ప్రభాస్​ 'స్పిరిట్​'లో మరో ఇద్దరు బడా హీరోలు! - ఎవరంటే?

'స్పిరిట్​' కోసం సందీప్ రెడ్డి వంగా భారీ ప్లాన్​ - సినిమాలో ఆ ఇద్దరు స్టార్ హీరోలు కూడా!

Sandeep Vanga Prabhas Spirit Movie : పాన్ ఇండియా స్టార్ ప్రభాస్ చేతిలో ప్రస్తుతం వరుస సినిమాలు ఉన్న సంగతి తెలిసిందే. అన్నీ బడా ప్రాజెక్టులే. అందులో స్పిరిట్ కూడా ఒకటి. అర్జున్​ రెడ్డి, యానిమల్ ఫేమ్ దర్శకుడు సందీప్ వంగా ఈ చిత్రాన్ని భారీ అంచనాలతో తెరకెక్కించనున్నారు. స్పిరిట్ కోసం ఇప్పటికే ఆయన ఓ పవర్‌ఫుల్ కథను రాసుకున్నారట. సినిమాలో ప్రభాస్ రెండు వైవిధ్యమైన పాత్రల్లో నటించబోతున్నారని సమాచారం. అందులో ఒకటి పోలీస్ పాత్ర అని టాక్ వినిపిస్తోంది. సినిమాలో యాక్షన్ డోస్ హై రేంజ్​లో ఉంటుందని అంటున్నారు.

అయితే ఇప్పుడు ఈ సినిమా కోసం ప్రభాస్​తో పాటు మరో ఇద్దరు స్టార్ హీరోలనూ సందీప్ వంగా తీసుకోబోతున్నారని తెలిసింది. వారు మరెవరో కాదు విజయ్ దేవరకొండ, రణ్​బీర్ కపూర్​. వీరిద్దరు కేమియో రోల్​ చేస్తారని సమాచారం అందింది. గతంలో వీరిద్దరితో సందీప్ సినిమాలు చేసిన సంగతి తెలిసిందే.

విజయ్ దేవరకొండతో అర్జున్ రెడ్డి చేసి దర్శకుడిగా వెలుగులోకి వచ్చారు సందీప్ వంగా. ఆ తర్వాత ఇదే సినిమా హిందీలో కబీర్ సింగ్​గా తీసి బాలీవుడ్​లోనూ హిట్ అందుకున్నారు. అనంతరం రణ్​బీర్ కపూర్​తో వైలెన్స్​గా యానిమల్​​ తీసి భారీ బ్లాక్ బస్టర్​ను అందుకున్నారు. అలా తాను గతంలో చేసిన సినిమాల హీరోలను స్పిరిట్​లోనూ చూపించాలని సందీప్ రెడ్డి వంగా ప్లాన్ చేస్తున్నారట. అలానే స్పిరిట్​లో ఓ స్టార్ హీరోను విలన్ పాత్రలో నటింపజేయాలని సందీప్ రెడ్డి ప్రయత్నిస్తున్నారట. ఇది తెలుసుకుంటున్న సినీ ప్రియులు, అభిమానులు సందీప్ రెడ్డి ఈసారి ఏదో గట్టిగానే ప్లాన్ చేస్తున్నారనే టాక్ సినీ సర్కిల్స్‌లో జోరుగా వినిపిస్తోంది.

ఇకపోతే ఈ చిత్రాన్ని టీ-సిరీస్‌ భూషణ్‌ కుమార్‌ నిర్మిస్తున్నారు. హర్షవర్ధన్‌ రామేశ్వర్‌ సంగీత దర్శకుడిగా వ్యవహరించనున్నారు. సినిమకు సంగీతం ప్రత్యేక ఆకర్షణగా నిలుస్తుందని మొదటి నుంచి మూవీటీమ్ చెబుతోంది. పూర్తి యాక్షన్‌ ఎంటర్‌టైనర్‌గా ముస్తాబు కానున్న ఈ చిత్రంతోనే ప్రభాస్‌ తొలిసారి ఖాకీ దుస్తులు ధరించి, లాఠీ ఝుళిపించనున్నారు.

Prabhas Rajasaab Fauji Movies : మరోవైపు ఇప్పటికే ది రాజా సాబ్ షూటింగ్‌తో బిజీగా ఉన్న ప్రభాస్, ఈ సినిమాను ముగించుకుని తన తదుపరి చిత్రం ఫౌజీలో జాయిన్ అయ్యేందుకు సిద్ధమవుతున్నారు. ఇందులో ప్రభాస్ ఆర్మీ ఆఫీసర్​గా కనిపించనున్నారు. దీని తర్వాతే సందీప్ రెడ్డి వంగా డైరెక్షన్‌లో నటించనున్నారు.

Sandeep Vanga Animal Park : సందీప్ రెడ్డి వంగా స్పిరిట్​తో పాటు యానిమల్‌ పార్క్‌ అనే సినిమా కూడా చేయనున్నారు. గతేడాది విడుదలై యానిమల్‌కు సీక్వెల్‌గా ఇది రానుంది. రణ్‌బీర్‌ కపూర్‌, రష్మిక జంటగా నటించిన ఈ చిత్రంలో తీవ్ర హింస, పలు సన్నివేశాల్లో స్త్రీని తక్కువ చేసి చూపించారని పలువురు విమర్శించారు. అయినా కూడా ఈ చిత్రం మంచి విజయాన్ని అందుకుంది.