Stress Buster Movies OTT: ఒకప్పుడు ఖాళీ దొరికితే టీవీలో ఏ ఛానెల్లో మంచి సినిమాలు వస్తున్నాయా అని చూసేవాళ్లు. ఇప్పుడు ఆ పరిస్థితి మారి ఓటీటీలో ఎంటర్టైన్మెంట్ ఇచ్చే మూవీస్ కోసం సెర్చ్ చేస్తున్నారు. ఇక డైలీ రొటిన్లో ఏ మాత్రం ఒత్తిడికి గురైనా సినిమాలు, వెబ్సిరీస్లు చూసి కాస్త రిలాక్స్ అయ్యే ప్రేక్షకులు కూడా ఉన్నారు. అలాంటి సినీలవర్స్ కోసం ఆయా ఓటీటీ ప్లాట్ఫామ్స్లో స్ట్రీమింగ్కు అందుబాటులో ఉన్న తెలుగు స్ట్రెస్ బస్టర్ సినిమాల లిస్ట్ ఇక్కడ ఉంచాం. మరి ఆ సినిమాలేంటో చూసేయండి.
ఇట్లు అమ్మ(2021): అష్టకష్టాలు పడి పెంచిన కొడుకు కళ్ల ముందే చనిపోతే ఆ తల్లి బాధ వర్ణనాతీతం. అయితే ఆ తల్లి ఒంటరిగానే తన కొడుక్కి న్యాయం జరగాలని పోరాటం మొదలుపెడుతుంది. ఇంతకీ ఆమె గెలిచిందా లేదా అని తెలుసుకోవాలంటే మూవీ చూడాల్సిందే. ఉమా మహేశ్వర రావు దర్శకత్వం వహించిన ఈ చిత్రంలో తల్లిగా బాలసరస్వతి అనే పాత్రలో రేవతి నటించింది. ఇందులో రేవతితో పాటు పోసాని కృష్ణమురళి, రవి కాలే, మిహిరా కీలక పాత్రల్లో నటించారు.
స్కైలాబ్(2021 ): అంతరిక్షంలో నిర్మించిన ఒక స్పేస్ ల్యాబ్ హటాత్తుగా కూలిపోతే ఏం అవుతుంది అనే కథాంశంతో థ్రిల్లర్ కామెడీగా తెరకెక్కింది ఈ చిత్రం. నిత్యామీనన్, సత్యదేవ్, తరుణ్ భాస్కర్ ఇందులో ప్రధాన పాత్రల్లో నటించారు.
ఫ్యామిలీ డ్రామా (2021): బాధ్యత లేదని, ఉద్యోగం సంపాదించలేకపోతున్నాడని ఆ ఇంటి పెద్ద కొడుకుని ఇంటి నుంచి తరిమేశారు ఆ తల్లిదండ్రులు. అయితే వెల్లగొట్టిన ఆ పెద్ద కొడుకు సీరియల్ కిల్లర్ గా మారాడని చిన్న కొడుకుకు తెలిసి అతన్ని ఎదుర్కోవాలని అనుకుంటాడు. ఆ తర్వాత ఏం జరిగిందో తెలియాలంటే ఈ మిస్టరీ థ్రిల్లర్ మూవీ చూడాల్సిందే. సుహాస్ హీరోగా తెరకెక్కిన ఈ చిత్రంలో తేజ కాసరపు, అనూష నూతుల, సంజయ్ రథా ప్రధాన పాత్రల్లో నటించారు.
ఒకే ఒక జీవితం(2022): సైన్స్ ఫిక్షన్ మెలోడ్రామాగా తెరకెక్కిన ఈ చిత్రం తెలుగు, తమిళంలో ఒకేసారి నిర్మించారు. శర్వానంద్, ప్రియదర్శి, వెన్నెల కిషోర్ ప్రధాన పాత్రల్లో మెప్పించిన ఈ మూవీలో అమల అక్కినేని అతిథి పాత్రలో నటించారు. అమ్మ సెంటిమెంట్తో పాటు కామెడీ టైమింగ్ ఈ సినిమాకి హైలైట్స్.
ఆకాశవాణి(2021): అడవిలో ఉంటూ అసలు బయట ప్రపంచంలో సంబంధం లేని గిరిజన తెగకు అనుకోకుండా దొరికిన రెడీయో వాళ్ల జీవితంలో ఎలాంటి మార్పులను తీసుకువచ్చిందో? చూడాలంటే ఈ చిత్రం చూడాల్సిందే. సముద్రఖని దర్శకత్వంలో వచ్చిన ఈ చిత్రంలో ఆ రెడీయోను మాట్లాడే దేవుడిగా ఆ గిరిజనులు పూజించడం మనసుకు హత్తుకుంటుంది.
ప్రియురాలు(2021): వివాహేతర సంబంధం ద్వారా పుట్టిన అమ్మాయి పెద్ద అయ్యాక పెళ్ళయిన అబ్బాయితో ప్రేమలో పడితే పర్యవసానం ఎలా ఉంటుంది? అందులో నుంచి ఆ అమ్మాయి బయటపడిందా లేదా అనేది ఈ చిత్రం చూస్తే తెలుస్తుంది. రొమాంటిక్ డ్రామాగా ఈ మూవీ తెరకెక్కింది.
రామారావు ఆన్ డ్యూటీ(2022): రవితేజ ప్రధాన పాత్రలో యాక్షన్ థ్రిల్లర్గా తెరకెక్కిన ఈ చిత్రం 2022లో ప్రేక్షకుల ముందుకు వచ్చింది. వ్యవస్థలో ఉండే లోపాలతో పోరాడే ప్రభుత్వ అధికారిగా రవితేజ నటించారు.
ఫస్టాఫ్ డీలా- సెకండాఫ్పైనే అందరి ఆశలు! ఏం జరుగుతుందో? - Tollywood Second Half
హాలీవుడ్ ఆల్ టైమ్ క్లాసిక్ మూవీస్- పక్కా ఇన్స్పిరేషన్! - Inspirational movies
