Pumpkin Paratha Recipe in Telugu : మనలో చాలామందికి పరోటా అనగానే ఆలు పరోటానే గుర్తుకు వస్తోంది. వాతావరణం కాస్త చల్లగా ఉన్నప్పుడు వేడివేడిగా పరోటాలు తింటే ఆ ఫీలింగ్ అద్భుతంగా ఉంటుంది. అందుకే చాలా మంది తరచూ పరోటాలు చేసుకుని తింటుంటారు. అయితే.. పరోటాలను ఎప్పుడూ ఒకేలా కాకుండా ఈసారి కొత్తగా గుమ్మడికాయ గుజ్జుతో తయారు చేద్దాం!
ఈ గుమ్మడికాయ పరోటాలను బ్రేక్ఫాస్ట్, లంచ్, డిన్నర్ ఇలా ఏ పూటకైనా చేసుకుని తినచ్చు. వీటిని తయారు చేయడానికి ఎక్కువ సమయం కూడా పట్టదు. చాలా సింపుల్గానే ప్రిపేర్ చేసుకోవచ్చు. పైగా ఇవి ఆరోగ్యానికి ఎంతో మంచివి కూడా! మరి, ఈ గుమ్మడికాయ పరోటాలు ఎలా చేయాలో ఓ లుక్కేయండి..
కావాల్సిన పదార్థాలు :
- గుమ్మడికాయ ముక్కలు- అరకేజీ (పైన చెక్కు తీసేసుకోవాలి)
- గోధుమ పిండి- 4 కప్పులు
- ఉప్పు -టీస్పూన్
- పంచదార - 2 టీస్పూన్లు
- నూనె- సరిపడా
తయారీ విధానం :
- ముందుగా స్టౌపై పాన్ పెట్టి నీళ్లు పోయండి. ఆపై కట్ చేసిన గుమ్మడికాయ ముక్కలు వేసి మెత్తగా ఉడికించుకోండి.
- తర్వాత వాటిని నీటిలో నుంచి ఒక ప్లేట్లోకి తీసుకుని చల్లారనివ్వండి. ఇప్పుడు గరిటె లేదా చేతితో పూర్తిగా మెదుపుకోండి.
- అలాగే ఇప్పుడు ఒక మిక్సింగ్ బౌల్లో గోధుమ పిండి, ఉప్పు, చక్కెర వేసుకుని కలపండి. తర్వాత మెదుపుకున్న గుమ్మడికాయ గుజ్జు ఒక పెద్ద కప్పు వేసుకోండి.
- పిండిని బాగా మిక్స్ చేయండి. ఆపై కొద్దికొద్దిగా నీళ్లు పోసుకుంటూ చపాతీ పిండి మాదిరిగా కలుపుకోవాలి.
- చివరిగా పిండిలో కొద్దిగా ఆయిల్పోసి మూత పెట్టి 15 నిమిషాలు అలా వదిలేయాలి.
- ఆపై పిండిపై కొద్దిగా పొడి పిండి వేసి.. మరోసారి బాగా కలపాలి.
- ఇప్పుడు చపాతీ పిండిని చిన్న ముద్దలుగా చేసుకోండి.
- తర్వాత చిన్న ముద్దను తీసుకుని పొడి పిండిలో ముంచి చపాతీ పీటపై ఉంచాలి.
- ఇప్పుడు చపాతీ కర్రతో పరోటా మాదిరిగా రోల్ చేసుకోండి.
- ఇలా అన్ని పరోటాలను సిద్ధం చేసుకున్న తర్వాత.. స్టౌపై చపాతీ పెనం పెట్టండి.
- ఆ తర్వాత పెనంపై కొద్దిగా ఆయిల్ వేసి స్ప్రెడ్ చేయండి. ఇప్పుడు పరోటాను వేసి మీడియం ఫ్లేమ్లో దోరగా కాల్చాలి.
- తర్వాత పరోటాని మరోవైపు తిప్పి కాస్త ఆయిల్ వేసి కాల్చుకోవాలి.
- పరోటాలను మీడియం ఫ్లేమ్ మీద కాల్చుకుంటే చక్కగా ఉడుకుతాయి.
- ఇలా సింపుల్గా చేసుకుంటే టేస్టీ అండ్ హెల్దీ గుమ్మడికాయ పరోటా మీ ముందుంటుంది.
- ఈ పరోటాలు ఏ కర్రీలోకైనా రుచి అద్భుతంగా ఉంటాయి.
- నచ్చితే ఈ విధంగా పరోటాలను ఇంట్లో ఓ సారి ట్రై చేయండి.
ఇవి కూడా చదవండి :
చలికాలం ఇడ్లీ/దోశ పిండి చక్కగా పులియాలంటే - పప్పు నానబెట్టేటప్పుడు వీటిని ఒక స్పూన్ కలిపితే చాలట!
సూపర్ టేస్టీ "సగ్గుబియ్యం దోశలు" - నిమిషాల్లో చేసుకోండిలా! - అందరికీ చాలా చాలా నచ్చేస్తుంది!
