Suriya Jyothika Divorce : సెలబ్రిటీల విడాకుల వార్తలు ఎప్పుడు సోషల్ మీడియాలో చక్కర్లు కొడుతూనే ఉంటాయి. మరీ ముఖ్యంగా డివోర్స్ తీసుకోబోతున్నారనే పుకార్లు ఎక్కువగా కనిపిస్తుంటాయి. అలాంటి వాటిలో ప్రస్తుతం స్టార్ కపుల్ సూర్య-జ్యోతిక పేర్లు ఎక్కువగా వినిపిస్తోంది. అయితే తాజాగా ఈ వార్తలకు జ్యోతిక చెక్ పెట్టింది. వివరాల్లోకి వెళితే.. 2006, సెప్టెంబరు 11న పెళ్లి బంధంతో ఒకటైన ఈ జంటకు సినీ అభిమానుల్లో ఫుల్ క్రేజ్‌ ఉంటుంది. రీల్ లైఫ్లో తమ యాక్టింగ్తో అభిమానుల మనసును ఎంతగా దోచుకున్నారో అలాగే నిజ జీవితంలోనూ మంచి పేరు తెచ్చుకున్నారు.
అయితే కొంత కాలంగా ఈ జంట వ్యక్తిగత జీవితానికి సంబంధించి చాలా వార్తలు వస్తూనే ఉన్నాయి. ఈ స్టార్ కపుల్ విడిపోతున్నారని, త్వరలోనే డివొర్స్ తీసుకోబోతున్నారని జోరుగా ప్రచారం సాగుతోంది. ఈ నేపథ్యంలో జ్యోతిక తన ఇన్స్టాలో ఓ వీడియోను పోస్ట్ చేసి ఈ పుకార్లకు ముగింపు పలికింది. రీసెంట్గా ఈ జంట ఫిన్లాండ్ పర్యటనకు వెళ్లారు. ఇప్పుడా ఆ పర్యటన వీడియోని '2024 –(A year full of travel)' అనే క్యాప్షన్తో పోస్ట్ చేసింది. ఈ వీడియోలో సూర్య జ్యోతిక హాలిడే ట్రిప్ను కలిసి ఫుల్గా ఎంజాయ్ చేసినట్లు కనిపిస్తోంది. తమ విడాకులకు సంబంధించి వస్తున్న వార్తల్లో ఏ మాత్రం నిజం లేదని, తమ బంధం చాలా గట్టిదని అనే అర్థం వచ్చేలా ఈ వీడియో పోస్ట్ చేసినట్లు అర్థమైంది.
ఇక సినిమాల విషయానికొస్తే జ్యోతిక ఇటీవలే మలయాళ మెగాస్టార్ మమ్ముట్టితో కలిసి 'కాథల్: ది కోర్' అనే సినిమాలో నటించి ఆకట్టుకుంది. ప్రస్తుతం బాలీవుడ్లో అజయ్ దేవగన్, ఆర్ మాధవన్ ప్రధాన పాత్రల్లో నటిస్తున్న 'షైతాన్' చిత్రంలో నటిస్తోంది. సూర్య త్వరలోనే 'కంగువా' అనే భారీ బడ్జెట్ చిత్రంతో ఆడియెన్స్ ముందుకు రానున్నారు. దీని తర్వాత ఓం ప్రకాశ్ మెహతా, సుధా కొంగరతోనూ చెరో సినిమా చేయనున్నారు. ఇవి కూడా భారీ బడ్జెట్లో తెరకెక్కనున్నాయి.
ఎన్టీఆర్తో 'వార్ 2' షూటింగ్ - సూపర్ హింట్ ఇచ్చిన హృతిక్ రోషన్
సీక్రెట్ రివీల్ - ఎంగేజ్మెంట్ చేసుకున్న 'తీన్మార్' హీరోయిన్ ?
