MLC Kavitha Fires on CM Revanth Reddy : యాదాద్రి ఆలయంలో ఇవాళ డిప్యూటీ సీఎం భట్టి, మంత్రి కొండా సురేఖకు జరిగిన అవమానం పట్ల విచారం వ్యక్తం చేస్తున్నట్లు బీఆర్ఎస్ ఎమ్మెల్సీ కవిత తెలిపారు. అగ్రవర్ణాలకు సంబంధించిన సీఎం రేవంత్, ఇవాళ యాదాద్రి ఆలయంలో ఉపముఖ్యమంత్రి భట్టి విక్రమార్కను(Bhatti Vikramarka), మంత్రి కొండా సురేఖను అవమానించే విధంగా వాళ్లను కింద కూర్చోబెట్టి, అగ్రవర్ణ నాయకులను పైన కూర్చోబెట్టడం వివక్షకు నిదర్శనం కాదా అని కవిత ప్రశ్నించారు.
ఇది చాలా దౌర్భాగ్యమన్న ఆమె, ఈ ఘటనపై సీఎం రేవంత్ తక్షణమే క్షమాపణలు చెప్పాలని డిమాండ్ చేశారు. ఈరోజు ఉమ్మడి నల్గొండలోని బీసీల హక్కుల సాధనకై ఏర్పాటు చేసిన రౌండ్ టేబుల్ సమావేశంలో ఆమె ముఖ్య అతిథిగా పాల్గొని మాట్లాడారు. నల్గొండకు వచ్చిన ఆమె ముందుగా క్లాక్ టవర్ సెంటర్లోని మహాత్మా జ్యోతిరావు పూలే(Mahatma Jyoti Rao Phule) విగ్రహానికి పూలమాలలు వేశారు. అనంతరం అక్కడి నుంచి జిల్లా కేంద్రంలోని చిన్న వెంకట్ రెడ్డి ఫంక్షన్ హాల్లో ఏర్పాటు చేసిన రౌండ్ టేబుల్ సమావేశానికి హాజరై ప్రసంగించారు.
ఫూలే విగ్రహ ఏర్పాటుపై అప్పటిలోగా ప్రభుత్వం నుంచి సానుకూల నిర్ణయం రావాలి : కవిత
MLC Kavitha Demands to CM Revanth For BC Reservation : పూలే జయంతి వచ్చేలోగా అసెంబ్లీలో ఆయన విగ్రహాన్ని ఏర్పాటు చేయాలని డిమాండ్ చేశారు. సమావేశం అనంతరం ఆమె మీడియాతో మాట్లాడుతూ, సాక్షాత్తు యాదాద్రి లక్ష్మీ నరసింహస్వామి సాక్షిగా దళితుడైన భట్టి విక్రమార్కను, మంత్రి కొండా సురేఖలను రేవంత్ రెడ్డి అవమానించారని, సోషల్ మీడియాలో(Social Media) ఆ ఘటనకు సంబంధించిన వీడియోలు వైరల్ అవుతున్నాయని తెలిపారు.
నేడు మహిళకు 47 శాతం రిజర్వేషన్లతో ఉద్యోగాలు ఇచ్చామని సీఎం రేవంత్ అబద్ధాలు చెబుతున్నారని ఆరోపించారు. గురుకులాల్లో 85 శాతం రిజర్వేషన్లు ఇవ్వాలని ఆనాడు కేసీఆర్(KCR) జీఓ ఇచ్చారని గుర్తుచేశారు. దాన్ని కాంగ్రెస్ వాళ్లు తొలగించి యువతను మభ్యపెట్టాలని సీఎం చూస్తున్నారనీ ఆరోపించారు. మ్యానిఫెస్టోలో చెప్పిన విధంగా బీసీలకు 42 శాతం రిజర్వేషన్లు అమలు చేయాలనీ, అందుకే రౌండ్ టేబుల్ సమావేశాలు నిర్వహిస్తున్నట్లు ఈసందర్భంగా వెల్లడించారు.
భారత జాగృతి కమిటీలన్నీ రద్దు - కవిత సంచలన నిర్ణయం
ఆడబిడ్డల ఉద్యోగాలు ఊడగొట్టి - రూ.500కే వంట గ్యాస్ అని ఇంట్లో కూర్చోబెడతారా? : కవిత
