French Toast Recipe in Telugu : నేటి ఉరుకుల పరుగుల జీవితంలో చాలా మంది టిఫెన్స్ ప్రిపేర్ చేసుకోవడానికి తగిన సమయం లేనప్పుడు బ్రెడ్తో చేసేవి ప్రత్యామ్నాయంగా ఎంచుకుంటుంటారు. అంటే.. ఈజీగా అయిపోతుందని బ్రెడ్ ఆమ్లెట్, ఇతర రెసిపీలు ట్రై చేస్తుంటారు. కానీ, అవి మాత్రమే కాదు బ్రెడ్తో నిమిషాల్లో ఈజీగా ప్రిపేర్ చేసుకునే మరో సూపర్ రెసిపీ ఉంది. అదే.. "స్టఫ్డ్ ఫ్రెంచ్ రోస్ట్". మార్నింగ్ బ్రేక్ఫాస్ట్ లేదా ఈవెనింగ్ స్నాక్లో టేస్టీగా ఏదైనా తినాలనుకునేవారికి కూడా ఇది బెస్ట్ ఛాయిస్ అని చెప్పుకోవచ్చు. సూపర్ టేస్టీగా ఉండే ఈ రెసిపీని పెద్దలే కాదు పిల్లలైతే మరీ ఇష్టంగా తింటారు! మరి, ఈ హెల్దీ అండ్ టేస్టీ రెసిపీని ఎలా ప్రిపేర్ చేసుకోవాలో ఇప్పుడు చూద్దాం.
కావాల్సిన పదార్థాలు :
- బంగాళదుంపలు - 3(మీడియం సైజ్వి)
- చిల్లీ ఫ్లేక్స్ - అరటేబుల్స్పూన్
- ఉప్పు - కొద్దిగా
- చాట్ మసాలా - అరటీస్పూన్
- వేయించిన జీలకర్ర పొడి - అరటీస్పూన్
- కొత్తిమీర తరుగు - కొద్దిగా
- మిరియాల పొడి - కొద్దిగా
- బ్రెడ్ స్లైసులు - 6
- గుడ్లు - 2
- పాలు - 1 కప్పు
- బ్రౌన్ షుగర్ - 1 టేబుల్స్పూన్
- బటర్ - కొద్దిగా
తయారీ విధానం :
- ఇందుకోసం ముందుగా బంగాళదుంపలను ఉడికించుకోవాలి. ఆపై వాటి పొట్టు తొలగించి ఒక మిక్సింగ్ బౌల్లో తురుముకోవాలి.
- తర్వాత అందులో చిల్లీ ఫ్లేక్స్, ఉప్పు, చాట్ మసాలా, వేయించిన జీలకర్ర పొడి, కొత్తిమీర తరుగు, మిరియాల పొడి వేసుకొని అన్నీ కలిసేలా బాగా కలిపి పక్కన ఉంచుకోవాలి.
- ఇప్పుడు శాండ్విచ్ బ్రెడ్ స్లైసులను తీసుకొని వాటి చివరలన్నింటినీ కట్ చేసుకోవాలి.
- అనంతరం ఒక్కో బ్రెడ్ స్టైస్ని తీసుకుంటూ దాని మీద ముందుగా ప్రిపేర్ చేసుకున్న ఆలూ మిక్చర్ని ఒక టేబుల్స్పూన్ వేసుకొని నెమ్మదిగా బ్రెడ్ మొత్తం స్ప్రెడ్ చేసుకోవాలి. అలా అన్నింటికి అప్లై చేసుకొని పక్కన ఉంచుకోవాలి.
- ఇప్పుడు మరో మిక్సింగ్ బౌల్లో ఎగ్స్ని పగులకొట్టి వేసుకోవాలి. ఆపై అందులో చిక్కని పాలు, కొద్దిగా మిరియాల పొడి, ఉప్పు యాడ్ చేసుకొని మిశ్రమం మొత్తం చక్కగా కలిసేలా బాగా విస్క్ చేసుకోవాలి.
- ఆవిధంగా మిక్స్ చేసుకున్నాక బ్రౌన్ షుగర్ వేసుకొని అది కరిగేంత వరకు మిశ్రమాన్ని బాగా మిక్స్ చేసుకొని పక్కన ఉంచుకోవాలి.
- ఆ తర్వాత ఆలూ మిక్చర్ అప్లై చేసుకున్న రెండు బ్రెడ్ స్లైసులను ఒకదానిపై మరొకటి పెట్టి నెమ్మదిగా అదిమితే స్టిక్ అయిపోతాయి. అనంతరం నెమ్మదిగా చాకుతో ట్రైయాంగిల్ షేప్లో కట్ చేసుకోవాలి. కొంచం డిఫరెంట్గా కనిపించాలంటే పొడవుగా స్ట్రిప్స్ మాదిరిగా కట్ చేసుకోవచ్చు.
- అనంతరం స్టౌ మీద పాన్ పెట్టుకొని కొద్దిగా బటర్ వేసుకోవాలి. అది కరిగి వేడక్కాక దాని మీద.. ఎగ్ మిక్చర్లో రెండు వైపులా తడిసేలా ముంచి చక్కగా కోట్ చేసుకున్న కట్ చేసిన బ్రెడ్ స్లైసును ఉంచాలి.
- ఆపై స్టౌను లో ఫ్లేమ్ టూ మీడియం ఫ్లేమ్కు అడ్జస్ట్ చేసుకుంటూ టోస్ట్ను రెండు వైపులా గోల్డెన్ కలర్ వచ్చేంత వరకు కాల్చుకోవాలి. అలా కాల్చుకునేటప్పుడు అంచుల వెంబడి కొద్దిగా బటర్ అప్లై చేసుకోవాలి. ఆవిధంగా అన్నింటినీ కాల్చుకొని వేడివేడిగా సర్వ్ చేసుకుంటే చాలు. అంతే.. ఎంతో టేస్టీగా ఉండే "స్టఫ్డ్ ఫ్రెంచ్ టోస్ట్" రెడీ!
- ఇక వీటిని వేడివేడిగా టమాటా కెచప్తో తింటుంటే కలిగే ఆ ఫీలింగ్ సూపర్గా ఉంటుంది! మరి, ఇంకెందుకు ఆలస్యం నచ్చితే మీరూ ఓసారి ట్రై చేయండి. ఇంటిల్లిపాదీ ఎంజాయ్ చేయండి!
ఇవీ చదవండి :
గుడ్డు లేకుండా అద్దిరిపోయే "బ్రెడ్ ఆమ్లెట్" - ఇలా ప్రిపేర్ చేస్తే ఇంకా కావాలంటారు!
ఎగ్, ఓవెన్‌ లేకుండానే టేస్టీ "క్రెమ్ కేరమెల్‌" - ఇలా చేస్తే నోట్లో వేసుకోగానే కరిగిపోతుంది!
