SSMB 29 Title Change : SSMB 29 ఇండియన్ సినిమా ప్రేక్షకులతో పాటు వరల్డ్ వైడ్గా ఉన్న మూవీ లవర్స్ ఎదురుచూస్తున్న చిత్రమిది. అమెజాన్ ఫారెస్ట్ అండ్ యాక్షన్ అడ్వెంచర్ బ్యాక్డ్రాప్తో రాబోతుంది. ఆర్ఆర్ఆర్ వంటి బిగ్గెస్ట్ బ్లాక్ బస్టర్ను తెరకెక్కించిన దర్శకధీరుడు రాజమౌళి ఈ సినిమాను తెరకెక్కించనుండడంతో యావత్ సినీ ప్రపంచం ఎంతో ఆసక్తిగా ఎదురుచూస్తోంది. అసలీ సినిమా ప్రకటించినప్పటి నుంచి ఏ చిన్న విషయం బయటకు వచ్చినా అది సోషల్ మీడియాలో ఫుల్ వైరల్ అవుతోంది. అందరూ దీని గురించే మాట్లాడుకుంటున్నారు.
ఈ మధ్యే ఈ మూవీ స్క్రిప్ట్ వర్క్ కూడా పూర్తైనట్లు రచయిత విజయేంద్రప్రసాద్ తెలిపారు. ప్రీ ప్రొడక్షన్ వర్క్ శరవేగంగా సాగుతోంది. ఇప్పటికే మహేశ్ కూడా తన లుక్స్ను, శరీరాకృతిని మార్చేశారు. ఫారెన్ వెళ్లి మరీ శిక్షణ తీసుకుంటున్నారు. అంతర్జాతీయ స్థాయిలో సినిమాను రూపొందించేందుకు జక్కన్న ఫుల్ ప్లాన్డ్గా ముందుకెళ్తున్నారు. ఎక్కడ రాజీ పడకుండా మూవీని తెరకెక్కించేలా దాదాపు రూ.1000కోట్లు ఖర్చు పెట్టనున్నారట.
అయితే గత కొన్ని రోజులుగా రాజమౌళి ఈ మూవీ కోసం తన మొత్తం టీమ్ను మార్చబోతున్నారని ప్రచారం జోరుగా సాగుతోంది. ఆస్కార్ అవార్డ్ విన్నర్ ఎం ఎం కీరవాణిని తప్ప ఇతర టీమ్ను జక్కన్న మార్చేశారట. ఈ సారి పిఎస్ వినోద్ సినిమాటోగ్రాఫర్గా, ఆర్సి కమల్ కన్నన్ వీఎఫ్ఎక్స్ సూపర్వైజర్గా, తమ్మి రాజు ఎడిటర్గా, మోహన్ బింగి ప్రొడక్షన్ డిజైనర్గా, రాజమౌళి సతీమణి రమ కాస్ట్యూమ్ డిజైనర్గా బాధ్యతలు చూసుకోనున్నారట. ఇండోనేషియాకు చెందిన ఓ నటి హీరోయిన్గా నటించనుందని అంటున్నారు. అయితే దీనిపై ఎటువంటి అధికార ప్రకటన రాలేదు.
ఇప్పుడు తాజాగా మరో ఇంట్రెస్టింగ్ న్యూస్ బయటకు వచ్చింది. అదేంటంటే ఈ చిత్ర వర్కింగ్ టైటిల్ను మార్చబోతున్నారట. ఇంకా థియేటర్ టైటిల్ ఖరారు చేయని ఈ ప్రాజెక్టును మొదటి నుంచి SSMB29 అనే పిలుస్తూ వస్తున్నారు. అయితే ఇప్పుడు జక్కన్న ఈ SSMB29ను SSRMBగా మార్చబోతున్నారని బయట కథనాలు కనిపిస్తున్నాయి. అందుకు కారణం రాజమౌళి క్రేజ్ అని బయట టాక్ నడుస్తోంది. ఎందుకంటే మహేశ్ క్రేజ్ టాలీవుడ్ వరకే పరిమితమైతే జక్కన్న క్రేజ్ ఆర్ఆర్ఆర్తో వరల్డ్ వైడ్గా ఉంది. అందుకే ఈ వర్కింగ్ టైటిల్ను మార్చబోతున్నారట. చూడాలి మరి ఏం జరుగుతుందో.
మహేశ్ - రాజమౌళి మూవీ టెక్నికల్‌ టీమ్ ఫుల్ లిస్ట్ - ఆ ఒక్కరు తప్ప అంతా ఛేంజ్!
వీకెండ్ సర్ప్రైజ్ - OTTలోకి సడెన్గా వచ్చేసిన రూ.470కోట్ల స్టార్ హీరో సినిమా
