సాయి పల్లవి నటించిన ఫస్ట్ మూవీ ఏంటో తెలుసా? - 'ప్రేమమ్'​ మాత్రం కాదు! - Sai Pallavi Debut Movie

Sai Pallavi First Movie : సాయి పల్లవి ఫస్ట్ మూవీ అంటే అందరూ వెంటనే 'ప్రేమమ్'​ అని చెప్పేస్తారు. అందులో తన యాక్టింగ్​తో అంతలా ఆకట్టుకుంది. అయితే ఆమె నటించిన మూవీ అది కాదని తాజాగా సాయి పల్లవి రివీల్ చేసింది. ఇంతకీ తన డెబ్యూ మూవీ ఏంటో తెలుసుకుందామా?

Sai Pallavi First Movie : నేచురల్ యాక్టింగ్ అంటే ఠక్కున గుర్తొస్తుంది మల్లు బ్యూటీ సాయి పల్లవి. మినిమల్​ మేకప్​తో, నేచురల్ లుక్స్​తో ఆకట్టుకునే ఈ చిన్నది, తన నటనతోనే కాకుండా డ్యాన్స్​తోనూ ప్రేక్షకుల మనసులు దోచుకుంది. అందుకే భాషతో సంబంధం లేకుండా ఈమెకు దాదాపు అన్ని సౌత్ఇండియన్ లాంగ్వేజస్​లో ఫ్యాన్స్ ఉన్నారు. ఇక ఇప్పుడిప్పుడే నార్త్​లోనూ తన సత్తా చాటాలని అడుగుపెట్టింది. తెలుగులోనూ సందడి చేసేందుకు సిద్ధమవుతోంది.

అయితే అందరూ ఆమె మలయాళం 'ప్రేమమ్​' సినిమా ద్వారానే ఇండస్ట్రీలోకి అడుగుపెట్టిందని అనుకుంటారు. కానీ వాస్తవానికి దానికంటే ముందే ఆమె సినిమాల్లో నటించిందట. తాజాగా ఈ విషయాన్ని ఓ ఇంటర్వ్యూలో రివీల్ చేసి అందరికీ షాకిచ్చింది.

"చాలామంది నేను ప్రేమమ్‌ సినిమాతోనే ఇండస్ట్రీలోకి ఎంట్రీ ఇచ్చానని అనుకుంటారు. కానీ అంతకంటే ముందే నేను రెండు సినిమాల్లో కనిపించాను. 'కస్తూరీ మాన్‌', 'ధామ్‌ధూమ్‌' అనే రెండు తమిళ చిత్రాల్లో చిన్నపాటి పాత్రలు చేశాను " అంటూ చెప్పుకొచ్చింది.

ఇది విన్న నెటిజన్లు ఒక్కసారిగా షాకయ్యారు. కొందరైతే ఆ సినిమాలను మళ్లీ చూసి అందులోని సాయి పల్లవి క్లిప్పింగ్స్​ను ట్రెండ్ చేస్తున్నారు. అభిమానులు కూడా 'సాయి పల్లవిని ఇందులో అస్సలు పోల్చుకోలేకపోతున్నాం'. 'తనను గుర్తుపట్టలేదే మనం' అంటూ కామెంట్లు పెడుతున్నారు.

ఆ పోస్టర్ చూసి ఏడ్చాను
ఇక ఇదే ఇంటర్య్వూలో తన ఫస్ట్ తెలుగు మూవీ గురించి మాట్లాడింది. "తెలుగులో నేను డెబ్యూ చేసిన 'ఫిదా' నాకు ఎప్పటికీ గుర్తుండిపోతుంది. తొలిసారి ఆ మూవీ పోస్టర్‌ను చూసినప్పుడు నా కళ్లల్లో నీళ్లు తిరిగాయి. షూటింగ్‌లోకి అడుగుపెట్టినప్పుడే అనుకున్నా ఈ మూవీ ఆడియో లాంఛ్​లో నేను తెలుగు స్పీచ్ ఇవ్వాలని. అనుకున్నట్లుగా నేను చేశాను కూడా. అంతే కాదు ఆ సినిమా నాకు ప్రతిష్టాత్మక ఫిలింఫేర్‌ అవార్డునూ తెచ్చిపెట్టింది. ఆ సినిమాతో నా జీవితం మలుపు
తిరిగింది మరి.

SaiPallavi Upcoming Movies : ఇక సాయి పల్లవి అప్​కమింగ్ మూవీస్ విషయానికి వస్తే, తెలుగులో నాగచైతన్యతో కలిసి 'తండేల్' చిత్రంలో నటిస్తోంది. హిందీలో మరో రెండు సినిమాలు చేస్తోంది. బాలీవుడ్ హీరో ఆమిర్ ఖాన్​ తనయుడి సరసన కనిపించనుంది. దీంతోపాటు రణ్​బీర్ కపూర్​తో 'రామాయణ్' సినిమా చేస్తోంది. ప్రస్తుతం ఈ మూడు సినిమాలు షూటింగ్ జరుపుకుంటున్నాయి." అంటూ సాయి పల్లవి ఎమోషనల్ అయ్యింది.