Samantha Fan Meeting : టాలీవుడ్ స్టార్ హీరోయిన్ సమంతకు సౌత్లో ఉన్న ఫాలోయింగ్ అంతా ఇంతా కాదు. తన నటనతో, అందంతో ఎంతో మందిని ఆకట్టుకున్న ఈ చిన్నది ఇప్పుడు సినిమాలకు బ్రేక్ ఇచ్చింది. మయోసైటిస్ కారణంగా సినిమాలకు దూరంగా ఉండనున్నట్లు తెలిపారు. అయినప్పటికీ తన ఫ్యాన్స్ ఆమె రాక కోసం ఎంతగానో ఎదురుచూస్తున్నారు. అయితే ఆమె ఈ మధ్యలో 'సిటాడెల్' అనే వెబ్సిరీస్లో మెరిశారు. దీని కోసం ముంబయిలో ఏర్పాటు చేసిన ప్రమోషన్స్ ఈవెంట్లోనూ సందడి చేశారు. ఆ తర్వాత ఆమె హైదరాబాద్కు చేరుకున్నారు.
ఇక సామ్ కోసం తన ఫ్యాన్స్ హైదరాబాద్లో ఓ స్పెషల్ మీట్ను అరేంజ్ చేశారు. అందులో పాల్గొన్న ఆమె తన ఫ్యాన్స్తో ముచ్చటించారు. అంతే కాకుండా తన కోసం తయారు చేసిన 'వండర్ ఉమెన్' కేక్ను ఆమె కట్ చేశారు. వాళ్లు చూపించిన అభిమానానికి ఎంతో ఎమోషనలయ్యారు. ఇక ఈ ఫోటోలన్నింటినీ సామ్ తన ఇన్స్టాగ్రామ్లో పోస్ట్ చేశారు. ప్రస్తుతం అవి నెట్టింట తెగ ట్రెండ్ అవుతున్నాయి.
మరోవైపు సమంత ప్రస్తుతం యాడ్ షూట్లతో పాటు ఫోటో షూట్లతో బిజీగా ఉన్నారు. . గతేడాది 'శాకుంతలం', 'ఖుషి' చిత్రాలతో పలకరించిన సమంత ప్రస్తుతం మరో ప్రాజెక్ట్‌ ఓకే చేయలేదు. ఈ రెండు సినిమాలు ఆశించిన స్థాయిలో టాక్ అందుకోలేకపోయాయి. అయితే ఆ తర్వాత బ్రేక్ తీసుకున్న సామ్ గత కొంత కాలంగా మయోసైటిస్కు చికిత్స పొందుతున్నారు. ట్రీట్మెంట్ తీసుకుంటున్న సమయంలో అప్పటివరకు అంగీకరించిన ప్రాజెక్ట్‌లన్నీ పూర్తి చేసి ఇప్పుడిప్పుడే కోలుకుంటూ మళ్లీ స్క్రీన్పై కనిపించేందుకు రెడీ అవుతున్నారు.
అయితే ఇంకా ఎటువంటి సినిమాల గురించి అనౌన్స్ చేయలేదు. అయితే ఆమె ఇటీవలే సొంతంగా ఓ పోడ్కాస్ట్ను స్ట్రీమ్ చేస్తున్నారు. అందులో తన పర్సనల్ లైఫ్తో పాటు హెల్త్ గురించి మాట్లాడుతున్నారు. 'మై జర్నీ విత్ ఆటోఇమ్యూనిటీ' అనే పేరుతో ఇప్పటికే ఓ ఎపిసోడ్ యూట్యూబ్‌లో విడుదలైంది. దీనికి నెట్టింట మంచి రెస్పాన్స్ వస్తోంది.
