Thalaivar 171: తమిళ సూపర్స్టార్ రజనీకాంత్- లోకేశ్ కనగరాజ్ కాంబోలో తెరకెక్కుతున్న ప్రాజెక్టుపై ప్రేక్షకుల్లో భారీ అంచనాలు నెలకొన్నాయి. డైరెక్టర్ లోకేశ్ ఈ సినిమాను గోల్డ్ స్మగ్లింగ్ నేపథ్యంలో తెరకెక్కిస్తున్నారు. 'తలైవా 171' వర్కింగ్ టైటిల్తో సినిమా షూటింగ్ కూడా జరుపుకుంటుంది. అయితే ఇటీవల జైలర్తో బ్లాక్బస్టర్ సొంతం చేసుకున్న రజనీ, ఈ సక్సెస్ స్ట్రీక్ను కొనసాగించాలని భావిస్తున్నారు. దీంతో కథ డిమాండ్ మేరకు సినిమాను మల్టీస్టారర్గా తెరకెక్కించాలని మేకర్స్ భావిస్తున్నట్లు తెలుస్తోంది.
ఈ క్రమంలో సినిమాలో ఇంకో హీరోగా ఎవరిని ఎంపిక చేస్తారని ఫ్యాన్స్ ఎదురుచూస్తున్నారు. అయితే ఈ మూవీలో టాలీవుడ్ కింగ్ అక్కినేని నాగార్జునను తీసుకోవాలని టీమ్ భావిస్తోందట. ఇందుకోసం మేకర్స్ నాగ్తో చర్చలు జరిపినట్లు ఇన్సైడ్ టాక్. ఒకవేళ ఇది నిజమైతే తమిళ్ తలైవాతో టాలీవుడ్ కింగ్ను బిగ్ స్క్రీన్పై చూడవచ్చు. ఇది ఇద్దరు హీరోల ఫ్యాన్స్కు ఫుల్ జోష్ ఇస్తుంది.
అనౌన్స్మెంట్ అప్పుడే? అయితే ఇప్పటికే ఈ సినిమా నుంచి రిలీజైన రజనీ పోస్టర్ ప్రేక్షకులను ఆకట్టుకుంటుంది. రజనీ రెండు చేతులకు గోల్డ్ కలర్ వాచ్లు పెట్టుకొన్ని స్ట్రైలిష్గా కనిపిస్తున్నారు. ఇప్పటిదాకా కేవలం పోస్టర్ విడుదల చేసిన మేకర్స్ తాజాగా కీలక అప్డేట్ ఇవ్వడానికి రెడీ అయ్యారు. సోమవారం (ఏప్రిల్ 22)నాడు టైటిల్ అనౌన్స్మెంట్ టీజర్ రిలీజ్ చేయనున్నారు. అయితే సినిమాలో మరో హీరో గురించి కూడా ఇందులో రివీల్ చేసే ఛాన్స్ ఉంది!
ఇక ఈ సినిమాకు 'రానా' అనే టైటిల్ పరిశీలిస్తున్నారట. ఇందులో రజనీకాంత్ కూతురిగా శ్రుతీహాసన్ కనిపించనున్నట్లు తెలుస్తోంది. సన్ పిక్చర్స్ బ్యానర్పై తెరకెక్కుతున్న ఈ మూవీకి మ్యూజిక్ సంచలనం అనిరుధ్ సంగీతం అందిస్తున్నారు. మరోవైపు నాగార్జన ప్రస్తుతం తమిళ స్టార్ హీరో ధనుశ్తో కలిసి ఓ సినిమాలో నటిస్తున్నారు. 'D51' వర్కింగ్ టైటిల్తో ఈ మూవీ తెరకెక్కుతోంది. ఈ సినిమాకు శేఖర్ కమ్ముల దర్శకత్వం వహిస్తున్నారు. ఇప్పటికే షూటింగ్ ప్రారంభమైన ఈ సినిమా, రీసెంట్గా తిరుపతిలో ఓ షెడ్యూల్ చిత్రీకరణ కూడా పూర్తి చేసుకుంది.
ఇంట్రెస్టింగ్గా ధనుష్- శేఖర్ కమ్ముల మూవీ పోస్టర్! నాగార్జునతో లింక్ ఏంటి?
నాగార్జున మూవీ కోసం అలియా భట్ తండ్రి హైడ్రామా - హీరోయిన్ను చంపేసి!
