Saffron Health Benefits : ఖరీదైన సుగంధ ద్రవ్యాల్లో కుంకుమ పువ్వు ఫస్ట్ ప్లేస్లో ఉంటుంది. ఇరిడాసే కుటుంబానికి చెందిన దీనిని ప్రధానంగా శీతల ప్రదేశాల్లో పండిస్తారు. కేసరాలు రుచికి కొద్దిగా చేదుగా, తియ్యగా వుంటాయి. అయితే కుంకుమ పువ్వను కేవలం ప్రెగ్నెంట్గా ఉన్నవాళ్లే తినాలని చాలా మంది అనుకుంటుంటారు. కానీ అది నిజం కాదంటున్నారు నిపుణులు. దీనిని ఎవరైనా ఆహారంలో భాగం చేసుకోవచ్చని.. వీటిని తినడం వల్ల బోలెడు ఆరోగ్య ప్రయోజనాలు ఉన్నాయని అంటున్నారు. ఆ వివరాలు ఈ స్టోరీలో చూద్దాం..
మానసిక స్థితి మెరుగుపడుతుంది: కుంకుమపువ్వు మానసిక స్థితిని మెరుగుపరచడంలో, డిప్రెషన్ లక్షణాలను తగ్గించడంలో సహాయపడుతుందని పలు అధ్యయనాలు స్పష్టం చేస్తున్నాయి. కుంకుమపువ్వు యాంటీ డిప్రెసెంట్ లక్షణాలను కలిగి ఉంటుంది. ఇది ఒత్తిడి, ఆందోళనను తగ్గించడంలో సహాయపడుతుంది. ఇది మెదడు పనితీరును మెరుగుపరచడానికి, జ్ఞాపకశక్తిని పెంచడానికి కూడా సహాయపడుతుంది. కుంకుమపువ్వు డిప్రెసివ్ మూడ్ను తగ్గిస్తుందని Frontiers Nutritionలో ప్రచురితమైంది.
PMS లక్షణాలను తగ్గించడం: ప్రీమెన్స్ట్రువల్ లక్షణాల తీవ్రతను తగ్గించడంలో కుంకుమ పువ్వు సహాయపడుతుందని నిపుణులు అంటున్నారు. అంటే పీరియడ్స్ వచ్చే ముందు చాలా మంది మానసికంగా, శారీరకంగా కొన్ని ఇబ్బందులు ఎదుర్కొంటారు. ఈ సమస్యలను తగ్గించడంలో కుంకుమపువ్వు ఉపయోగకరంగా ఉంటుందని స్పష్టం చేశారు. ఇదే విషయం యూరోపియన్ జర్నల్ ఆఫ్ ఇంటిగ్రేటివ్ మెడిసిన్లో ప్రచురితమయ్యింది.
బరువు తగ్గడానికి: బరువు తగ్గాలని భావించేవారికి కుంకుమపువ్వు బెస్ట్ ఆప్షన్ అంటున్నారు నిపుణులు. కుంకుమపువ్వులోని పోషకాలు ఆకలిని నియంత్రించడానికి ఉపయోగపడతాయని తద్వారా బరువు తగ్గొచ్చని చెబుతున్నారు. ఇదే విషయాన్ని న్యూట్రిషన్ రీసెర్చ్ జర్నల్లోని ఓ అధ్యయనంలో ప్రచురితం చేశారు.
సమ్మర్లో డైలీ మజ్జిగ తాగుతున్నారా? - ఈ ఆరోగ్య సమస్యలన్నీ దూరం అయినట్లే!
గుండె ఆరోగ్యానికి: కుంకుమపువ్వు గుండె ఆరోగ్యాన్ని మెరుగుపరచడంలో సాయపడుతుందని నిపుణులు అంటున్నారు. ఇందులోని యాంటీ ఆక్సిడెంట్స్ కొలెస్ట్రాల్, ట్రైగ్లిజరైడ్ స్థాయిలను తగ్గించడంలో సాయపడతాయి. ఇవి రెండు హృదయ ఆరోగ్యాన్ని మెరుగుపరచడంలో ఉపయోగపడతాయి. ఇండియన్ జర్నల్ ఆఫ్ మెడికల్ సైన్సెస్‌లో ప్రచురితమైన ఒక అధ్యయనంలో కుంకుమపువ్వులోని యాంటీఆక్సిడెంట్ గుణాలు గుండె జబ్బులు వచ్చే ప్రమాదాన్ని తగ్గించడంలో సహాయపడుతుందని కనుగొన్నారు.
