Sri Simha Mathuvadalara 2 Collections : సత్య, సత్య, సత్య - గత ఐదారు రోజులుగా టాలీవుడ్ బాక్సాఫీస్ ముందు ఈ పేరు మార్మోగిపోతోంది. అందుకు కారణం 'మత్తు వదలరా 2'. ఈ చిత్రాన్ని సత్య తన కామెడీ టైమింగ్, పంచ్లతో ఒంటి చేత్తో నడిపిస్తున్నారు. అలా ఈ మూవీ సక్సెస్కు ప్రధాన కారణంగా మారడంతో అందరూ ఈయన గురించే మాట్లాడుకుంటున్నారు.
సత్య నాన్ స్టాప్ కామెడీతో ప్రేక్షకులకు మంచి కాలక్షేప వినోదాన్ని అందించడం వల్ల 'మత్తు వదలరా 2' ఎక్కడా బోర్ కొట్టకుండా సాగిపోతోంది. దీంతో ఈ చిత్రం బాక్సాఫీస్ దగ్గర మంచి వసూళ్లను కూడా అందుకుంటోంది. మొదటి రోజు నుంచే మంచి కలెక్షన్స్ అందుకుంటున్న ఈ చిత్రం ఇప్పటికే లాభాల్లోకి కూడా అడుగుపెట్టేసింది. యూఎస్ మార్కెట్లోనూ కూడా అదిరే వసూళ్లను నమోదు చేస్తోంది. వీక్ డేస్లోనూ స్ట్రాంగ్ హోల్డ్ను కనబరుస్తూ ప్రదర్శితమవుతోంది. అలా ఈ 'మత్తు వదలరా 2' యూఎస్లో 800కే డాలర్స్ గ్రాస్ మార్క్ను టచ్ చేసింది. ప్రస్తుతం 1 మిలియన్ క్లబ్ దిశగా దూసుకెళ్తోంది. ఈ విషయాన్ని మూవీ టీమ్ అఫీషియల్గా అనౌన్స్ చేసింది.
Mathuvadalara 2 Cast and Crew : కాగా, ఈ చిత్రానికి కాల భైరవ సంగీతం మరో బలం. సినిమాలో కీరవాణి తనయుడు శ్రీసింహా కూడా హుషారుగా నటించారు. హీరోయిన్ ఫరియా అబ్దుల్లా హీ-టీమ్‌లో ఓ సభ్యురాలిగా కనిపిస్తూనే కామెడీ పండించింది. యాక్షన్ సీన్స్లోనూ కనువిందు చేసింది. రోహిణి, సునీల్, వెన్నెల కిశోర్, అజయ్ తదితరులు కీలక పాత్రలు పోషించారు. సాంకేతికంగా కూడా సినిమా ఉన్నతంగా ఉంది. కాల భైరవ సంగీతం చిత్రానికి ప్రధాన బలం. కెమెరా, ఎడిటింగ్ విభాగాలు కూడా చక్కటి పనితీరును కనబరిచాయి. దర్శకుడు రితేష్ రాణా మార్క్ సంభాషణలు నవ్విస్తున్నాయి. మైత్రి మూవీ మేకర్స్ నిర్మించింది. ఎడిటింగ్ బాధ్యతలు కార్తిక్‌ శ్రీనివాస్ చూసుకున్నారు. సురేశ్‌ సరంగం సినిమాటోగ్రఫీ అందించారు.
'మత్తు వదలరా 2' రివ్యూ - ఈ క్రైమ్, కామెడీ OTTలోకి ఎప్పుడంటే? - Mathu Vadalara 2 Review
