Vishwaksen Funky Movie : వరుస ప్రాజెక్ట్లతో బిజీ షెడ్యూల్ గడుపుతున్నారు 'మాస్ కా దాస్' విశ్వక్ సేన్. రీసెంట్గా ఆయన 'మెకానికల్ రాకీ'తో ప్రేక్షకులను పలకరించగా, ఇప్పుడు మరో క్రేజీ మూవీతో అభిమానుల మందుకు రానున్నారు. 'జాతి రత్నాలు' ఫేమ్‌ డైరెక్టర్ కేవీ అనుదీప్‌తో కలిసి ఫంకీ అనే సినిమా కోసం పని చేయనున్నారు.
సితార ఎంటర్‌టైన్‌మెంట్స్‌ పతాకంపై నాగవంశీ ఈ చిత్రాన్ని నిర్మిస్తున్నారు. ఫన్‌, ఫ్యామిలీ ఎంటర్‌టైనర్‌గా ఇది సిద్ధం కానున్నట్లు తెలుస్తోంది. తాజాగా ఈ సినిమా పూజా కార్యక్రమం హైదరాబాద్‌లో జరగ్గా, దానికి 'కల్కి 2898 AD' నాగ్‌అశ్విన్‌ పాల్గొని టీమ్‌కు శుభాకాంక్షలు తెలిపారు. త్వరలోనే రెగ్యులర్‌ షూట్‌ ప్రారంభం కానున్నట్లు తెలుస్తోంది. ఇక ఆషికా రంగనాథ్‌ ఈ సినిమాలో కీ రోల్ ప్లే చేయనున్నట్లు సమాచారం.
Fun
— Naga Vamsi (@vamsi84) December 10, 2024
Family
and Endless Laughter ❤️❤️
The Big Reveal Arrives Tomorrow Morning!! 🤩 pic.twitter.com/W5pL3N9HLl
ఇక విశ్వక్ నటించిన మెకానికల్ రాకీ బాక్సాఫీస్ వద్ద నిరాశపరిచింది. భారీ అంచనాల నడుమ వచ్చిన ఈ చిత్రం యావరేజ్ టాక్తో సరిపెట్టుకుంది. అయితే ప్రస్తుతం విశ్వక్ రామ్‌ నారాయణ్‌ డైరెక్ట్ చేస్తున్న 'లైలా' అనే సినిమా కోసం వర్క్‌ చేస్తున్నారు. ఇందులోని కొంత భాగం కోసం విశ్వక్ అమ్మాయి గెటప్‌లో కనిపించనున్నారట. తాజాగా విడుదలైన టైటిల్ పోస్టర్తో అభిమానులు ఈ చిత్రం గురించి నెట్టింట తెగ చర్చించుకుంటున్నారు.
ఇదిలా ఉండగా, 'జాతిరత్నాలు' హిట్ అయ్యాక అనుదీప్ 'ప్రిన్స్‌' అనే సినిమాను తెరకెక్కించారు. కోలీవుడ్ స్టార్ హీరో శివ కార్తికేయన్ లీడ్ రోల్లో వచ్చిందీ చిత్రం. అటు తెలుగుతో పాటు తమిళంలోనూ విడుదవ్వగా, ఆశించిన స్థాయిలో టాక్ అందుకోలేకపోయింది. కామెడీ టైమింగ్ ఫర్వాలేదనిపించినప్పటికీ, సినిమాకు అంతగా కనెక్ట్ కాలేకపోయమని ఆడియెన్స్ నెట్టింట కామెంట్లు పెట్టారు. దీంతో ఈ చిత్రం బాక్సాఫీస్ వద్ద అనుకున్న విజయాన్ని అందుకోలేక నిరాశ పరిచింది. అయితే దాదాపు రెండేళ్ల తర్వాత ఇప్పుడు 'ఫంకీ' కోసం మళ్లీ మెగా ఫోన్‌ పట్టారు డైరెక్టర్ అనుదీప్. అభిమానులు కూడా ఈ కాంబో ఏ మేరకు ఎంటర్టైన్ చేస్తుందో చూడాలని సోషల్ మీడియాలో అభిప్రాయపడుతున్నారు.
ద బాయ్స్ ఆర్ బ్యాక్!- త్వరలోనే సెట్స్పైకి 'ఈ నగరానికి ఏమైంది 2'!
