How to Make Afghani Egg Curry : ఇంట్లో ఏ కూరగాయలూ లేనప్పుడు చాలా మంది నిల్వ పచ్చడి ఏదో ఒకటి అన్నంలో వేసుకొని తింటారు. దానికి సైడ్ డిష్గా ఆమ్లెట్ వేసుకోవడం చేస్తుంటారు. లేదంటే.. ఆనియన్ ఎగ్ కర్రీ వండుకుంటారు. ఇలా కోడి గుడ్డుతో ఎన్నో రకాల రెసిపీలు చేసుకుంటుంటారు. అందులో దేనికదే ప్రత్యేకమైన రుచిని అందిస్తుంది. అలాంటి వాటిల్లో టాప్లో ఉండే రెసిపీ ఆఫ్ఘాని ఎగ్ మసాలా కర్రీ. వేడివేడి అన్నంలోకి, చపాతీల్లోకి ఈ రెసిపీ ఎంతో రుచికరంగా ఉంటుంది. అంతేకాదు.. ఈ ఆఫ్ఘాని ఎగ్ మసాలాను చాలా సులభంగా రెస్టారెంట్ స్టైల్లో తయారు చేయొచ్చు. మరి, దాన్ని ఎలా తయారు చేయాలో ఇప్పుడు చూద్దాం.
కావాల్సిన పదార్థాలు..
- బాయిల్డ్ ఎగ్స్-4
- కొత్తిమీర కప్పు
- ఉల్లిపాయలు-2
- పచ్చిమిర్చి-3
- జీడిపప్పు-10
- వెల్లుల్లి రెబ్బలు-4
- అల్లం -చిన్న ముక్క
- లవంగాలు-3
- యాలకులు-2
- దాల్చిన చెక్క
- పసుపు చిటికెడు
- కారం టేబుల్స్పూన్
- జీలకర్రపొడి-అరటీస్పూన్
- గరం మసాలా- పావుటీస్పూన్
- ఫ్రెష్ క్రీమ్-టేబుల్స్పూన్
- పెరుగు -2 టేబుల్స్పూన్లు
- కసూరి మేతి- టేబుల్స్పూన్
తయారీ విధానం..
- ముందుగా స్టౌపై పాన్ పెట్టి కొద్దిగా ఆయిల్ వేయండి. ఉల్లిపాయ ముక్కలు వేసి వేయించండి. ఇందులో వెల్లుల్లి రెబ్బలు, అల్లం ముక్క, పచ్చిమిర్చి, జీడిపప్పు వేసుకోవాలి. సన్నని మంటమీద ఉల్లిపాయలు మగ్గించి.. ప్లేట్లోకి తీసుకోవాలి.
- ఈ మిశ్రమం చల్లారిన తర్వాత మిక్సీ జార్లో వేసుకుని గ్రైండ్ చేసుకోవాలి. తర్వాత మిక్సీ గిన్నెలో కొత్తిమీర వేసుకుని.. కొద్దిగా నీళ్లు యాడ్ చేసుకుంటూ మెత్తగా గ్రైండ్ చేసుకోవాలి.
- ఇప్పుడు పాన్లో ఆయిల్ వేసి పసుపు, కారం, ఉప్పు వేసి ఎగ్స్ వేసి వేపుకోండి. వీటిని తీసి పక్కన పెట్టుకోండి.
- ఇదే పాన్లో కాస్త ఆయిల్ వేయండి. ఇందులో యాలకులు, దాల్చిన చెక్క, లవంగాలు వేయండి. తర్వాత ఇందులో గ్రైండ్ చేసుకున్న ఉల్లిపాయ, కొత్తిమీర మిశ్రమం వేసుకోండి.
- రెండు నిమిషాల తర్వాత ఇందులో పసుపు, జీలకర్ర పొడి, గరం మసాలా, రుచికి సరిపడా ఉప్పు వేసుకుని మూత పెట్టి కొద్ది సేపు ఉడికించుకోవాలి. తర్వాత ఇందులో ఫ్రెష్ క్రీమ్, పెరుగు వేసి కలుపుకోవాలి.
- కర్రీలో ఆయిల్ పైకి తేలిన తర్వాత కసూరి మేతి, గ్రేవీకి సరిపడా నీళ్లు పోసుకోవాలి. ఇప్పుడే ఎగ్స్ వేసి మూత పెట్టి 5 నిమిషాలు ఉడికించుకోండి.
- స్టౌ ఆఫ్ చేసుకునే ముందు కొత్తిమీర చల్లుకుంటే సరిపోతుంది. సూపర్ టేస్టీ ఆఫ్ఘాని ఎగ్ గ్రేవీ కర్రీ రెడీ. నచ్చితే మీరు కూడా ట్రై చేయండి.
ఇవి కూడా చదవండి :
