Contraceptive Pills Side Effects: పలు రకాల కారణాలతో మహిళలు గర్భ నిరోధక మాత్రలు వాడుతుంటారు. అయితే.. ఈ చిన్న మాత్రలు గర్భాన్ని నిరోధించినప్పటికీ.. శారీరకంగా, మానసికంగా అవి తీవ్ర ప్రభావాన్ని చూపుతాయని నిపుణులు అంటున్నారు. కాబట్టి.. ఈ పిల్స్ వాడే ముందు కచ్చితంగా కొన్ని విషయాలు తెలుసుకోవాలని అంటున్నారు. ఆ వివరాలు మీ కోసం..
ఈ పిల్స్ ఎలా పనిచేస్తాయి: సాధారణంగా మహిళల్లో నెలసరి వచ్చే సమయంలో అండాలు విడుదల అవుతాయి. వీటిని ఫలదీకరణం చెందించకుండా ఈ బర్త్ కంట్రోల్ పిల్స్లో ఉన్న మిశ్రమాలు ఆపుతాయి. ఈ పిల్స్ గర్భాశయం చుట్టూ ఉన్న శ్లేష్మాన్ని చిక్కగా చేయడం ద్వారా.. స్పెర్మ్ గర్భాశయంలోకి ప్రవేశించడం, విడుదలైన అండాలను చేరుకోవడం కష్టతరం చేస్తుంది. పిల్ లోని హార్మోన్లు గర్భాశయ గోడలను అంటిపెట్టుకుని ఉండే అండాలను విచ్చిన్నం అయ్యేలా చేస్తాయి.
గర్భనిరోధక పిల్స్ యూజ్ చేసేమందు తప్పకుండా తెలుసుకోవాల్సిన విషయాలు ఇవే:
వైద్యుడిని సంప్రదించడం: ప్రస్తుతం అన్ని ఫార్మసీలు 24/7 అందుబాటులో ఉండటంతో వైద్యుల సూచన లేకుండానే చాలా మంది వీటిని ఉపయోగిస్తున్నారు. కానీ.. ఇలా వాడడం మంచిది కాదని నిపుణులు సూచిస్తున్నారు. ఎందుకంటే.. ఈ మాత్రల ప్రభావం వల్ల కొంతమంది మహిళల్లో కడుపు నొప్పి, పీరియడ్స్ సమయంలో అధిక రక్తస్రావం, చలి జ్వరం, తలనొప్పి, తల తిరగడం, వాంతులు వంటి దుష్ప్రభావాలను ఎదుర్కోవాల్సి వస్తుందని చెబుతున్నారు.
ఈ అలవాట్లు ఉన్న వారు కూడా: ఇప్పటికే ఊబకాయం, మధుమేహంతో బాధపడుతున్నవారు, స్మోకింగ్ అలవాటున్న మహిళలు గర్భనిరోధక మాత్రలను అస్సలు ఉపయోగించకూడదని అంటున్నారు. సంవత్సరాలకు పైగా వీటిని తీసుకోవడం వల్ల రొమ్ము క్యాన్సర్ వచ్చే ప్రమాదం పెరుగుతుందని పలు పరిశోధనలు హెచ్చరిస్తున్నాయని చెబుతున్నారు. సంవత్సరాలలోపు గర్భనిరోధక మాత్రలు గర్భాశయం కంటే ఫెలోపియన్ను ప్రభావితం చేస్తాయని.. ఇది అంతర్గత రక్తస్రావం కలిగిస్తుందని హెచ్చరిస్తున్నారు.
2019లో బ్రిటిష్ మెడికల్ జర్నల్(BMJ)లో ప్రచురితమైన అధ్యయనం ప్రకారం.. గర్భనిరోధక మాత్రలు వాడే 50 సంవత్సరాల వయసులోపు మహిళల్లో రొమ్ము క్యాన్సర్ వచ్చే ప్రమాదం 21% ఎక్కువగా ఉందని కనుగొన్నారు. ఈ పరిశోధనలో డెన్మార్క్లోని కోపెన్‌హాగన్ యూనివర్సిటీ హాస్పిటల్కు చెందిన డాక్టర్ అన్నే-మేరీ వెండ్స్‌బోర్గ్(Dr. Anne-Marie Vendsborg) పాల్గొన్నారు.
హైబీపీతో బాధపడేవారు: అధిక రక్తపోటు, గుండె సమస్యలతో బాధపడే వారు కూడా ఈ మాత్రలను వాడవద్దని సూచిస్తున్నారు. ముఖ్యంగా ధూమపానం చేసే లేదా అధిక కొలెస్ట్రాల్ ఉన్న మహిళలు అస్సలు వాడొద్దని సలహా ఇస్తున్నారు. ఒకవేళ ఉపయోగించాలనుకునేవారు కచ్చితంగా డాక్టర్ను సంప్రదించాలని అంటున్నారు.
గర్భనిరోధక మాత్రలు వాడితే వచ్చే సమస్యలు:
- గర్భనిరోధక మందులు స్త్రీలను శారీరకంగా, మానసికంగా ప్రభావితం చేస్తాయని నిపుణులు అంటున్నారు.
- శారీరకంగా సంభవించే సమస్యలలో వికారం, వాంతులు, రొమ్ము నొప్పి, పీరియడ్స్ సమయంలో గడ్డకట్టడం వంటివి ఉంటాయంటున్నారు.
- మానసికంగా ఒత్తిడి, ఆందోళన వంటి సమస్యలు కూడా ఎదుర్కోవలసి ఉంటుంది.
- ఇవి కాకుండా.. స్త్రీలలో ఆత్మవిశ్వాసం, ఆత్మగౌరవం తగ్గుతాయని అంటున్నారు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
