Pakistan Militant Attack On Vehicles : పాకిస్థాన్లో ప్రయాణికుల వాహనాలపై ఉగ్రవాదులు జరిపిన కాల్పుల్లో 50 మంది మరణించారు. 20 మంది గాయపడ్డారు. ఖైబర్‌ పఖ్తుంఖ్వా ప్రావిన్స్లోని కుర్రం జిల్లాలో గురువారం ఈ ఘటన జరిగింది. బాధితుల్లో ఎక్కువ మంది మహిళలు, చిన్నారులే ఉన్నారు.
కుర్రం జిల్లాలో కొన్ని కారణాల వల్ల ఓ కీలక రహదారిని కొన్ని వారాలపాటు మూసివేయగా, దానిని ఇటీవల తెరిచారు. ఈ మార్గంలోనే పరాచినార్‌ నుంచి పెషావర్‌కు ప్రయాణికులతో వెళ్తున్న వాహనాలను లక్ష్యంగా చేసుకొని ఉగ్రవాదులు కాల్పులకు తెగబడ్డారు. ఈ ఘటనలో బాధితుల సంఖ్య మరింత పెరగవచ్చని ప్రావిన్స్ చీఫ్‌ సెక్రటరీ నదీమ్‌ అస్లాం చౌధ్రీ తెలిపారు.
