Vishwambhara Movie Release Date : టాలీవుడ్ స్టార్ హీరో, మెగాస్టార్ చిరంజీవి లీడ్ రోల్లో తెరకెక్కుతున్న లేటెస్ట్ మూవీ 'విశ్వంభర'. చిరు 156వ చిత్రంగా రూపొందుతున్న ఈ సినిమాను భారీ బడ్జెట్‌తో 'బింబిసారా' ఫేమ్ డైరెక్టర్ వశిష్ఠ తెరకెక్కిస్తున్నారు. ఇప్పటికే ఓ షెడ్యూల్ను కంప్లీట్ చేసుకున్న ఈ మూవీ రిలీజ్ డేట్ను తాజాగా మేకర్స్ రిలీజ్ చేశారు. వచ్చే ఏడాది సంక్రాంతి కానుకగా జనవరి 10న ప్రేక్షకుల ముందుకు రానున్నట్లు తెలిపారు.
'అతీత శక్తుల పోరాటం నుంచి లెజెండ్స్‌ అవతరిస్తారు' అంటూ ఓ సాలిడ్ అండ్ పవర్‌ఫుల్‌ పోస్టర్ను షేర్ చేసి ఈ న్యూస్ను షేర్ చేసింది చిత్రబృందం. ఇక ఈ పోస్టర్ను చూసిన మెగా ఫ్యాన్స్ ఆనందంతో ఉప్పొంగిపోతున్నారు. సోషల్ మీడియాలో ఈ పోస్టర్ను ట్రెండ్ చేస్తున్నారు. మరోవైపు సెట్స్లోకి చిరు అడుగుపెట్టారని, షూటింగ్ శరవేగంగా జరుగుతున్నట్లు తెలిపారు.
-
A LEGEND RISES 🔮🔥
— UV Creations (@UV_Creations) February 2, 2024
MEGASTAR @KChiruTweets sets his foot into the mighty world of #Vishwambhara ❤🔥
Shoot in Progress.
In cinemas 10th Jan 2025 🌠@DirVassishta @mmkeeravaani @boselyricist @NaiduChota @mayukhadithya @sreevibes @gavireddy_srinu @UV_Creations pic.twitter.com/Qrzvlsuv5b
ఇక ఈ సినిమాలో మరింత ఫిట్‌గా కనిపించాలని చిరు జిమ్‌లో కసరత్తులు చేస్తున్నారు. ఫిట్నెస్ ట్రైనర్ సూచనల మేరకు చెమటోడుస్తున్నారు. తాజాగా దీనికి సంబంధించిన వీడియోను ఆయన అభిమానులు పంచుకున్నారు. ప్రస్తుతం ఆ వీడియో నెట్టింట తెగ వైరల్ అవుతోంది.
మరోవైపు ఈ సినిమాలో చిరు సరసన అనుష్క శెట్టి, మృణాల్ ఠాకూర్‌ నటించనున్నారనే వార్తలు వస్తున్నాయి. అయితే ఈ విషయంపై మూవీ టీమ్ ఎటువంటి అఫీషియల్ అనౌన్స్మెంట్ చేయలేదు. అటు హైదరాబాద్లో ఈ సినిమా కోసం దాదాపు 7 ఎకరాల్లో 13 భారీ సెట్స్ నిర్మించినట్లు సమచారం. ప్రముఖ ఆర్ట్ డైరెక్టర్ ఏఎస్ ప్రకాష్ ఆధ్వర్యంలో ఈ సెట్స్ నిర్మాణం జరిగిందట.
Chiranjeevi Socio Fantasy Movies : ఇక చిరు ఈ తరహా జానర్ సినిమాల్లో నటించడం ఇదేం తొలిసారి కాదు. ఆయన ఇది వరకే 'జగదేక వీరుడు అతిలోక సుందరి','అంజి' లాంటి సినిమాల్లో నటించి ప్రేక్షకులను మెప్పించారు. ఇప్పుడు ఈ సినిమాతో తనను మరింత కొత్తగా చూపించేందుకు మూవీ మేకర్స్ ప్రయత్నిస్తాన్నారు. భారీ అంచనాల నడుమ వస్తున్న ఈ సినిమాకు మ్యాజిక్ డైరెక్టర్ కీరవాణి సంగీతాన్ని అందిస్తున్నారు.
