pawan kalyan cars : ఎన్నికల్లో పోటీ చేసే అభ్యర్థులు ముందుగా నామినేషన్ దాఖలు చేయాల్సిందే. తమపై నమోదైన కేసులు, ఆస్తుల పూర్తి వివరాలను అందులో వెల్లడించాల్సిందే. ఈ నేపథ్యంలో వేల కోట్లు కలిగిన పలువురు అభ్యర్థుల ఆస్తుల వివరాలు తెలిసి ఓటర్లు అవాక్కవుతున్నారు. కాగా, కూటమి అభ్యర్థిగా పిఠాపురం అసెంబ్లీ స్థానానికి పోటీ చేస్తున్న జనసేన పార్టీ అధ్యక్షుడు పవన్ కళ్యాణ్ ఇవాళ నామినేషన్ దాఖలు చేశారు. ఈ సందర్భంగా తనపేరిట ఉన్న ఆస్తుల వివరాలను ఆయన ఎన్నికల కమిషన్కు నివేదించారు.
కాసేపట్లో పవన్‌కల్యాణ్‌ నామినేషన్ - పిఠాపురంలో భారీ ర్యాలీ - Pawan Kalyan Nomination With Rally
పవన్ వద్ద మొత్తం 11 వాహనాలు ఉన్నాయి. అందులో ఒకటి బైక్ కాగా మరొకటి పికప్ ట్రక్, మరో 9 కార్లు ఉన్నాయి. పవన్ 2010 సంవత్సరంలో హార్లే డేవిడ్ సన్ బైక్ కొనుగోలు చేశారు. అప్పట్లో ఆ బైక్ ధర 32లక్షల 66వేల 536 రూపాయలు. ఆ తర్వాత 2011లో పవన్ ఆర్ క్లాస్ 360 మోడల్ బెంజ్ కారు కొన్నారు. దాని ధర 72లక్షల 95వేల 264 రూపాయలు. ఇక 2014లో మహీంద్రా కంపెనీకి చెందిన ఎస్ 8 మోడల్ స్కార్పియోను 13లక్షల 82వేల 240 రూపాయలకు కొనుగోలు చేశారు. 2021లో టాటా యోధా పికప్ ట్రక్ తీసుకున్నారు. ఆ వాహనం ధర 9లక్షల 19వేల 098 రూపాయలు మాత్రమే. పవన్ వద్ద ఉన్న వాహనాల్లో అతి తక్కువ ధర దీనిదే కావడం గమనార్హం.
2021లో ఎస్ క్లాస్ 560 మోడల్ బెంజ్ కారును 2కోట్ల 42లక్షల 06వేల 101 రూపాయలకు పవన్ కొనుగోలు చేశారు. 2022లో రేంజ్ రోవర్ స్పోర్స్ట్ కారును 5కోట్ల 47లక్షల 03వేల 087 రూపాయలకు కొనుగోలు చేశారు. పవన్ కొనుగోలు చేసిన వాహనాల్లో ఇదే అత్యధిక విలువైనది కావడం విశేషం.
2022 సంవత్సరంలో పవన్ కళ్యాణ్ ఆరు కార్లు కొన్నారు. అందులో మొదటిది 2కోట్ల 53లక్షల 70వేల 879 రూపాయలు వెచ్చించి టయోటా కంపెనీ ల్యాండ్ క్రూసర్, టయోటా కంపెనీకి చెందిన వెల్ఫేర్ కారును కోటీ 11లక్షల 88వేల 854 రూపాయలు పెట్టి కొన్నారు.
71లక్షల 54వేల 046రూపాయల విలువైన జీప్ వ్రాంగ్లర్ కారును, తర్వాత మహీంద్రా కంపెనీకి చెందిన స్కార్పియో ఎస్ 11 మోడల్ కార్లు మరో రెండింటిని పవన్ కొనుగోలు చేశారు. ఒక్కోదాని విలువ 23లక్షల 49వేల 648రూపాయలుగా పవన్ నామినేషన్ పత్రాల్లో వెల్లడించారు. మొత్తంగా ఆయన వద్ద ఒక బైక్, పికప్ ట్రక్ 9 కార్లు ఉండగా వాటి మొత్తం విలువ 14కోట్ల 01లక్షా 85వేల 401 రూపాయలు.
రాజానగరం గంజాయి, ఇసుక దోపిడీకి కేంద్రంగా మారింది: పవన్ కల్యాణ్ - Pawan Kalyan Varahi Yatra
