Top 10 Trending Movies in Netflix : ఓటీటీ ప్లాట్ఫామ్స్లో దిగ్గజ సంస్థగా ఎదిగిన నెట్ఫ్లిక్స్ ఎప్పటికప్పుడు సరికొత్త కంటెంట్‌ సిరీస్, సినిమాలను అందిస్తోంది. రీసెంట్గా టాలీవుడ్, కోలీవుడ్ టాప్ హీరోల మోస్ట్ అవైటెడ్ అప్కమింగ్ మూవీస్ రైట్స్ను కొనుగోలు చేసి మూవీ లవర్స్కు సర్ప్రైజ్ ఇచ్చింది. ఇంకా ఈ ప్లాట్ఫామ్లో తెలుగుతో పాటు హాలీవుడ్, కొరియన్, స్పానిష్ పలు భాషల సిరీస్, సినిమాలు అందుబాటులో ఉన్నాయి. అయితే ఈ వారం నెట్ఫ్లిక్స్లో టాప్ 10 ట్రెండిగ్‌లో ఉన్న సినిమాలు ఏంటో ఓ సారి చూసేద్దాం. లుక్కేద్దాం.
బాలీవుడ్ బాద్ షా షారుక్ ఖాన్ - దిగ్గజ దర్శకుడు రాజ్‌కుమార్ హిరానీ కాంబోలో వచ్చిన డంకీ గతేడాది డిసెంబర్ 21న సలార్‌కు పోటీగా విడుదలైంది. సినిమా పాజిటివ్ టాక్ వచ్చినా వసూళ్ల పరంగా కాస్తా నిరాశపరిచింది. ఇప్పుడీ చిత్రం నెట్ఫ్లిక్స్లో ఫిబ్రవరి 14 నుంచి స్ట్రీమింగ్ అవుతోంది. హిందీతో పాటు తెలుగు, మలయాళం, తమిళ, కన్నడ భాషల్లో అందుబాటులో ఉన్న ఈ చిత్రం నెట్ఫ్లిక్స్ టాప్ ట్రెండింగ్లో అగ్రస్థానంలో ఉంది.
బాలీవుడ్ భామ భూమి పెడ్నేకర్ ప్రధాన పాత్రలో నటించిన భక్షక్ సినిమా కూడా ఈ మధ్యే నెట్ఫ్లిక్స్లో రిలీజైంది. క్రైమ్ ఇన్వెస్టిగేటివ్ థ్రిల్లర్గా వచ్చిన ఈ చిత్రం ఫిబ్రవరి 9 నుంచి స్ట్రీమింగ్ అవుతోంది. షారుక్ ఖాన్ భార్య గౌరీ ఖాన్ చిత్రాన్ని నిర్మించారు. సంక్షేమ శాఖ వసతి గృహాల్లో బాలికలపై జరిగే లైంగిక వేధింపుల కథాంశంతో రూపొందిందీ చిత్రం. నెట్ఫ్లిక్స్లో ప్రస్తుతం టాప్ 2 ట్రెండింగ్లో కొనసాగుతోంది.
సందీప్ రెడ్డి వంగా తెరకెక్కించిన యాక్షన్ ఫిల్మ్ యానిమల్ బాక్సాఫీస్ వద్ద భారీ సంచలనం సృష్టించిన సంగతి తెలిసిందే. అలాగే ఎన్నో విమర్శలను అందుకుంది.రణ్‌బీర్ కపూర్, రష్మిక మందన్నా హీరో హీరోయన్లుగా నటించిన ఈ చిత్రం ప్రస్తుతం మూడో ప్లేస్‌ను సంపాదించుకుని ట్రెండింగ్ అవుతోంది.
సూపర్ స్టార్ మహేశ్ బాబు, డైరెక్టర్ త్రివిక్రమ్ కాంబోలో వచ్చిన సంక్రాంతి రిలీజ్ గుంటూరు కారం హిందీ వెర్షన్ నాలుగో స్థానంలో నిలిచింది. తెలుగు వెర్షన్ ఆరో స్థానంలో ఉంది. ఎన్నో అంచనాలతో థియేటర్లలో రిలీజైన ఈ చిత్రం ప్రేక్షకుల అంచనాలను అంతగా అందుకోలేకపోయింది. సాంగ్స్ మాత్రం ఆకట్టుకున్నాయి. ఇకపోతే ఈ చిత్రంలో హీరోయిన్‌గా శ్రీలీల నటించగా, మీనాక్షి చౌదరి మరో కథానాయికగా నటించింది.
ఇక ఐదో స్థానంలో హాలీవుడ్ మూవీ డూన్, ఆరో స్థానంలో గుంటూరు కారం తెలుగు వెర్షన్, ఏడో స్థానంలో హాయ్ నాన్న హిందీ వెర్షన్, షారుక్ జవాన్ 8వ స్థానం, ప్రభాస్ సలార్ 9వ స్థానంలో, ప్లేయర్స్ మూవీ పదో స్థానంలో నిలిచాయి. అంటే షారుక్ ఖాన్ నటించిన రెండు సినిమాలు టాప్ 10లో ట్రెండింగ్ అవుతున్నాయి.
'కోపాన్ని వారంలో ఒక్కరోజు మాత్రమే చూపిస్తాడు' - ఆసక్తికంగా నాని అప్కమింగ్ మూవీ టీజర్
అతడితో ప్రేమలో యానిమల్ బ్యూటీ త్రిప్తి డిమ్రి - ఫొటో షేర్ చేసిన ప్రియుడు!
