Fat Burning Drinks in Morning: పొట్టచుట్టూ పేరుకుపోయిన కొవ్వుతో ఇబ్బంది పడేవారు.. ఉదయం లేవగానే కొన్ని డ్రింక్స్ తాగాలని సలహా ఇస్తున్నారు ఆరోగ్య నిపుణులు. ఆ డ్రింక్స్ ఏంటో ఇప్పుడు చూద్దాం.
గోరువెచ్చని నీరు, నిమ్మకాయ: జీవక్రియను వేగవంతం చేయడానికి, పొట్టు చుట్టూ ఉన్న కొవ్వు కరిగించడంలో ఈ డ్రింక్ సాయపడుతుందని అంటున్నారు. ఈ డ్రింక్ కోసం ఒక గ్లాసు గోరువెచ్చని నీటిలో ఓ నిమ్మకాయను పిండి ఉదయాన్నే తాగాలని అంటున్నారు.
గ్రీన్ టీ: గ్రీన్ టీ ఆరోగ్యానికి చాలా మంచిదని అంటున్నారు నిపుణులు. బరువు తగ్గాలనుకునే వారికి ఇదే బెస్ట్ డ్రింక్ అంటున్నారు.ఉదయం పూట ఖాళీ పొట్టతో తాగడం వల్ల మంచి ఫలితాలు ఉంటాయని.. జీవక్రియ వేగాన్ని పెంచి కొవ్వును కరిగిస్తుందని అంటున్నారు. 2018లో అమెరికన్ కాలేజ్ ఆఫ్ న్యూట్రిషన్ జర్నల్లో ప్రచురితమైన అధ్యయనం ప్రకారం.. బరువు తగ్గడం, పొట్ట చుట్టూ కొవ్వు కరగడంలో గ్రీన్ టీ సాయపడుతుందని పేర్కొన్నారు.
బాణపొట్ట ఎబ్బెట్టుగా ఉందా? ఉదయాన్నే ఇలా చేస్తే చాలు - ఐస్లా కరిగిపోతుంది!
యాపిల్ సైడర్ వెనిగర్: గోరువెచ్చని ఒక గ్లాసు నీటిలో రెండు నుంచి మూడు టీస్పూన్ల యాపిల్ సైడర్ వెనిగర్ వేసి కొద్దిగా తేనె కలుపుకోవాలి. ఆ నీటిని ఉదయాన్నే ఖాళీ పొట్టతో తాగాలి. మీ పేగులను శుభ్రపరచడానికి ఈ డ్రింక్ సహాయపడుతుంది. ఇది మీ pH స్థాయిని, మీ పొట్టలోని ఆమ్ల స్థితిని కూడా నిర్వహిస్తుంది. ఇది జీవక్రియ వేగాన్ని పెంచి కొవ్వు కరిగేలా చేస్తుంది.
జింజర్ వాటర్: ఓ చిన్న అల్లం ముక్కను తురిమి, గ్లాసు నీటిలో వేసి, రాత్రంతా అలాగే ఉంచాలి. మరుసటి రోజు ఉదయం పరగడుపుతో ఈ నీటిని తాగాలి. 2018లో జర్నల్ ఆఫ్ కాంప్లిమెంటరీ అండ్ ఇంటిగ్రేటివ్ మెడిసిన్ అధ్యయనం ప్రకారం.. అల్లం నీరు బరువు తగ్గడం, పొట్ట చుట్టూ కొవ్వు కరగడంలో సాయపడుతుందని పేర్కొన్నారు.
గోల్డెన్ మిల్క్: బరువు తగ్గడానికి, ఆరోగ్యంగా ఉండడానికి ఈ డ్రింక్ ఎంతగానో ఉపయోగపడుతుంది. గోరువెచ్చని గ్లాసు పాలల్లో పసుపు, కొద్దిగా అల్లం, చిటికెడ్ దాల్చినచెక్క పొడి వేసి తాగాలి.
పుదీనా, దోసకాయ నీరు: దోసకాయ ముక్కలు, తాజా పుదీనా ఆకులు నీటికి రుచి, ఆర్ద్రీకరణను జోడిస్తాయి. కొవ్వును కరిగించడంలో ఈ డ్రింక్ చాలా ఎఫెక్టివ్గా పనిచేస్తుందని నిపుణులు అంటున్నారు.
దాల్చినచెక్క, తేనె: తేనె, కొంచెం దాల్చిన చెక్క పొడిని గోరువెచ్చని నీటిలో కలిపి ఉదయాన్నే తీసుకోవడం ద్వారా బెల్లీ ఫ్యాట్ను కరిగించడంలో సహాయపడటమే కాకుండా, షుగర్ను కంట్రోల్లో ఉంచుతుంది.
నిమ్మ, అల్లం డ్రింక్: ఓ నిమ్మకాయ తీసుకొని దాని రసాన్ని ఓ గిన్నెలో పిండాలి. తాజా అల్లం ముక్క తీసుకొని, తొక్క తీసి చిన్న ముక్కలుగా కోసి, ఓ గిన్నెలో వేసుకోవాలి. ఇప్పుడు గిన్నెలో మూడు కప్పుల నీరు పోసి ఓ పది నిమిషాలు మరిగించాలి. గోరువెచ్చగా ఉన్నప్పుడు కొద్దిగా తేనె కలుపుకుని తాగాలి. ఈ డ్రింక్ తాగడం వల్ల కొవ్వు ఈజీగా కరుగుతుంది.
పెళ్లి తర్వాత బరువు పెరిగారా? - ఈ టిప్స్ ఫాలో అయ్యారంటే పర్ఫెక్ట్ ఫిగర్ పక్కా!
