Politicians Congratulated Advani on Bharat Ratna: ఎల్కే అడ్వాణీకి దేశ అత్యున్నత పౌర పురస్కారం భారతరత్న ప్రకటనపై తెలుగుదేశం అధినేత చంద్రబాబు అభినందనలు తెలిపారు. అడ్వాణీ దేశం పట్ల ఆదర్శప్రాయమైన కృషి, అంకితభావం కనబరుస్తూ తనకు తాను గుర్తింపు పొందారని చంద్రబాబు కొనియాడారు. పండితుడు, రాజనీతిజ్ఞుడుగా దేశానికి అసాధారణమైన సేవలను అందించారన్నారు. ఆయనతో కలిసి పనిచేసే అవకాశం తనకు దక్కిందని తెలిపారు. అడ్వాణీ ఆప్యాయత స్వభావం అందరికీ స్ఫూర్తిదాయకమని చంద్రబాబు పేర్కొన్నారు.
బీజేపీ అగ్రనేత ఎల్కే అడ్వాణీకి భారతరత్న- శుభాకాంక్షలు తెలిపిన ప్రధాని మోదీ
Janasena chief Pawan Kalyan: భారత రాజకీయాల్లో తనకంటూ ప్రత్యేక అధ్యాయాన్ని లిఖించుకున్న నాయకుడు మాజీ ఉప ప్రధానమంత్రి లాల్ కృష్ణ అడ్వాణీ అని జనసేన అధినేత పవన్‌ కల్యాణ్‌ కొనియాడారు. అత్యున్నతమైన ‘భారత రత్న’ పురస్కారానికి ఎంపిక చేయడం సంతోషదాయకమన్నారు. సుదీర్ఘమైన ప్రజా జీవిత అనుభవం కలిగిన అడ్వాణీకి ఈ సందర్భంగా తన తరఫున, జనసేన పక్షాన హృదయపూర్వక అభినందనలు తెలియచేశారు. మెజారిటీ భారతీయుల మనోభావాలకు ప్రతీకగా నిలిచి, ధృడ చిత్తంతో ఆయన చేపట్టిన కార్యక్రమాలు మన దేశ రాజకీయాలను ఎంతో ప్రభావితం చేశాయన్నారు.
అడ్వాణీ పేరు వినగానే ఎవరికైనా రథ యాత్ర స్ఫురణకు వస్తుందని అన్నారు. అయోధ్యలో రామ మందిర నిర్మాణం కోసం చేపట్టిన రథ యాత్ర భారత రాజకీయ, పాలన వ్యవస్థల్లో కీలక మలుపును తీసుకువచ్చిందని తెలిపారు. దేశానికి హోమ్ శాఖ మంత్రిగా చేసిన ఆయన సేవలు చిరస్మరణీయమైనవన్నారు. ఉప ప్రధానిగా, కేంద్ర మంత్రిగా, ప్రతిపక్ష నేతగా అడ్వాణీ ప్రజా పక్షం వహించారని, ఉత్తమ పార్లమెంటేరియన్గా నిలిచారన్నారు. అయోధ్యలో శ్రీరాముని ఆలయం నిర్మితమైన వేళ అడ్వాణీని భారత రత్న పురస్కారానికి ఎంపిక చేయడంపట్ల హర్షం వ్యక్తం చేశారు. ప్రధాన మంత్రి నరేంద్ర మోదీకీ, కేంద్ర ప్రభుత్వానికీ పవన్‌ కల్యాణ్‌ అభినందనలు తెలియచేశారు.
NTR centenary celebrations : 'ఎన్టీఆర్కు భారత రత్న ఇవ్వాల్సిందే'
Daggubati Purandheswari: దేశానికి అడ్వాణీ చేసిన సేవలు మరువలేనివని అలాంటి మహోన్నత వ్యక్తికి భారతరత్న రావడం తనతో సహా దేశ ప్రజలందరికీ సంతోషమని బీజేపీ రాష్ట్ర అధ్యక్షురాలు దగ్గుబాటి పురంధేశ్వరి అన్నారు. దేశ రాజకీయాలలో పేరెన్నిక గన్న వ్యక్తి భారతదేశ అభివృద్ధికి, పురోగమనానికి అందించిన సహకారం మరువలేనిదన్నారు. తన దార్శనికత, మేధస్సు కారణంగా దేశవ్యాప్తంగా అడ్వాణీ గౌరవాన్ని పొందగలిగారని బీజేపీ ఎదుగుదలలో కూడా ఆయన పాత్ర అమోఘమని కొనియాడారు. భారతరత్న అవార్డు లభించిన సందర్భంగా శుభాకాంక్షలు, అభినందనలు తెలిపారు.
'ఎన్టీఆర్కు భారతరత్న ఇవ్వాలి'.. లోక్సభలో ఎంపీ జయదేవ్
Nara Lokesh: భారతరత్న పొందిన ఎల్కే అడ్వాణీకి తెలుగుదేశం జాతీయ ప్రధాన కార్యదర్శి నారా లోకేశ్ హృదయపూర్వక అభినందనలు తెలిపారు. దేశానికి ఆయన చేసిన కృషికి తగిన విధంగా దేశం అత్యున్నత పౌర గౌరవం లభించిందని పేర్కొన్నారు.
