Israel Attack On Iran Today : గాజాపై ఇజ్రాయెల్ చేసిన దాడిలో 38 మంది మృతి చెందారు. ఈ మేరకు గాజా ఆరోగ్య శాఖ అధికారులు వివరాలు వెల్లడించారు. గాజా, లెబనాన్పై దాడుల తీవ్రత పెంచిన ఇజ్రాయెల్ గాజా పట్టిలోని ఖాన్ యూనిస్పై శుక్రవారం ఉదయం తదాడి చేసింది. అయితే అంతర్జాతీయంగా ఒత్తిడి వస్తున్నా ఇజ్రాయెల్ దాడులు మాత్రం ఆపడం లేదు.
ముగ్గురు జర్నలిస్టులు మృతి
ఇదిలా ఉండగా, లెబనాన్పై ఇజ్రాయెల్ చేసిన దాడిలో 3 టీవీ జర్నలిస్టులు చనిపోయినట్లు లెబనాన్ మీడియా పేర్కొంది. మృతుల్లో తమ స్టాఫర్లు- కెమెరా ఆపరేటర్ ఘస్సన్ నజర్, బ్రాడ్కాస్ట్ ఆఫరేటర్ మహ్మద్ రిదా ఉన్నారని బీరుట్కు చెందిన అల్-మయదీన్ టీవీ తెలిపింది. ఇక హెజ్బొల్లా సంస్థకు సంబంధించిన అల్-మనర్ టీవీ, తమ కెమెరా ఆపరేటర్ వాసిమ్ ఖాసిమ్ సైతం ఇజ్రాయెల్ దాడిలో మృతి చెందినట్లు వెల్లడించింది.
'అల్-జజీరాలో ఆరుగురు ఉగ్రవాదులు'
ఇటీవల ప్రముఖ అరబ్ మీడియా సంస్థ అల్-జజీరాపై ఇజ్రాయెల్ తీవ్ర ఆరోపణలు చేసింది. ఆ సంస్థకు చెందిన ఆరుగురు జర్నలిస్టులు ఉగ్రవాదులంటూ ఇజ్రాయెల్ ఆరోపించింది. పాలస్తీనాకు చెందిన హమాస్‌, ఇస్లామిక్‌ జిహాద్‌ గ్రూప్‌లతో వారు కలిసిపోయారని మండిపడింది. కాగా, ఇజ్రాయెల్ చేసిన ఆరోపణలపై అల్జజీరా తీవ్రంగా ఖండించింది.
నోబెల్ శాంతి బహుమతి గ్రహీతకు జైలు శిక్ష పొడగింపు
ఇరాన్కు చెందిన నోబెల్ శాంతి బహుమతి గ్రహీత నర్గెస్ మొహమ్మదికి అక్కడి అధికారులు 6 నెలలు జైలు శిక్ష పొడగించారు. ఆదేశాలను ధిక్కరించినందుకు, నిరాకరించినందుకు శిక్ష పొడగించినట్లు తెలిపారు.
ఈ ఏడాది ఆగస్టు 6న ఎవిన్ జైలులోని మహిళా వార్డులో మరో రాజకీయ ఖైదీని ఉరితీసినందుకు మొహమ్మది నిరసన తెలిపారని, అందుకే ఆమెపై ఈ అభియోగాలు మోపినట్లు 'ది ఫ్రీ నర్గెస్ కొయలెషన్' ఓ ప్రకటనలో తెలిపింది.
నార్గెస్ మొహమ్మది 2023 ఏడాదికి గానూ నోబెల్ శాంతి బహుమతి అందుకున్నారు. నోబెల్ శాంతి బహుమతి గెలుచుకున్న 19వ మహిళగా, మానవహక్కుల కార్యకర్త షిరిన్ ఏబాది(2003) తర్వాత రెండో ఇరానియన్గా చరిత్రకెక్కారు. మహిళలపై వివిధ రకాల ఆంక్షలు, కట్టుబాట్లతో నిండి ఉన్న పితృస్వామ్య వ్యవస్థలో, అలాంటి అసమానతల్ని తొలగించి అక్కడి మహిళలకు స్వేచ్ఛాస్వాతంత్ర్యాల్ని ప్రసాదించడానికి దశాబ్దాలుగా పోరాటం చేస్తున్నారు నర్గెస్ మొహమ్మది. ఈ క్రమంలో ఆమె అనేక సార్లు జైలుకు కూడా వెళ్లారు. కానీ తన పోరాటాన్ని మాత్రం ఆపలేదు.
గాజాపై ఇజ్రాయెల్ వైమానిక దాడుల్లో 87మంది మృతి- లీకైన ఇంటెలిజెన్స్ పేపర్స్లో ఏముంది?
హమాస్‌ అగ్రనేత యాహ్యా సిన్వర్‌ హతం- ఇజ్రాయెల్ శత్రువులంతా అంతమైనట్లే!
