Minapa Aaviri Kudumu Recipe : ఇప్పుడు.. బ్రేక్ఫాస్ట్ అనగానే మనకు ఇడ్లీ, వడ, దోశ, ఉప్మా వంటి వివిధ రకాల ఐటమ్స్ గుర్తుకు వస్తుంటాయి. కానీ, ఒకప్పుడు చాలా మంది మినప్పప్పుతో ఆవిరి కుడుములు చేసుకుని తినేవారు. ఈ కుడుములలో ఐరన్, క్యాల్షియం వంటి వివిధ రకాల పోషకాలన్నీ పుష్కలంగా ఉంటాయి. దీంతో వీటిని తినడం వల్ల ఆరోగ్యానికి ఎంతో మేలు జరిగేది. చిన్న పిల్లల నుంచి పెద్దల వరకు ప్రతి ఒక్కరూ వీటిని తినేవారు. మరి, పాతకాలం నాటి ఈ ఆవిరి కుడుములను సింపుల్గా ఇంట్లోనే ఎలా చేసుకోవాలో ఇప్పుడు చూద్దాం. అలాగే ఆవిరి కుడుములకు కాంబినేషన్గా బొంబాయి చట్నీ సూపర్ టేస్టీగా ఉంటుంది. ఈ రెండింటినీ ఎలా చేయాలో మీరు ఓ లుక్కేయండి..
కావాల్సిన పదార్థాలు..
- పొట్టు మినప్పప్పు-పావు కేజీ
- ఉప్పు రుచికి సరిపడా
తయారీ విధానం..
- ఆవిరి కుడుములు చేయడానికి మినప్పప్పు శుభ్రంగా కడిగి రాత్రంతా నానబెట్టుకోవాలి. ఉదయాన్నే పిండిని మిక్సీ గిన్నెలో వేసుకుని మెత్తగా గ్రైండ్ చేసుకోవాలి.
- ఇప్పుడు కుడుములు చేయడానికి ఒక తెల్లటి కాటన్ వస్త్రం, గిన్నె తీసుకోండి. గిన్నెలో సగానికి పైగా నీళ్లు పోసి.. కాటన్ వస్త్రాన్ని గిన్నెపైన పేర్చి అంచుల కింద దారంతో టైట్గా కట్టండి.
- తర్వాత వస్త్రం పైన మినపపిండి వేసి చేతితో మొత్తం స్ప్రెడ్ చేయండి. ఇప్పుడు వస్త్రాన్ని పిండిపై వేసి.. మూత పెట్టండి. స్టౌ మీడియం ఫ్లేమ్లో పెట్టి 25 నిమిషాలు ఉడికించుకోండి.
- కుడుములు ఉడికిన తర్వాత వాటిని ఒక ప్లేట్లోకి తీసుకోండి. అంతే ఇలా మిగిలిన పిండితో వీలైనన్ని ఆవిరి కుడుములు చేసుకోవాలి.
- ఇలా చేస్తే ఎంతో రుచికరమైన మినప ఆవిరి కుడుములు రెడీ. వీటిని బొంబాయి చట్నీతో తింటే టేస్ట్ అద్దిరిపోతుంది. సింపుల్గా బొంబాయి చట్నీ ఎలా చేయాలో ఇప్పుడు చూద్దాం.
Bombay Chutney Recipe :
బొంబాయి చట్నీకి కావాల్సిన పదార్థాలు..
- 2 టీ స్పూన్ల నూనె
- ఆవాలు-అర టీ స్పూన్
- శనగపప్పు-టీ స్పూన్
- మినప్పప్పు-టీ స్పూన్
- జీలకర్ర- అర టీ స్పూన్
- ఎండు మిరపకాయలు- 2
- ఒక రెబ్బ కరివేపాకు
- 2 పచ్చి మిరపకాయలు
- పావుకిలో ఉల్లిపాయ ముక్కలు
- అర టీ స్పూన్ పసుపు
- రుచికి సరిపడా ఉప్పు
- 2 టీ స్పూన్ల శనగపిండి
- ఒక టీ స్పూన్ అల్లం తరుగు
- ఉడకబెట్టిన బంగాళ దుంప (ఆప్షనల్)
- ఒక టీ స్పూన్ నిమ్మరసం (ఆప్షనల్)
- కొత్తిమీర (ఆప్షనల్)
తయారీ విధానం..
- ముందుగా స్టౌ ఆన్ చేసుకుని ఓ గిన్నెలో ఆయిల్ పోసి వేడి చేసుకోవాలి.
- ఆ తర్వాత ఆవాలు, జీలకర్ర, మినప్పప్పు, శనగపప్పు వేసి వేయించుకోవాలి.
- తాలింపు వేగాక ఎండు మిరపకాయలు, కరివేపాకు, పచ్చి మిరపకాయలు, ఉల్లిపాయలు వేసి ఫ్రై చేసుకోవాలి.
- ఉల్లిపాయలను వేగిన తర్వాత అర లీటర్ నీళ్లు, ఉప్పు వేసి బాగా కలిపి మూత పెట్టి 12 నిమిషాల పాటు స్టౌ మీడియం ఫ్లేమ్లో పెట్టి ఉడికించుకోవాలి.
- ఇది ఉడుకుతున్న టైమ్లో శనగపిండిలో 50 మిల్లీ లీటర్ల నీళ్లు పోసి ఉండలు లేకుండా కలపాలి.
- ఇప్పుడు శనగపిండి మిశ్రమం, అల్లం తరుగు, వేసి బాగా కలిపి స్టౌ ఆఫ్ చేసుకోండి అంతే రుచికరమైన బొంబాయి చట్నీ రెడీ.
- ఇందులోకి అవసరమైతేనే ఉడకబెట్టిన పొటాటో, నిమ్మరసం, కొత్తిమీర వేసి కలుపుకోవచ్చు.
నిమిషాల్లోనే "అలసందల తాలింపు" రెడీ - ఇలా చేస్తే రుచికి రుచి, ఆరోగ్యానికి ఆరోగ్యం!
ఉల్లిపాయతో అద్దిరిపోయే పరోటా గురూ! - ఒక్కసారి తిన్నారంటే మీ ఫేవరెట్ లిస్టులో చేరిపోద్ది!
