2025 Suzuki Access 125 Launched: ప్రముఖ టూ-వీలర్ తయారీ సంస్థ సుజుకి మోటార్సైకిల్ ఇండియా భారత్ మొబిలిటీ ఎక్స్‌పో 2025లో కొత్త సుజుకి యాక్సెస్ 125ను విడుదల చేసింది. కంపెనీ దీన్ని OBD2- నిబంధనలకు అనుగుణంగా అప్డేట్ చేసి అదిరే కలర్ ఆప్షన్లతో దేశీయ మార్కెట్ కోసం తీసుకొచ్చింది. వీటితో పాటు మునుపటి మోడల్‌తో పోలిస్తే ఈ కొత్త సుజుకి యాక్సెస్ 125లో చాలా మార్పులు చేశారు.
సుజుకి యాక్సెస్ 125 పవర్‌ట్రెయిన్: ఈ కొత్త సుజుకి యాక్సెస్ 125cc, సింగిల్-సిలిండర్ ఇంజిన్తో వస్తుంది. ఈ ఇంజిన్ 6,500rpm వద్ద 8.3bhp శక్తిని, 5,000rpm వద్ద 10.2Nm టార్క్‌ను ఉత్పత్తి చేస్తుంది. ఈ ఇంజిన్ గతంలో కంటే ఎక్కువ మైలేజీని అందిస్తుందని కంపెనీ చెబుతోంది. దీని రేంజ్ను పెంచేందుకు కంపెనీ దీనికి మునుపటి కంటే పెద్ద ఫ్యూయెల్ ట్యాంక్ను అందించింది.
సుజుకి యాక్సెస్ 125 డిజైన్: ఈ స్కూటర్ స్టైలింగ్ గురించి మాట్లాడుకుంటే ఇది ప్రీవియస్ సుజుకి యాక్సెస్ 125 అప్డేటెడ్ వెర్షన్లా కన్పిస్తుంది. LED హెడ్‌లైట్ స్క్వేర్ షేప్తో వస్తుంది. అయితే సైడ్ ప్యానెల్స్ నీట్గా క్రీజ్ లైన్స్తో వస్తాయి. స్కూటర్ మొత్తం డిజైన్ను కంప్లీట్ చేసే క్రమంలో టెయిల్ సెక్షన్ను కాస్త సర్దుబాటు చేశారు.
సుజుకి యాక్సెస్ 125 ఫీచర్లు: ఎక్స్టీరియర్ ఫ్యూయెల్ ఫిల్లింగ్ లిడ్, రెండు ఫ్రంట్ పాకెట్స్, పొడవైన సీటు, మునుపటి కంటే పెరిగిన అండర్ సీట్ స్టోరేజ్ వంటి కొత్త ఫీచర్లు ఇందులో ఉన్నాయి. వీటితో పాటు ఈ స్కూటర్లో పాస్ స్విచ్, వెనుక బ్రేక్ లాక్, హజార్డ్ లైట్ స్విచ్ కూడా అందించారు. అంతేకాక ఇది బ్లూటూత్ ఎనేబుల్డ్ ఇన్స్ట్రుమెంట్ క్లస్టర్‌ను కలిగి ఉంది. దీనిలో రెయిన్ అలర్ట్, డిజిటల్ వాలెట్, ఫ్యూయెల్ కన్సెప్షన్ ఇన్ఫర్మేషన్తో పాటు మరిన్ని ఇతర ఫీచర్లు ఉన్నాయి.
వేరియంట్స్: కంపెనీ ఈ కొత్త సుజుకి యాక్సెస్ 125 స్టూటీని మూడు వేరియంట్లలో అందుబాటులోకి తీసుకొచ్చింది.
- స్టాండర్డ్
- స్పెషల్
- రైడ్ కనెక్ట్ ఎడిషన్
కలర్ ఆప్షన్స్: మార్కెట్లో ఇది ఐదు కలర్ ఆప్షన్లలో అందుబాటులో ఉంది.
- మెటాలిక్ మ్యాట్ స్టెల్లార్ బ్లూ
- పెర్ల్ గ్రేస్ వైట్
- మెటాలిక్ మ్యాట్ బ్లాక్ No. 2
- సాలిడ్ ఐస్ గ్రీన్
- పెర్ల్ షైనీ బీజ్
ధర: కంపెనీ ఈ స్కూటర్‌ను రూ.81,700 (ఎక్స్-షోరూమ్) ప్రారంభ ధరతో విడుదల చేసింది.
భారత మార్కెట్లోకి MG ZS HEV!- దీని స్పెషాలిటీ ఏంటో తెలుసా?
ఇండియాలోకి వియత్నాం ఆటోమొబైల్ కంపెనీ ఎంట్రీ- వచ్చీ రాగానే అదిరే ఈవీ కార్లతో సంచలనం!
ఐఫోన్ SE 4 ఫస్ట్ గ్లింప్స్ లీక్- డిజైన్, స్పెక్స్, ధర వివరాలివే!
