Keeping Bed Clean Health Benefits : ఈరోజుల్లో చాలా మంది అనేక శారీరక, మానసిక ఆరోగ్య సమస్యలు ఎదుర్కొంటున్నారు. కొందరు మాత్రం చాలా యాక్టీవ్గా రోజూవారి పనులు చేసుకుంటూ ఆరోగ్యంగా ఉంటున్నారు. దీనికి పడకగది(Bedroom) శుభ్రంగా ఉంచుకోవడం కూడా బలమైన కారణమని నిపుణులు సూచిస్తున్నారు. మరి ఆ వివరాలేంటో ఈ స్టోరీలో తెలుసుకుందాం.
మెరుగైన నిద్ర : ఆరోగ్యంగా ఉండడంలో నిద్ర కీలకపాత్ర పోషిస్తుంది. అందుకే రోజూ తగినంత నిద్ర ఉండేలా చూసుకోమని వైద్యులు కూడా చెబుతుంటారు. కానీ, ప్రస్తుతం చాలా మంది నిద్రలేమి సమస్యను ఎదుర్కొంటున్నారు. ఇలాంటి వారు పడకగదిలో బెడ్ను నీట్గా రెడీ చేసుకుంటే చక్కటి నిద్ర పడుతుందని చెబుతున్నారు. మరింత రిలాక్సేషన్ లభిస్తుందని సూచిస్తున్నారు.
ఒత్తిడిని తగ్గిస్తుంది : ఒత్తిడి అనేది మానసిక ఆరోగ్యంపై తీవ్ర ప్రభావం చూపుతుంది. దీన్ని తగ్గించుకోవడానికి బెడ్ రూమ్ను ఉపయోగించుకోవచ్చట. రోజూ మీ పడకగదిని శుభ్రంగా ఉంచుకోవడంతోపాటు.. మీ బెడ్ను మీరే సిద్ధం చేసుకోవాలని సూచిస్తున్నారు. లేవగానే బెడ్ షీట్లు నీట్గా సర్దకునే అలవాటు ద్వారా ఒత్తిడిని తగ్గించుకోవచ్చని చెబుతున్నారు.
మంచి మనస్తత్వం : చాలా మంది చేసే పొరపాటు ఏంటంటే నిద్రలేవగానే పని హాడావుడిలో బెడ్రూమ్లో ఎక్కడి దుప్పట్లు అక్కడే గజిబిజిగా పడేస్తారు. కానీ, అది మీ రోజువారి పనులపై చాలా ప్రభావం చూపుతుందంటున్నారు నిపుణులు. అందువల్ల.. ఎవరి బెడ్ను వారు పడుకునే ముందు రెడీ చేసుకోవడంతోపాటు నిద్రలేచాక సర్దుకుంటే మీ ప్రవర్తనలో చాలా మార్పు వస్తుందట. అలాగే మంచి మనస్తత్వం మీలో అలవడే అవకాశం ఉంటుందంటున్నారు.
వయసును బట్టి నిద్ర - మీరు ఎన్ని గంటలు పడుకోవాలో తెలుసా?
మంచి నిర్ణయాలు : మీరు పడుకునే ముందు, లేచాక బెడ్ను నీట్గా ఉంచుకోవడం ద్వారా.. మీలో మంచి ప్రశాంతత ఏర్పడుతుందట. మనసు కూడా రీలాక్స్గా ఉంటుందట. రచయిత చార్లెస్ డుహిగ్ రాసిన 'ది పవర్ ఆఫ్ హ్యాబిట్' పుస్తకం ప్రకారం.. ప్రతిరోజూ మీ బెడ్ను మంచిగా ఉంచుకుంటే అది రోజంతా మంచి నిర్ణయాలను తీసుకోవడంలో మీకు చాలా బాగా సహాయపడుతుందట.
మెరుగైన శారీరక ఆరోగ్యం: పడుకునే మంచం అశుభ్రంగా ఉంటే.. సూక్ష్మక్రిముల వల్ల దానిపై నిద్రించే వ్యక్తులు అలర్జీ లక్షణాలను ఎక్కువగా అనుభవిస్తున్నట్లు ఒక అధ్యయనంలో తేలింది. అందువల్ల మీ మంచం శుభ్రంగా ఉంచుకుంటే.. దుమ్ము, ధూళి, క్రిములు మీ దరిచేరవని.. అప్పుడు ఆరోగ్యంగా ఉంటారని పరిశోధకు పేర్కొన్నారు.
జీవన ప్రమాణాలు పెరుగుతాయి : బెడ్ రూమ్ నీట్గా ఉంచుకోవడం ద్వారా.. వృద్ధులకు అద్భుతమైన ప్రయోజనాలు ఉన్నాయి. ముఖ్యంగా ఆరోగ్యంగా ఉండడమే కాదు వారి జీవన నాణ్యతనూ పెంచుకుంటారట.
ఇవేకాకుండా మంచి కమ్యూనికేషన్ ఏర్పడడానికి, భావోద్వేగాలు నియంత్రణలో ఉంచుకోవడానికి, సంతోషంగా, రిలాక్స్గా ఉండడంలోనూ ఈ అలవాటు చాలా బాగా ఉపయోగపడుతుందని నిపుణులు చెబుతున్నారు. నేషనల్ స్లీప్ ఫౌండేషన్ బెడ్‌రూమ్ పోల్ ప్రకారం.. దాదాపు 70% మంది అమెరికన్లు ప్రతి రోజూ ఈ అలవాటును ఫాలో అవుతారంట. కాబట్టి మీరు ఇప్పటి నుంచి ఈ అలవాటును అలవర్చుకోండి. మానసికంగా, ఆరోగ్యంగా ఉండండి అంటున్నారు నిపుణులు.
