How to avoid Bad Smell from Bathroom: దీపావళి సందడి మొదలైంది. ఈ పండగ వేళ ఇంటికి అతిథులు వస్తుంటారు. ఈ క్రమంలో ముందుగానే ఇంటిని క్లీన్ చేస్తుంటారు మహిళలు. అయితే హోమ్ క్లీన్ చేయడం ఒక ఎత్తయితే.. బాత్రూమ్ క్లీనింగ్ మరోలా ఉంటుంది. ఎందుకంటే అక్కడ ఎక్కువ సేపు శ్రమించాల్సి వస్తుంది. అయితే ఒక్కోసారి టాయిలెట్స్ ఎంత క్లీన్ చేసినా బాత్రూం నుంచి చెడు వాసన వస్తూనే ఉంటుంది. ఇక మనుషులు ఎక్కువైతే ఈ సమస్య మరింత తీవ్రంగా మారుతుంది. అలాంటప్పుడు ఈ చిన్ని చిట్కాలు ట్రై చేయమంటున్నారు నిపుణులు. అవేంటో ఇప్పుడు చూద్దాం..
సుగంధ నూనెలు ప్రయత్నించండి: బాత్రూమ్‌లు ఫ్రెష్గా ఉండేందుకు ఇప్పుడు మార్కెట్లో బోలెడు ఫ్రెషనర్లు అందుబాటులో ఉన్నాయి. కాబట్టి వీటిని ఉపయోగించవచ్చు. లేదంటే ఎసెన్షియల్‌ ఆయిల్స్ను స్ప్రే చేసినా ఫలితం ఉంటుంది. ఎందుకంటే ఈ నూనెల్లోని యాంటీ బ్యాక్టీరియల్‌ లక్షణాలు.. ఫంగస్‌లు, బ్యాక్టీరియాలను పోగొడతాయి. కాబట్టి లావెండర్ లేదా మింట్ ఎసెన్షియల్‌ ఆయిల్లో ఓ కాటన్ బాల్ ముంచి దాన్ని బాత్రూమ్లో ఓ మూలన ఉంచండి. ఇలా చేయడం వల్ల దుర్వాసన తగ్గిపోతుంది.
వెనిగర్: ముందుగా ఎప్పటిలానే బాత్రూమ్ను శుభ్రం చేయాలి. ఆ తర్వాత ఒక బకెట్ నీళ్లలో సుమారు ఒక గ్లాసు వెనిగర్ను కలిపి బాత్రూంలో పోసి సుమారు గంట సేపు నాననివ్వండి. ఆపై బాత్రూమ్ను మళ్లీ నీటితో శుభ్రం చేస్తే వాసన రాకుండా ఉంటుంది.
పేస్ట్: ఏదైనా మంచి సువాసన కలిగిన టూత్పేస్ట్కి అక్కడక్కడ పిన్నుతో హోల్స్ పెట్టి ఆ ట్యూబ్ని మీ ఫ్లష్లో వేయాలి. దీని వల్ల ఫ్లష్ కొట్టిన ప్రతిసారి మంచి స్మెల్ స్ప్రెడ్ అవ్వడమే కాకుండా టాయిలెట్ క్లీన్గా ఉంటుంది.
బేకింగ్ సోడా: టాయిలెట్స్ ఎంత క్లీన్ చేసినా మురికి పోకుండా వాసన వస్తూ ఉంటే.. బేకింగ్ సోడాలో కాస్త డిష్వాషర్ లిక్విడ్ వేసి మిక్స్ చేసి టాయిలెట్ సీట్స్పై పోసి బాగా రబ్ చేసి వదిలేయాలి. ఒక పది నిమిషాల తర్వాత టాయిలెట్స్ క్లీన్ చేస్తే తెల్లగా మారడమే కాకుండా దుర్వాసన కూడా పోతుంది.
సిట్రిక్ యాసిడ్: పావు కప్పు బేకింగ్ సోడాలో పావు కప్పు సిట్రిక్ యాసిడ్, రెండు చెంచాల లిక్విడ్ డిష్వాషర్ కలుపుకోవాలి. ఈ మిశ్రమాన్ని పాత ఐస్‌ ట్రేలో వేసి ఆరనివ్వాలి. గట్టిగా అయ్యాక వీటిని స్నానాల గదిలో అక్కడక్కడా పెడితే దుర్వాసన పోతుంది.
గోడలు మురికిగా మారాయా ? - ఈ టిప్స్ పాటిస్తూ క్లీన్ చేసి - దీపావళికి అందంగా మార్చండి!
ఈ జాగ్రత్తలు కూడా:
- బాత్రూమ్ ఫ్లోర్, వాష్ బేసిన్, సింక్, షవర్, బాత్‌టబ్, టాయిలెట్ వంటివి క్రమం తప్పకుండా క్లీన్ చేయాలి. వీటిని రెగ్యులర్గా క్లీన్ చేస్తే చెడు వాసనలకు కారణమయ్యే ధూళి, ధూళి తొలగిపోయి దుర్వాసన రాకుండా ఉంటుంది.
- బాత్రూమ్ గదికి గాలీ, వెలుతురూ ధారాళంగా ఉండేలా చూసుకోవాలి. అలాగే ఉపయోగించని సమయంలో కిటికీలు, తలుపులు తెరిచిపెట్టడం వల్ల అక్కడ ఉన్న తేమ తొందరగా ఆరిపోతుంది.
- బాత్రూమ్లో సగం తడిచిన దుస్తులు ఉంటే కచ్చితంగా దుర్వాసన వస్తుంది. అందుకనే ఈ ప్రదేశాల్లో దుస్తులు, టవల్స్ లేకుండా ఎప్పటికప్పుడు తీసివేయండి.
- బాత్రూమ్ డ్రైన్‌ వద్ద ఎలాంటి అడ్డంకులూ లేకుండా సజావుగా నీరు వెళ్లడానికి వీలుగా ఉందో లేదో ఎప్పటికప్పుడు సరి చూసుకోవాలి.
- ఇలాంటి చిన్న చిన్న చిట్కాలు ఫాలో అవ్వడం వల్ల బాత్రూమ్స్ నుంచి దుర్వాసన రాకుండా ఎల్లప్పుడూ ఫ్రెష్గా ఉంటాయి.
కుక్కర్‌ నుంచి వాటర్‌ లీకై కిచెన్ మొత్తం పాడైపోతోందా ? - ఈ టిప్స్ పాటిస్తే ఈజీగా చెక్ పెట్టొచ్చు!
కుంకుడు కాయలతో జుట్టు మాత్రమే కాదు ఇవీ క్లీన్ అవుతాయి! - ఎలా వాడాలో తెలుసా?
