఉంటుంది. అన్ని రంగాల వారికి చేపట్టిన పనులు ఆలస్యం కావడం వల్ల నిరుత్సాహాంగా ఉంటారు. ఆర్థికంగా కూడా ఆశించిన ప్రయోజనాలు ఉండకపోవచ్చు. అనారోగ్య సమస్యలు వేధిస్తాయి. ఉద్యోగంలో సహోద్యోగుల సహకారం లోపిస్తుంది. షేర్ మార్కెట్లో పెట్టుబడులు పెట్టినవారికి భారీ నష్టాలుండవచ్చు. శనీశ్వరునికి తైలాభిషేకం చేయించుకుంటే శుభ ఫలితాలు ఉంటాయి.
మకరం (Capricorn) : మకర రాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపారాలలో శ్రమకు తగిన ఫలితాలు ఉంటాయి. నిరుద్యోగులకు ఉద్యోగ ప్రయత్నాలు కలిసి వస్తాయి. విహార యాత్రలకు ప్రణాళికలు వేస్తారు. ఖర్చులు పట్ల అదుపు లేకపోతే ఆర్థిక సమస్యలు ఉత్పన్నం అవుతాయి. కోపాన్ని అదుపులో ఉంచుకోవడం అవసరం. కుటుంబ సభ్యుల మధ్య బేదాభిప్రాయాలు రావచ్చు. బంధువుల నుంచి శుభవార్తలు అందుకుంటారు. ఆంజనేయ స్వామి ఆరాధన శుభకరం.
కుంభం (Aquarius) : కుంభ రాశి వారికి ఈరోజు శుభప్రదంగా ఉంటుంది. అన్ని రంగాల వారికి ఈ రోజు ఆర్థికంగా, వృత్తిపరంగా లాభదాయకంగా ఉంటుంది. సేవా రంగంలో పని చేసే వారికి ఈ రోజు శుభ ఫలితాలు ఉంటాయి. జీతాలు పెరుగుతాయి. పదోన్నతులు వస్తాయి. ఆరోగ్యం బ్రహ్మాండంగా ఉంటుంది. మనోబలంతో ఈ రోజు చేసి అన్ని పనులు విజయవంతమవుతాయి. వ్యాపారంలో పట్టిందల్లా బంగారం అవుతుంది. కుటుంబ సభ్యులతో విహారయాత్రలకు వెళ్తారు. ఇష్ట దేవతారాధన శుభకరం.
మీనం (Pisces) : మీన రాశి వారికి ఈ రోజు శుభప్రదంగా ఉంటుంది. షేర్ మార్కెట్లో పెట్టుబడులకు, స్పెకులేషన్లకు, ముఖ్యంగా రియల్ ఎస్టేట్కు సంబంధించిన రంగాల వారికి ఈ రోజు చాలా మంచి రోజు. విపరీతమైన లాభాలను గడిస్తారు. మట్టి ముట్టుకున్నా బంగారం అవుతుంది. అయితే సంబంధిత లావాదేవీలు నిర్వహించేటప్పుడు అనుభవజ్ఞుల సలహాలు తప్పనిసరి. ఆదాయం వృద్ధి చెందుతుంది. ఆరోగ్యం సహకరిస్తుంది. శివాలయ సందర్శన శుభప్రదం.
