చిత్తూరులో సైకిల్​దే జోరు - తెలుగుదేశం పార్టీకి కంచుకోట - Chittoor LOK SABHA ELECTIONS

Chittoor Lok Sabha Constituency : రాష్ట్రానికి దక్షిణాగ్రాన ఉన్న లోక్​సభ నియోజకవర్గం చిత్తూరు. పెన్నా నదీ లోయ పట్టణంగా దీనిని చెప్పుకోవచ్చు, ద్రవిడ ప్రాంతమైన చిత్తూరు ప్రజలు తెలుగు, తమిళం, కన్నడ భాష మాట్లాడుతారు. ఈ జిల్లా మూడు రాష్ట్రాల సరిహద్దులో ఉండడమే ఇందుకు కారణం. స్వయంభువుగా వెలసిన కాణిపాక గణపతి గుడి చిత్తూరుకు అతి సమీపంలో ఉంది. మాడభూషి అనంతశయనం అయ్యంగార్‌ లోక్‌సభ సభాపతిగా పని చేసిన మొట్టమొదటి తెలుగు వ్యక్తి కావడం గమనార్హం.

Chittoor Lok Sabha Constituency : ఏపీలోని 25 లోక్‌సభ నియోజకవర్గాలలో చిత్తూరు ఒకటి. 1952లో ఏర్పడిన ఈ లోక్​సభ నియోజకవర్గాన్ని ఎస్సీకి రిజర్వ్‌ చేశారు. 1957లో ఇక్కడి నుంచి గెలుపొందిన మాడభూషి అనంతశయనం అయ్యంగార్‌ లోక్‌సభ సభాపతిగా పనిచేసిన మొట్టమొదటి తెలుగు వ్యక్తి కావడం గమనార్హం.

లోక్‌సభ పరిధిలోని అసెంబ్లీ స్థానాలు : ప్రస్తుతం ఈ నియోజకవర్గం పరిధిలో ఏడు శాసనసభా నియోజకవర్గాలున్నాయి.

1. చంద్రగిరి
2. నగరి
3. గంగాధర నెల్లూరు
4. చిత్తూరు
5. పూతలపట్టు
6. పలమనేరు
7. కుప్పం

2024 ఓటర్ల జాబితా ప్రకారం ఓటర్లు:

• మొత్తం ఓటర్ల సంఖ్య- 16.29 లక్షలు
• ఓటర్లలో పురుషుల సంఖ్య- 8.02 లక్షలు
• మహిళా ఓటర్ల సంఖ్య- 8.26 లక్షలు
• ఓటర్లలో ట్రాన్స్‌జెండర్ల సంఖ్య- 136

ఇప్పటివరకూ జరిగిన ఎన్నికల్లో అత్యధిక సార్లు కాంగ్రెస్‌ పార్టీ విజయం సాధించగా, రెండో స్థానంలో టీడీపీ నిలిచింది. అయితే అంతకుముందు వరకూ టీడీపీకి కంచుకోటగా ఉన్న చిత్తూరు లోక్​సభ నియోజకవర్గంలో గత ఎన్నికల్లో వైఎస్సార్సీపీ జెండా ఎగురవేసింది. 2019 ఎన్నికల్లో వైఎస్సార్సీపీ నుంచి పోటీ చేసిన ఎన్​. రెడ్డప్ప తన సమీప ప్రత్యర్థి టీడీపీ అభ్యర్థి ఎన్.శివప్రసాద్​పై విజయం సాధించారు. దీంతో ఈసారి ఎన్నికల్లో ఈ లోక్​సభ నియోజకవర్గంలో పుంజుకుని పూర్వవైభవాన్ని తిరిగి తెచ్చుకునేందుకు టీడీపీ కసరత్తు చేస్తోంది.

Chittoor_Lok_Sabha_Constituency

ప్రస్తుత ఎన్నికలకు పోటీలో ఉన్న అభ్యర్థులు: ప్రస్తుత ఎన్నికలకు ఎన్‌.రెడ్డప్ప మరోసారి వైఎస్సార్సీపీ నుంచి సీటు దక్కించుకున్నారు. పొత్తులో భాగంగా ఈ లోక్​సభ స్థానం బీజేపీకి కేటాయించగా వరప్రసాదరావును బరిలో దింపింది.

గత ఎన్నికల్లో గెలుపొందిన అభ్యర్థులు:

• 1952: టి.ఎన్. విశ్వనాథ రెడ్డి (కాంగ్రెస్)
• 1957: మాడభూషి అనంతశయనం అయ్యంగార్ (కాంగ్రెస్)
• 1962: ఎన్.జి.రంగా (స్వతంత్ర)
• 1967: ఎన్.పి. చెంగల్రాయుడు (కాంగ్రెస్)
• 1971: పి.నరసింహారెడ్డి (కాంగ్రెస్)
• 1977: పి.రాజగోపాల్ నాయుడు (కాంగ్రెస్)
• 1980: పి.రాజగోపాల్ నాయుడు (కాంగ్రెస్)
• 1984: ఎన్.పి. ఝాన్సీ లక్ష్మి (టీడీపీ)
• 1989: ఎమ్.జ్ఞానేంద్ర రెడ్డి (కాంగ్రెస్)
• 1991: ఎమ్.జ్ఞానేంద్ర రెడ్డి (కాంగ్రెస్)
• 1996: ఎన్.రామకృష్ణా రెడ్డి (టీడీపీ)
• 1998: ఎన్.రామకృష్ణా రెడ్డి (టీడీపీ)
• 1999: ఎన్.రామకృష్ణా రెడ్డి (టీడీపీ)
• 2004: డి.కె.ఆదికేశవులు (టీడీపీ)
• 2009: ఎన్.శివప్రసాద్ (టీడీపీ)

ఇప్పటివరకూ గెలుపొందిన అభ్యర్థులు- సమీప ప్రత్యర్థులు:

• 2014: ఎన్‌.శివప్రసాద్‌ (టీడీపీ)- జీ.సామాన్య కిరణ్ (వైఎస్సార్సీపీ)
• 2019: ఎన్‌.రెడ్డప్ప (వైఎస్సార్సీపీ)- నారమల్లి శివప్రసాద్ (టీడీపీ)