Minister Komati Reddy Venkat Reddy meet with Secunderabad Lok Sabha Leaders : లోక్సభ ఎన్నికల్లో 13 నుంచి 14 స్థానాలు కాంగ్రెస్ పార్టీ కైవసం చేసుకుంటుందని ఆర్ అండ్ బీ శాఖ మంత్రి కోమటిరెడ్డి వెంకట్ రెడ్డి రాబోయే పది సంవత్సరాల పాటు కాంగ్రెస్ పార్టీ రాష్ట్రంలో అధికారంలోనే ఉంటుందని మంత్రి స్పష్టం చేశారు. సికింద్రాబాద్ పార్లమెంటు(Secunderabad Lok Sabha) పరిధిలోని అసెంబ్లీ ఎన్నికల్లో పోటీ చేసిన అభ్యర్థులతో మంత్రి కోమటిరెడ్డి వెంకట్ రెడ్డి తన నివాసంలో సమావేశం నిర్వహించారు. సికింద్రాబాద్ పార్లమెంటు నియోజకవర్గ అభ్యర్థులు, పార్లమెంటు అభ్యర్థి దానం నాగేందర్ ఈ సమావేశంలో పాల్గొన్నారు.
ఈ సందర్భంగా మంత్రి కోమటిరెడ్డి వెంకట్ రెడ్డి మాట్లాడుతూ ఈ నెల 6న తుక్కుగూడలో నిర్వహించే కాంగ్రెస్ జన జాతర బహిరంగ సభ(Jana Hatha Sabha)కు జన సమీకరణ చేయాలని సూచించారు. అలాగే సికింద్రాబాద్ పార్లమెంటు అభ్యర్థి నాగేందర్ను గెలిపించాలని కోరారు. త్వరలో సికింద్రాబాద్ పార్లమెంటు పరిధిలోని ఏడు నియోజకవర్గాల్లో సమీక్షా సమావేశాలు నిర్వహిస్తామని మంత్రి కోమటి రెడ్డి స్పష్టం చేశారు.
కాంగ్రెస్ ప్రభుత్వాన్ని కూల్చే సత్తా కిషన్‌రెడ్డికి లేదు : మంత్రి కోమటిరెడ్డి వెంకట్రెడ్డి
Lok Sabha Election 2024 : ఎట్టి పరిస్థితిలో పార్లమెంటు ఎన్నికల్లో దానం నాగేందర్ను లక్ష నుంచి రెండు లక్షల మెజారిటీతో గెలిపించుకుంటామని మంత్రి కోమటిరెడ్డి వెంకట్ రెడ్డి తెలిపారు. అధికారం కోల్పోయిన బీఆర్ఎస్ మూడు నెలల్లోపే కుప్పకూలిపోయిందని ఎద్దేవా చేశారు. కేంద్రమంత్రి కిషన్ రెడ్డి సికింద్రాబాద్కు కనీసం నిధులు కూడా తీసుకురాలేదని ఆరోపించారు. బీజేపీ మతాల మధ్య ఘర్షణ పెట్టి గెలవాలని చూస్తున్నారని మంత్రి కోమటిరెడ్డి తీవ్రస్థాయిలో విమర్శలు చేస్తున్నారు.
"ముందుగా రేపు 6వ తేదీన జరిగే తుక్కుగూడ జనజాతర సభను విజయవంతం చేయాలి. ఈ సమావేశానికి ఏఐసీసీ అధ్యక్షుడు ఖర్గే, రాహుల్ గాంధీ, ప్రియాంక గాంధీ విచ్చేస్తున్నారు. జాతీయ మేనిఫెస్టోను ఈ సభలో విడుదల చేయబోతున్నారు. ఈ సభను 10 లక్షల మందితో నిర్వహించనున్నారు. సికింద్రాబాద్ నియోజకవర్గం నుంచి పెద్ద ఎత్తున జన సమీకరణ చేస్తున్నాము. అలాగే దానం నాగేందర్ను లక్ష నుంచి రెండు లక్షల ఓట్ల మెజారిటీతో గెలిపించుకుంటాం." - కోమటిరెడ్డి వెంకట్ రెడ్డి, ఆర్ అండ్ బీ శాఖ మంత్రి
13 నుంచి 14 ఎంపీ సీట్లు గెలవడం ఖాయం - ప్రతిపక్షాల అసత్య ప్రచారాలు నమ్మొద్దు : మంత్రి కోమటిరెడ్డి
