Vastu Tips for Bedroom : వైవాహిక జీవితంలో అడుగుపెట్టిన ప్రతి జంటా అన్యోన్యంగా, సంతోషంగా జీవించాలనుకుంటుంది. కానీ.. కొన్ని జంటల మధ్య తరచూ గొడవలు జరుగుతుంటాయి. దీనికి బెడ్ రూమ్లోని వాస్తు దోషాలే కారణం కావొచ్చంటున్నారు వాస్తుశాస్త్ర నిపుణులు. అందువల్ల బెడ్రూమ్(Bedroom) లో కొన్ని వాస్తు నియమాలు తప్పక పాటించాలంటున్నారు. అవేంటో ఈ స్టోరీలో తెలుసుకుందాం.
బెడ్ దిశ : చాలా మంది బెడ్రూమ్లో మంచాన్ని ఏ దిశలో పడితే ఆ దిశలో ఉంచుతుంటారు. కానీ మంచాన్ని సరైన దిశలో ఉంచడం చాలా అవసరమని చెబుతున్నారు. వాస్తుప్రకారం బెడ్రూమ్లో మంచాన్ని నైరుతి దిశలో ఉంచడం ఉత్తమం. అలా వీలు కాకపోతే.. దక్షిణం లేదా తూర్పు వైపు తలపెట్టి నిద్రించేలా చూసుకోవాలట. ఇలా ఉంచడం వల్ల దంపతుల మధ్య ప్రేమ మరింతగా పెరుగుతుందని చెబుతున్నారు.
బెడ్ ఆకారం, పరుపు : వాస్తుప్రకారం.. బెడ్ను సరైన దిశలో ఉంచడమే కాదు మంచం ఆకారం కూడా సరిగ్గా ఉండేలా చూసుకోవాలంటున్నారు వాస్తుశాస్త్ర నిపుణులు. మంచం షేప్ సరిగా లేకపోతే ఇబ్బందులు వస్తాయట. కాబట్టి.. చతురస్రాకారంలో లేదా దీర్ఘచతురస్రాకారంలో ఉన్న మంచాన్ని ఎంచుకోవాలని సూచిస్తున్నారు. అలాగే పరుపు విషయంలోను సౌకర్యవంతంగా ఉండే దానిని తీసుకోవాలని చెబుతున్నారు.
వాల్ కలర్స్ : బెడ్రూమ్ గోడలకు వేసే కలర్స్ కూడా భార్యాభర్తల మధ్య సఖ్యత లోపించడానికి కారణమవుతాయంటున్నారు. వాస్తుప్రకారం ఎప్పుడూ పడక గది గోడలకు లైట్ కలర్ పెయింట్స్ ఉండేలా చూసుకోవాలంటున్నారు. పాస్టెల్ కలర్స్, లేత గులాబీ, లేత పీచ్ కలర్ వంటి ప్రశాంతమైన రంగులను ఎంచుకోవాలని సూచిస్తున్నారు. ఇవి దంపతుల మధ్య ప్రేమను మరింత పెంచుతాయంటున్నారు.
కొత్తగా పెళ్లైన వారు బెడ్రూమ్ ఇలా సెట్ చేసుకున్నారంటే - బంధం బలపడడం ఖాయం!
లైటింగ్ : వాస్తుప్రకారం బెడ్రూమ్లోకి సరైన లైటింగ్ వచ్చేలా చూసుకోవాలంటున్నారు. సరైన లైటింగ్ దంపతుల మానసిక స్థితిని మెరుగుపరుస్తుందని చెబుతున్నారు. అంతేకాకుండా గదిలోకి సానుకూల శక్తిని ప్రసరింపజేస్తుందంటున్నారు. కఠినమైన లైటింగ్ రాకుండా చూసుకోవాలని చెబుతున్నారు. ఎందుకంటే ఇది ప్రశాంతతకు భంగం కలిగించవచ్చంటున్నారు.
మిర్రర్ ప్లేస్‌మెంట్ : వాస్తుశాస్త్రం ప్రకారం బెడ్రూమ్లో ఎప్పుడూ మంచానికి ఎదురుగా అద్దాలు ఉండకుండా చూసుకోవాలి. సాధ్యమైతే బెడ్రూమ్లో అద్దాలను వేలాడదీయడం మానుకోవడం బెటర్ అంటున్నారు వాస్తు నిపుణులు. ఒకవేళ మీకు పడకగదిలో అద్దం ఉంటే మీ మంచం ప్రతిబింబించేలా ఉండకుండా చూసుకోవాలంటున్నారు.
ఎలక్ట్రానిక్ గాడ్జెట్లు : చాలా మంది పడకగదిలో టీవీలు, కంప్యూటర్లు, ఇతర ఎలక్ట్రానిక్ గాడ్జెట్లు ఉంచుతుంటారు. అయితే.. వాస్తుప్రకారం వీలైనంత వరకు వాటిని బెడ్రూమ్లో ఉండకుండా చూసుకోవడం మంచిది అంటున్నారు వాస్తుశాస్త్ర పండితులు. ఎందుకంటే వీటి నుంచి వెలువడే విద్యుదయస్కాంత తరంగాలు బెడ్రూమ్లో శక్తి ప్రవాహానికి అంతరాయం కలిగించే ఛాన్స్ ఉందంటున్నారు.
ఇవేకాకుండా వాస్తుశాస్త్రం ప్రకారం.. మీ బెడ్రూమ్లో ప్రేమ, సామరస్యాన్ని ప్రేరేపించే కళాఖండాలు, ఉపకరణాలను ఉండేలా చూసుకోవాలి. అదేవిధంగా బెడ్రూమ్లో ఎక్కువ ఫర్నిచర్ లేకుండా చూసుకోవాలి. సానుకూల శక్తి ప్రవాహాన్ని పెంచడానికి, సువాసనగల కొవ్వొత్తులు, సజీవ మొక్కలు లేదా తాజా పువ్వులు వంటివి ఉండేలా చూసుకోవడం మంచిది అంటున్నారు వాస్తుశాస్త్ర నిపుణులు.
బెడ్రూమ్లో ఈ వస్తువులు ఉంచుతున్నారా? - అయితే నెగిటివ్ ఎనర్జీకి వెల్కమ్ చెబుతున్నట్టే!
