Valentines Day Special Top 10 OTT Love Story Movies - వాలెంటైన్స్ డే వచ్చేసింది. మరి ఈ రోజున మనసారా ప్రేమించిన వ్యక్తితో కలిసి గడిపితే ఆ ఆనందమే వేరు. అందుకే ఈ ప్రేమికుల దినోత్సవం సందర్భంగా మూవీ లవర్స్ కోసం మంచి మంచి ప్రేమకథా చిత్రాలను రీరిలీజ్ చేస్తున్నారు మేకర్స్. అయితే కొంతమంది ఇంట్లోనే ఉండి ఏకాంతంగా గడుపుదామనుకుంటారు. అలాంటి వారి కోసం ది బెస్ట్ టాప్ 10 ఓటీటీ చిత్రాలను మీ ముందుకు తీసుకువచ్చాము. మరి ఆ చిత్రాలు ఏంటి? ఎందులో చూడాలి అనే వివరాలు ఈ స్టోరీలో చదివి తెలుసుకుందాం.
ఓటీటీలో అందమైన ప్రేమ కథ చిత్రాల వివరాలివే
1. ప్రేమికుల రోజు - కునాల్, సోనాలి బింద్రే హీరో హీరోయిన్లుగా తెరకెక్కిన ఈ చిత్రం అప్పట్లో ఓ సెన్సేషన్ క్రియేట్ చేసింది. కాతిర్ దర్శకత్వంలో వచ్చిన ఈ సినిమాకు ఏఆర్ రెహమాన్ సంగీతం అందించారు. ఇప్పటికీ ఈ పాట యూత్ను ఉర్రూతలూగిస్తూనే ఉంటుంది. ప్రముఖ ఓటీటీ డిస్ని ప్లస్ హాట్ స్టార్, జియో సినిమా, అమెజాన్ ప్రైమ్ వీడియో, యూట్యూబ్ లలో ఈ చిత్రం అందుబాటులో ఉంది.
2. చెలి - గౌతమ్ వాసుదేవ్ మీనన్ దర్శకత్వంలో మాధవన్, రీమాసేన్ హీరో హీరోయిన్లుగా తెరకెక్కిన చిత్రం బ్లాక్ బస్టర్ హిట్గా నిలిచింది. యూట్యూబ్లో ఈ చిత్రం అందుబాటులో ఉంది.
- " class="align-text-top noRightClick twitterSection" data="">
3. సఖి - మణిరత్నం దర్శకత్వం వహించిన ఈ ప్రేమ కావ్యంలో మాధవన్, శాలిని హీరోహీరోయిన్లుగా నటించారు. ఈ చిత్రానికి కూడా ఏఆర్ రెహమాన్ సంగీతం అందించారు. ఈ సినిమా పాటలు కూడా చాట్ బస్టర్గా నిలిచాయి. యూట్యూబ్, అమెజాన్ ప్రైమ్ వీడియోలో అందుబాటులో ఉందీ చిత్రం.
4. రోజా - అరవింద్ స్వామి, మధుభాల నటించిన ఈ చిత్రం కూడా ప్రేక్షకుల్ని బాగా ఆకట్టుకుంది. యూట్యూబ్ లో అందుబాటులో ఉందీ సినిమా.
5. నువ్వు నేను ప్రేమ - సూర్య, జ్యోతిక, భూమిక నటించిన ఈ చిత్రం లవర్స్ను విపరీతంగా ఆకట్టుకుంది. ఎన్ కృష్ణ దర్శకత్వం వహించారు. ఏఆర్ రెహమాన్ సంగీతం అందిచారు. యూట్యూబ్లో అందుబాటులో ఉందీ చిత్రం.
6. తొలిప్రేమ - పవన్ కల్యాణ్, కీర్తి రెడ్డి హీరో హీరోయిన్లుగా నటించిన ఈ చిత్రం డిస్ని ప్లస్ స్టార్ లో ఉంది.
- " class="align-text-top noRightClick twitterSection" data="">
7. ప్రియురాలు పిలిచింది - అతిత్, మమ్ముట్టి, ఐశ్వర్యరాయ్, టబు నటించిన ఈ చిత్రం కూడా సెన్సేషన్ క్రియేట్ చేసింది. ఇది యూట్యూబ్లో అందుబాటులో ఉంది.
8. ఏ మాయ చేశావే - గౌతమ్ మీనన్ తెరకెక్కించిన అందమైన ప్రేమ కథా చిత్రాల్లో ఈ చిత్రం కూడా ఒకటి. నాగచైతన్య, సమంత హీరో హీరోయిన్లుగా తెరకెక్కిన ఈ చిత్రం అమెజాన్ ప్రైమ్ వీడియోలో అందుబాటులో ఉంది.
9. ఏటో వెళ్లిపోయింది మనసు - దీన్ని కూడా గౌతమ్ మీననే తెరకెక్కించారు. నాని, సమంత హీరో హీరోయిన్లుగా నటించిన ఈ చిత్రం యూత్ను బాగా ఆకట్టుకుంది. యూట్యూబ్ లో దీన్ని చూడొచ్చు.
10. సీతారామం - దుల్కర్ సల్మాన్, మృణాల్ ఠాకూర్ నటించిన ఈ సెన్సేషనల్ హిట్ ప్రేమ కావ్యం ప్రస్తుతం థియేటర్లలోనూ రీరిలీజ్ అయింది. అమెజాన్ ప్రైమ్ వీడియోలోనూ స్ట్రీమింగ్ అవుతోంది. ఎంచక్కా ఈ సినిమాల్లో ఏదో ఒకటి చూస్తూ మీ పార్ట్నర్తో ఎంజాయ్ చేయండి..
రూట్ మార్చిన టాలీవుడ్ స్టార్స్ - ఈసారి సమ్మర్లో మరింత కొత్తగా!
వాలంటైన్స్ డే : అనుపమ టు మృణాల్ ఠాకూర్ - ఈ ముద్దుగుమ్మల ప్రేమ కథలు తెలుసా?
