Liver Failure Causes in Telugu : మారుతున్న జీవ‌న శైలి, ఆహార‌పు అల‌వాట్ల‌తో ప్రజలు అనేక ర‌కాల వ్యాధుల బారిన ప‌డుతున్నారు. ఒక‌వైపు వృత్తిరీత్యా ఒత్తిడి పెరిగిపోతోంది. మ‌రోవైపు శారీర‌క శ్ర‌మ త‌గ్గ‌ుతోంది. దీంతో లేనిపోని రోగాలు వ‌స్తున్నాయి. ముఖ్యంగా ఇటీవ‌ల కాలంలో అనేక మందిలో కాలేయ(లివర్) సంబంధ సమస్యలు పెరుగుతున్నాయి. మరి దీనికి కారణం ఏమిటి? ఈ కాలేయ సమస్యల బారిన ప‌డ‌కుండా ఎలాంటి జాగ్ర‌త్త‌లు తీసుకోవాలో ఇప్పుడు తెలుసుకుందాం.
కాలేయ సమస్యకు కారణాలు
మన శరీరంలోని ప్రతి అవయవం ప్రత్యేక అవసరాలకు ఉపయోగపడేదే. వాటన్నింటిలోకి అతి ముఖ్యమైన ప్రక్రియను నిర్వహించే అవయవం కాలేయం. దీనికి ఏదైనా సమస్య ఏర్పడితే అది పూర్తి శరీరాన్ని, ఆరోగ్యాన్ని దెబ్బతీస్తుంది. మద్యపానం, ధూమపానం, ఏది పడితే అది తినడం ఇలా అనేక కారణాలు కాలేయం చెడిపోవడానికి కారణం అవుతాయి. నిజానికి కాలేయం శరీరానికి శక్తి కేంద్రంగా పని చేస్తుంది. 500 పొరలతో ఉండే కాలేయం శరీరానికి రక్షణగా నిలుస్తుంది. ఇది శరీరంలో వడపోత చేస్తుంది.
మనం ఆహారంలో లేదంటే ఇతర రూపాల్లోనూ తీసుకున్న మలినాలను, విషాన్ని కాలేయం ఫిల్టర్ చేసి శరీరానికి ఏమీ కాకుండా జాగ్రత్తపడుతుంది. అయితే ఈ వడపోతలో మరీ ఎక్కువ విషం లేదా ఇతర రసాయనాలు ఉంటే అవి కాలేయాన్ని పాడు చేస్తాయి. దీని వల్ల హెపటైటిస్, సిర్రోసిస్ అనే కాలేయ సంబంధ పరిస్థితులు ఏర్పడతాయి. పవర్ ఫిల్టర్గా చెప్పుకునే కాలేయం ఒక స్థాయి దాటిన తర్వాత పని చేయడం మానేస్తుంది.
లివర్ జాగ్రత్త
కాలేయం సరిగ్గా పని చేయకపోయినా అనేక సమస్యలు తలెత్తుతాయి. ముందుగా దీని ఫలితంగా కామెర్లు వస్తాయి. శరీరంలో రసాయనాల బ్యాలెన్స్ తప్పి అనారోగ్య సమస్యలు తలెత్తుతాయి. అలాగే రక్తం అవసరానికి తగినట్లు గట్టిగా లేదంటే పలుచుగా ఉండడం కూడా జరగదు. ఇది అనేక గుండె సంబంధిత సమస్యలకు దారి తీస్తుంది. ఎక్కువగా మందుల తీసుకోవడం వల్ల వచ్చే రసాయనాలు కాలేయాన్ని పాడు చేస్తాయి.
ధూమపానం, మధ్యం తీసుకోవద్దు!
కాలేయం తన సహజత్వాన్ని కోల్పోయినప్పుడు పని చేయకపోవడం, వాపు రావడం, మంట పుట్టడం జరుగుతుంది. దీంతో ఫ్యాటీ లివర్ ఏర్పడుతుంది. ఇది ముదిరితే లివర్ ఫైబ్రోసిస్, అది ఇంకా ముదిరితే సిర్రోసిస్ అనే అనారోగ్య స్థితులు ఏర్పడతాయి. ఇది ప్రమాదకర పరిస్థితిగా చెప్పుకోవచ్చు. అతిగా మద్యం, ధూమపానం సేవించే వాళ్లలో లివర్ చెడిపోవడానికి ఎక్కువ అవకాశాలు ఉంటాయి. ఇలా లివర్ పని చెయ్యడం ఆపేస్తే కొన్నిసార్లు శరీరంలోని మలినాలు, విషాలు నేరుగా మెదడును చేరే అవకాశం ఉంది. దీని వల్ల అనేక ఆరోగ్య సమస్యలు తలెత్తుతాయి. అందుకే కాలేయాన్ని కాపాడుకోవడం సహా పాటు కాలేయానికి రక్షణగా హెపటైటిస్ బి వ్యాక్సిన్ వేసుకుంటే మంచిది.
- " class="align-text-top noRightClick twitterSection" data="">
ముఖ్య గమనిక : ఈ వెబ్సైట్లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
రాత్రి 7 గంటల తర్వాత ఏం తినాలో? ఏం తినకూడదో మీకు తెలుసా?
పచ్చి కూరగాయలు తింటే ఎన్నో హెల్త్ బెనిఫిట్స్- కానీ ఉప్పు నీళ్లలో కడగకపోతే డేంజరే!
