Horoscope Today 24th September 2024 : 2024 సెప్టెంబర్ 24వ తేదీ (మంగళవారం) మీ రాశి ఫలం ఎలా ఉందంటే?
మేషం (Aries) : మేష రాశి వారికి ఈ రోజు శుభకరంగా ఉంటుంది. అదృష్టం కలిసి వచ్చి సువర్ణావకాశం నేడు మీ ఇంటి తలుపు తట్టవచ్చు. అందివచ్చిన అవకాశాలను సద్వినియోగం చేసుకొని బంగారు భవిష్యత్తుకు బాటలు వేసుకుంటారు. ఆర్ధికంగా బలోపేతం అవుతారు. నూతన ఆదాయ వనరులను ఏర్పాటు చేసుకుంటారు. భవిష్యత్తు కోసం తగిన పొదుపు చేసుకోగలుగుతారు. వ్యాపారులు కొత్త అవకాశాల ద్వారా వ్యాపారంలో గొప్ప మైలురాళ్లు సృష్టించుకుంటారు. మీ ప్రయత్నాలకు దైవబలం తోడయి సత్ఫలితాలు ఉంటాయి. ఆరోగ్యం సహకరిస్తుంది. ఇష్ట దేవతారాధన శుభకరం.
వృషభం (Taurus) : వృషభ రాశి వారికి ఈ రోజు ఫలప్రదంగా ఉంటుంది. ఈ రోజు అన్నివిధాలా అనుకూలంగా ఉంది కాబట్టి అన్ని ముఖ్యమైన పనులను ఈ రోజు పూర్తి చేసుకుంటే మంచిది. శుభకార్యాలకు ఈ రోజు శ్రీకారం చుడితే నిర్విఘ్నంగా పూర్తవుతాయి. ఆర్ధిక లబ్ది పొందే అవకాశాలు మెండుగా ఉన్నాయి. మానసికంగా, శారీరకంగా చురుకుగా ఉంటారు. కుటుంబంతో మంచి సమయాన్ని గడుపుతారు. తొందరపాటు స్వభావం వల్ల ఒక గొప్ప అవకాశం చేజారిపోయే ప్రమాదముంది. అభయ ఆంజనేయస్వామి ఆలయ సందర్శనతో ఆపదలు తొలగిపోతాయి.
మిథునం (Gemini) : మిథున రాశి వారికి ఈ రోజు మిశ్రమ ఫలితాలు ఉంటాయి. మీ చర్యలు మీ వ్యక్తిత్వాన్ని ప్రతిబింబిస్తాయి కాబట్టి ఇతరులకు దురభిప్రాయం కలిగేలా నడుచుకోవద్దు. ఏ పని చేసినా జాగ్రత్తగా ఆలోచించి చేయాలి. ఇతరుల అభిప్రాయాలకు విలువ ఇవ్వడం మంచిది. మీ ప్రియమైన వారికోసం అధికంగా ధనవ్యయం చేస్తారు. ఖర్చులు అదుపులో ఉంచుకుంటే మంచిది. ఆరోగ్యం పట్ల శ్రద్ధ వహించండి. సూర్య ఆరాధన శ్రేయస్కరం.
కర్కాటకం (Cancer) : కర్కాటక రాశి వారికి ఈ రోజు మిశ్రమ ఫలితాలు ఉంటాయి. ప్రారంభించిన పనులలో ఆటంకాలు, సవాళ్లు ఎదురైనా తీవ్రమైన కృషితో, కఠిన శ్రమతో అధిగమిస్తారు. కుటుంబంలో ఇబ్బందికర పరిస్థితులు ఏర్పడవచ్చు. విద్యార్థులు చదువుల్లో రాణిస్తారు. వ్యాపారంలో పోటీ పెరగడంతో ఆదాయం తగ్గుతుంది. రుణభారం పెరగవచ్చు. ఆరోగ్యం అంతగా సహకరించకపోవచ్చు. ఆదిత్య హృదయం పారాయణ శక్తినిస్తుంది.
సింహం (Leo) : సింహ రాశి వారికి ఈ రోజు అంత అనుకూలంగా లేదు. గ్రహసంచారం అనుకూలంగా లేనందున జాగ్రత్తగా ఉండటం మంచిది. అనుకోని ప్రమాదాలు, ఆపదలు ఏర్పడే అవకాశం ఉంది. అన్ని రంగాల వారికి ఈ రోజు తీవ్రమైన పనిభారం, మానసిక ఒత్తిడి కారణంగా ఈ రోజంతా చికాకుగా ఉంటుంది. కుటుంబసభ్యులతో వాదనలు ఘర్షణల్లో మౌనంగా ఉంటే మంచిది. ఓర్పు సహనంతో ఉంటే అన్ని సమస్యలు పరిష్కారం అవుతాయి. ముఖ్యమైన పనులు, ప్రయాణాలు వాయిదా వేస్తే మంచిది. సంకట మోచన హనుమాన్ ఆలయ సందర్శనతో శుభ ఫలితాలు ఉంటాయి.
కన్య (Virgo) : కన్యా రాశి వారికి ఈ రోజు అదృష్టదాయకంగా ఉంటుంది. బంధు మిత్రుల ద్వారా ఆర్ధిక లబ్ది ఉండే అవకాశం ఉంది. కుటుంబ సభ్యుల సహకారంతో అదనపు ఆదాయ వనరులు ఏర్పాటు చేసుకుంటారు. అదృష్టం కలిసి వచ్చి పూర్వీకుల ఆస్తులు కలిసి వస్తాయి. ఉద్యోగ వ్యాపారంలో పురోగతి ఉంటుంది. అన్ని రకాల ఆనందాలు ఈ రోజు ఉంటాయి. ఇష్ట దేవతారాధన శుభకరం.
