మీ గ్యాస్​ బర్నర్​ సరిగా మండట్లేదా? - సేఫ్టీ పిన్​​తో ఇలా చేస్తే - చిటికెలో ప్రాబ్లమ్ సాల్వ్! - Gas Stove Repair Tricks

Gas Stove Repair Tricks: కొత్త గ్యాస్ స్టౌ ఆన్​ చేసినప్పుడు మంట ఫుల్​గా వస్తుంది. కొంతకాలం వాడాక ఏదో ఒక బర్నర్ నుంచి మంట సరిగా రాదు. లేదంటే.. రెండిట్లోనూ ఈ సమస్య వస్తుంటోంది. అలాంటి టైమ్​లో రిపేరింగ్ షాపుకి వెళ్లాల్సిన పనిలేదు. మీరే చిటికెలో ఇలా రిపేర్ చేసుకోవచ్చు. అదెలాగో ఇప్పుడు చూద్దాం.

Best Tips To Repair Gas Stove : నేటి రోజుల్లో దాదాపు అందరి ఇళ్లలో వంట కోసం ఎల్​పీజీ గ్యాస్ స్టౌలను వాడుతున్నారు. అయితే, వీటిని కొత్తగా తీసుకున్నప్పుడు మంట నిండుగా వస్తుంది. కానీ.. కొంతకాలం వాడిన తర్వాత ఏదో ఒక బర్నర్ నుంచి మంట సరిగా రాదు. లేదంటే.. ఒక్కోసారి రెండిట్లోనూ ఈ ప్రాబ్లమ్ తలెత్తవచ్చు. ఈ క్రమంలోనే చాలా మంది మంట సరిగ్గా రావట్లేదని సిలిండర్ నుంచి స్టౌను వేరు చేసి రిపేరింగ్ షాపుకి తీసుకెళ్లడం చేస్తుంటారు. చిన్న రిపేరింగ్​కి కూడా ఎక్కువ డబ్బు ఖర్చు చేస్తుంటారు. మీరూ ఇలాగే చేస్తున్నారా? అయితే, ఇకపై మీ గ్యాస్ స్టౌ మంట తక్కువగా వస్తుంటే.. రిపేరింగ్ షాపుకి వెళ్లాల్సిన పనిలేదు! చాలా సింపుల్​గా స్టేఫీ పిన్​తో మీరే గ్యాస్ స్టౌ రిపేర్ చేసుకోవచ్చు. అదెలాగో ఈ స్టోరీలో తెలుసుకుందాం.

• గ్యాస్ స్టౌ రిపేరింగ్ ప్రక్రియ ప్రారంభించే ముందు.. సిలిండర్ దగ్గర రెగ్యులేటర్ ఆఫ్ చేయాలి. అవసరమైతే రెగ్యులేటర్​ను సిలిండర్ నుంచి వేరు చేసుకుంటే ఇంకా మంచిది. ఆ తర్వాత రిపేరింగ్ ప్రాసెస్ స్టార్ట్ చేయాలి.
• ఇప్పుడు స్టౌ పై ఉండే బర్నర్ స్టాండ్స్, బర్నర్స్, ప్లేట్స్ తీసి పక్కన పెట్టుకోవాలి. ఆపై స్టౌను బల్ల లేదా గ్యాస్ స్టౌ(Gas Stove) ఉన్న చోటనే తలక్రిందులుగా చేసుకోవాలి. అంటే.. బ్యాక్ పోర్షన్ ముందుకు వచ్చేలా చూసుకోవాలి.
• ఆ తర్వాత మీరు ఏ బర్నర్ నుంచి అయితే తక్కువగా మంట వస్తుందో దాని కనెక్టింగ్ పాయింట్​ను పరిశీలించాలి. అంటే.. గ్యాస్ వచ్చే పైపు బర్నర్ సెట్ కలిసే ప్లేస్.
• అక్కడ గమనించినట్లయితే.. మీకు బర్నర్ సెట్ కింద ఒక చిన్న హోల్ కనిపిస్తుంది. దాంట్లో ఏదైనా దుమ్ము, ధూళి జామ్ అయితే కూడా మంట తక్కువ వచ్చే ఛాన్స్ ఉంటుందంటున్నారు నిపుణులు. ఎందుకంటే.. దాని నుంచే గ్యాస్ వస్తుంది.
• కాబట్టి, మీరు దాన్ని క్లీన్ చేసుకుంటే ప్రాబ్లమ్ సాల్వ్ అవుతుందంటున్నారు. ఇందుకోసం మీరు ముందుగా ఒక సేఫ్టీ పిన్(పిన్నీసు) తీసుకొని దాన్ని 'U' ఆకారంలో వంచుకోవాలి.
• ఆపై ఆ పిన్​ను బర్నర్ కింద హోల్​లో పెట్టి పైకి, కిందికి రెండు, మూడు సార్లు అనాలి. అంటే.. అందులో ఉండే మలినాలను తొలగించుకోవాలన్నమాట. అనంతరం.. గ్యాస్ స్టౌను నార్మల్​గా సెట్ చేసుకొని ఆన్ చేసుకుంటే చాలు. ప్రాబ్లమ్ సాల్వ్ అయి నార్మల్​గా మంట వస్తుందని చెబుతున్నారు నిపుణులు.
• ఒకవేళ ఈవిధంగా చేసిన కూడా మంట తక్కువగా వస్తే.. అప్పుడు రెగ్యులేటర్ ఆఫ్ చేసి స్టౌపై ఉన్నవన్నీ తీసి పక్కన ఉంచుకోవాలి.
• ఆ తర్వాత స్టౌను తలక్రిందులుగా చేసి.. కటింగ్ ప్లయర్ సహాయంతో బర్నర్ సెట్​ను పూర్తిగా తొలగించుకోవాలి.
• గ్యాస్ పైపునకు ఉన్న చిన్న హోల్ నట్టు తీసి అందులో ఏమైనా మలినాలు ఉంటే బయట, లోపల నుంచి సేఫ్టీ పిన్​తో క్లీన్ చేసుకోవాలి. ఆపై ఒకసారి నోటితో గాలి ఊది చూసుకుంటే దాని నుంచి ఎయిర్ మంచిగా వస్తుందో లేదో తెలిసిపోతుంది.
• ఆవిధంగా క్లీన్ చేసుకున్నాక.. మళ్లీ యథావిథిగా అన్ని ఫిట్ చేసుకొని గ్యాస్ ఆన్ చేసుకుంటే చాలు. ఈజీగా ప్రాబ్లమ్ సాల్వ్ అవుతుందంటున్నారు నిపుణులు.

ఇవీ చదవండి :