'డబుల్ ఇస్మార్ట్' క్రేజీ అప్డేట్- రామ్​ ఫ్యాన్స్​లో జోష్ నింపిన పూరి - Double Ismart Shooting

Double Ismart Shooting: యంగ్ హీరో రామ్ పోతినేని- పూరి జగన్నాథ్ కాంబోలో తెరెక్కుతున్న 'డబుల్ ఇస్మార్ట్' కొత్త అప్డేట్ వచ్చింది. సినిమా షూటింగ్ పునః ప్రారంభమైనట్లు డెరెక్టర్ పూరి తెలిపారు.

Double Ismart Shooting: టాలీవుడ్ ఎనర్జిటిక్ హీరో రామ్ పోతినేని- సెన్సేషనల్ డైరెక్టర్ పూరీ జగన్నాథ్ కాంబోలో తెరకెక్కుతున్న మూవీ 'డబుల్ ఇస్మార్ట్'. ఇస్మార్ట్ శంకర్ మూవీకి సీక్వెల్​గా ఇది తెరకెక్కుతోంది. అయితే ఈ సినిమా నుంచి కొన్ని నెలలుగా ఎలాంటి అప్డేట్స్ లేవు. ఈ క్రమంలో ఫ్యాన్స్ కాస్త నిరాశకు గురయ్యారు. అయితే డైరెక్టర్ పూరి జగన్నాథ్ తాజాగా అభిమానుల్లో జోష్ నింపారు.

సినిమా షూటింగ్ కొత్త షెడ్యూల్ ప్రారంభిస్తున్నట్లు చేస్తున్నట్లు ఎక్స్ (ట్విట్టర్​)లో పోస్ట్ చేశారు. దీనికి సంబంధించిన కొన్ని ఫొటోలను కూడా ఆయన షేర్ చేశారు. 'మరో షెడ్యూల్ ప్రారంభిస్తున్నాం. పలు కీలక సన్నివేశాలు ఈ షెడ్యూల్​లో షూట్ చేయనున్నాం' అని పూరీ ట్వీట్​లో రాసుకొచ్చారు. ముంబయిలో జరగనున్న ఈ షెడ్యూల్​లో స్టార్ యాక్టర్లంతా పాల్గొననున్నారు. దీంతో రామ్ ఫ్యాన్స్​లో కొత్త ఎనర్జీ వచ్చినట్లైంది.

ఆరోజు అప్డేట్ పక్కా!
అయితే త్వరలోనే ఈ సినిమా నుంచి కీలక అప్డేట్ రానున్నట్లు తెలుస్తోంది. ఈ నెల (మే 15)లో హీరో పుట్టినరోజు సందర్భంగా మేకర్స్​ రామ్ ఫ్యాన్స్​కు ట్రీట్ ఇచ్చే అవకాశం ఉంది. ఈ నేపథ్యంలోనే రామ్​ బర్త్​డే రోజు సినిమా టీజర్ అండ్ రిలీజ్ డేట్ లేదా ఫస్ట్ సింగిల్ (సాంగ్) రిలీజ్ అయ్యే ఛాన్స్ ఉన్నట్లు తెలుస్తోంది. చూడాలి మరి మేకర్స్ ఎలాంటి అప్డేట్ ఇస్తారో. ఇక ఈ సినిమాకు మ్యూజికల్ కింగ్ మణిశర్మ సంగీతం అందిస్తున్నారు.

అయితే గతేడాది షూటింగ్ ప్రారంభించిన మేకర్స్, సినిమాను 2024 మార్చి 8న రిలీజ్ చేయనున్నట్లు అప్పుడే మేకర్స్ ప్రకటించారు. కానీ, పలు కారణాల వల్ల రిలీజ్ వాయిదా పడింది. ఇక షూటింగ్ రీ స్టార్ట్ కావడం వల్ల మేకర్స్​ కొత్త రిలీజ్ డేట్ త్వరలోనే అనౌన్స్​ చేసే ఛాన్స్ ఉంది. ఇక ఈ సినిమాలో బాలీవుడ్ స్టార్ నటుడు సంజయ్ దత్ కీలక పాత్ర పోషిస్తున్నారు. పూరీ కనెక్ట్స్ బ్యానర్​పై పూరీ జగన్నాథ్, ఛార్మీ కౌర్ సంయుక్తంగా ఈ సినిమాను నిర్మిస్తున్నారు.