కంటి చూపు మెరుగు: కుంకుమపువ్వు కంటి చూపును మెరుగుపరచడంలో కూడా సహాయపడుతుందని నిపుణులు అంటున్నారు. మాలిక్యూల్స్ జర్నల్లో ప్రచురితమైన ఒక అధ్యయనంలో ఆహారంలో కుంకుమపువ్వును చేర్చుకోవడం వల్ల పెద్దవారిలో కంటి చూపు మెరుగుపడుతుందని, దృష్టి నష్టం, రెటీనా క్షీణతను నివారిస్తుందని కనుగొన్నారు.
లిబిడో పెరుగుదల: కుంకుమపువ్వు పురుషులు, స్త్రీలలో సెక్స్ డ్రైవ్ పెంపొదించడంలో సాయపడుతుందని నిపుణులు అంటున్నారు. సైకోఫార్మాకాలజీ జర్నల్లో ప్రచురితమైన ఓ అధ్యనయం ప్రకారం కుంకుమపువ్వు అంగస్తంభన పనితీరును మెరుగుపరచడంలో సాయపడుతుందని కనుగొన్నారు.
క్యాన్సర్‌తో పోరాడటానికి: కుంకుమపువ్వులో యాంటీఆక్సిడెంట్లు పుష్కలంగా ఉంటాయి. ఇవి క్యాన్సర్ కణాల పెరుగుదలను నిరోధించడంలో సహాయపడతాయి.ఇది రోగనిరోధక శక్తిని పెంచడానికి, క్యాన్సర్ చికిత్స దుష్ప్రభావాలను తగ్గించడానికి కూడా సహాయపడుతుందని నిపుణులు అంటున్నారు. ఇవే కాకుండా రక్తంలో చక్కెర స్థాయిలను తగ్గించడానికి, కుంకుమపువ్వులోని యాంటీఆక్సిడెంట్లు చర్మాన్ని ముడతలు, మొటిమలు, ఇతర వృద్ధాప్య సంకేతాల నుంచి రక్షించడంలో సహాయపడతాయి. అలాగే జీర్ణక్రియను కూడా మెరుగుపరుస్తుంది.
కుంకుమపువ్వు వల్ల ఏవైనా దుష్ప్రభావాలు ఉన్నాయా? కుంకుమపువ్వు పరిమిత పరిమాణంలో తీసుకోవడం సురక్షితమని, అలాగే అనేక ఆరోగ్య ప్రయోజనాలను అందిస్తుందని నిపుణులు అంటున్నారు. అలాకాకుండా కుంకుమపువ్వును ఎక్కువగా తీసుకోవడం వల్ల పలు సమస్యలకు దారితీయవచ్చని హెచ్చరిస్తున్నారు. కుంకుమపువ్వు ఎక్కువగా తీసుకునే వ్యక్తులు కడుపు నొప్పి, వికారం లేదా వాంతులు వంటి సమస్యలను ఎదుర్కొనే అవకాశం ఉంటుంది. కాబట్టి దీనిని తీసుకునే ముందు ఒకసారి డాక్టర్ను సంప్రదించి ఎంత మోతాదులో తీసుకోవచ్చో వివరంగా కనుక్కుని ఆపై దీనిని తీసుకోవడం మంచిదని సూచిస్తున్నారు.
మహిళలూ ఈ లక్షణాలను అశ్రద్ధ చేయకండి - ఈ క్యాన్సర్ కావొచ్చు!
సమ్మర్లోనూ మీ స్కిన్‌ మెరిసిపోవాలా ? ఈ సింపుల్ టిప్స్‌ పాటిస్తే సరి!
పురుషుల కంటే మహిళలకే ఎక్కువ నిద్ర అవసరమట! ఎందుకో మీకు తెలుసా?