తుల (Libra) : తులా రాశి వారికి ఈ రోజు అంత అనుకూలంగా లేదు. అన్ని రంగాల వారికి పనిభారం పెరగడం వల్ల మానసిక ఒత్తిడికి లోనవుతారు. వృత్తి వ్యాపారాలలో ఎదురయ్యే సవాళ్లు కారణంగా మానసిక ఆందోళనకు గురవుతారు. ఉద్యోగంలో మార్పులు జరుగుతాయి. సహోద్యోగుల సహకారంతో అనుకున్న పనులు సమయానికి పూర్తవుతాయి. ప్రయాణాలలో ప్రమాదాలు జరగవచ్చు. అనారోగ్య సమస్యలు ఇబ్బంది పెడతాయి. దూరపు బంధువుల నుంచి శుభవార్తలు అందుకుంటారు. హనుమాన్ చాలీసా పారాయణ మేలు చేస్తుంది.
వృశ్చికం (Scorpio) : వృశ్చిక రాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపారాలకు సంబంధించి చర్చలు, సమావేశాలతో రోజంతా ఉరుకులు, పరుగులతో గడిచిపోతుంది. తెలివిగా వ్యవహరించి అన్ని పనులు విజయవంతంగా పూర్తి చేస్తారు. ఉద్యోగులు కొత్త ప్రతిపాదనలు ఆమోదించి విదేశాలకు వెళ్లే అవకాశాలను అందుకుంటారు. కుటుంబంలో ఆనందం నెలకొంటుంది. షేర్ మార్కెట్లో పెట్టుబడులు పెట్టినవారికి నష్టభయం ఉంది. అనుకూలమైన ఫలితాల కోసం ఆంజనేయస్వామి దండకం పఠించండి.
ధనుస్సు (Sagittarius) : ధనుస్సు రాశి వారికి ఈ రోజు అనుకూలంగా ఉంటుంది. మీ మనసులోని మాటను వెల్లడించాల్సిన సమయం ఆసన్నమైంది. ఈ రోజున మీరు ఏర్పరచుకునే బంధాలు జీవితాంతం ఉంటాయి. వృత్తి పరంగా గొప్ప విజయాలను అందుకుంటారు. వ్యాపారంలో రుణభారం తగ్గుతుంది. సమాజంలో గౌరవ మర్యాదలు పెరుగుతాయి. ఆర్ధికంగా ఆశించిన ప్రయోజనాలు ఉంటాయి. ఇష్ట దేవతారాధన శుభకరం.
మకరం (Capricorn) : మకర రాశి వారికి ఈ రోజు మిశ్రమ ఫలితాలు ఉంటాయి. ముఖ్యంగా ఈ రోజు వృత్తినిపుణులు, వ్యాపారులకు అనుకూలమైన రోజు. కుటుంబ సభ్యుల కారణంగా మీకు అదృష్టం వరిస్తుంది. ఉద్యోగంలో అనూహ్యంగా పదోన్నతులు అందుకుంటారు. కుటుంబంలో శుభకార్యాలు జరుగుతాయి. అన్నీ అనుకున్నట్లుగా జరగడం వల్ల ఆరోగ్యకరమైన, సంతోషకరమైన కుటుంబ జీవితాన్ని గడుపుతారు. అనారోగ్య సమస్యలు చికాకు పెడతాయి. శివారాధన శ్రేయస్కరం.
కుంభం (Aquarius) : కుంభ రాశి వారికి ఈ రోజు సామాన్యంగా ఉంటుంది. అన్ని రంగాల వారికి తీవ్రమైన శ్రమతోనే పనులుపూర్తవుతాయి. ఉద్యోగస్తులు బద్దకాన్ని వీడి శ్రమిస్తేనే ఉన్నతాధికారుల మెప్పు పొందగలరు. కీలకమైన వ్యవహారాల్లో తొందరపాటు నిర్ణయాలు తీసుకుంటే వ్యతిరేక ప్రభావం చూపే అవకాశముంది. ఆర్ధిక లావాదేవీల్లో నష్టం వాటిల్లే ప్రమాదముంది కాబట్టి జాగ్రత్త. ఆదాయాన్ని మించిన ఖర్చులు ఉండవచ్చు. ఆరోగ్యం బాగుంటుంది. శ్రీలక్ష్మీ గణపతి ఆలయ సందర్శన శుభకరం.
మీనం (Pisces) : మీన రాశి వారికి ఈ రోజు అనుకూలంగా ఉంటుంది. వృత్తి వ్యాపారాలలో సానుకూల ఫలితాలు ఉంటాయి. వృత్తి పరంగా కొత్త వ్యక్తులను కలుస్తారు. ముఖ్యమైన కార్యక్రమాల్లో పాల్గొంటారు. సామాజికంగా మీ అధికార పరిధి పెరుగుతుంది. నిరంతర యోగా, ధ్యానంతో ప్రశాంతంగా ఉంటారు. వ్యక్తిగత జీవితం, పనిలో కొత్త బాధ్యతలు చేపట్టే విషయంలో మీరు ఒకింత ఆందోళనకు గురువతారు. సహచరుల సహకారంతో ఒత్తడిని అధిగమిస్తారు. ఆదాయం సంతృప్తికరంగా ఉంటుంది. ఇష్ట దేవతారాధన శుభకరం
