Nobel Prize In Literature 2024 : 2024 ఏడాదిగానూ సౌత్ కొరియాక చెందిన రచయిత్రి హాన్ కాంగ్కు సాహిత్య విభాగంలో నోబెల్ బహుమతి దక్కింది. మానవ జీవితపు దుర్బలత్వాన్ని, చారిత్రక విషాదాలను కళ్లకు కట్టినట్లు రాసిన గద్యానికి ఈ పురస్కారం లభించిన్నట్లు స్వీడిష్‌ అకాడమీ ప్రకటించింది. హాన్ కాంగ్ 'ది వెజిటేరియన్‌' రచనకు గాను 2016లో అంతర్జాతీయ బుకర్‌ ప్రైజ్‌ అందుకున్నారు. మాంసాహారం మానేయాలని ఓ మహిళ తీసుకున్న నిర్ణయం ఎలాంటి వినాశకర పరిణామాలకు దారితీసిందనే నేపథ్యంగా వెజిటేరియన్‌ నవల ఉంటుంది. 2018లో 'హ్యుమన్‌ యాక్ట్‌' నవల అంతర్జాతీయ బుకర్‌ ప్రైజ్‌ ఫైనల్‌కు చేరింది.
BREAKING NEWS
— The Nobel Prize (@NobelPrize) October 10, 2024
The 2024 #NobelPrize in Literature is awarded to the South Korean author Han Kang “for her intense poetic prose that confronts historical traumas and exposes the fragility of human life.” pic.twitter.com/dAQiXnm11z
సాహిత్య విభాగంలో ఇప్పటి వరకు 119 నోబెల్ పురస్కారాలు లభించాయి. వారిలో 17 మంది మహిళలు ఉన్నారు. చివరిగా 2022లో ఫ్రాన్స్కు చెందిన అన్నీ ఎర్నాక్స్ నోబెల్ పురస్కారం వరించింది. గతేడాది సాహిత్య విభాగంలో నోబెల్ పురస్కారం- నార్వేకు చెందిన జాన్ ఫోసేను దక్కింది. ఆయన తన వినూత్న నాటకాలు, గద్యాలు మాటల్లో చెప్పలేని ఎన్నో అంశాలకు గళంగా మారాయని ఈ అవార్డును ప్రకటించారు. గతేడాది సాహిత్య విభాగంలో నోబెల్ పురస్కారం- నార్వేకు చెందిన జాన్ ఫోసేను దక్కింది. ఆయన తన వినూత్న నాటకాలు, గద్యాలు మాటల్లో చెప్పలేని ఎన్నో అంశాలకు గళంగా మారాయని ఈ అవార్డును ప్రకటించారు.
భారీ నగదు పురస్కారం
స్వీడెన్కు చెందిన దిగ్గజ రసాయన శాస్త్రవేత్త, ఇంజినీర్, వ్యాపారవేత్త అయిన ఆల్ఫ్రెడ్ నోబెల్ గుర్తుగా ఏటా డిసెంబర్ 10న ఈ పురస్కారాలు అందిస్తారు. వివిధ రంగాల్లో విశేష సేవలు అందించిన వారిని నోబెల్ కమిటీ ఇందుకు ఎంపిక చేస్తుంది. సోమవారం వైద్య రంగంలో పురస్కార విజేతల ప్రకటనతో ఈ ఏడాది నోబెల్ సీజన్ ప్రారంభమయ్యింది. అక్టోబరు 14 వరకు రోజూ ఒక్కో రంగంలో పురస్కారం అందుకునే వారి పేర్లను కమిటీ ప్రకటించనుంది. అత్యంత ప్రతిష్టాత్మకమైన నోబెల్ శాంతి పురస్కారం ఈ ఏడాది ఎవరికి దక్కనుందో శుక్రవారం తేలనుంది. ఆర్థిక శాస్త్రంలో నోబెల్ అవార్డు విజేత ఎవరో వచ్చే సోమవారం తెలియనుంది. నోబెల్ అవార్డు కింద మిలియన్ డాలర్ల నగదు బహుమతి అందిస్తారు.
