RC 16 Shooting : మెగా పవర్ స్టార్ రామ్ చరణ్ - బుచ్చిబాబు సన దర్శకత్వంలో తెరకెక్కాల్సిన చిత్రం ఎట్టకేలకు సెట్స్పైకి వెళ్లింది. ఇప్పటివరకు ప్రీ ప్రొడక్షన్ వర్క్ జరుపుకున్న ఈ చిత్రం తాజాగా పూజా కార్యక్రమాలతో ప్రారంభమైంది. పూజా కార్యక్రమంలో జాన్వీకపూర్, రామ్ చరణ్ భారతీయ సంప్రదాయ దుస్తులు ధరించి ఆకట్టుకున్నారు. ఇంకా చెప్పాలంటే ఈ వేడుకలో హీరోయిన్‌గా నటిస్తోన్న బాలీవుడ్ భామ జాన్వీ కపూర్ స్పెషల్ అట్రాక్షన్గా నిలిచింది. తన లుక్స్తో చూపరులను బాగా ఆకట్టుకుంది. ఆకుపచ్చ రంగు లెహంగాలో మెరిసిపోయింది.
ఇంకా ఈ వేడుకలో పలువురు సినీ ప్రముఖులు, మూవీ యూనిట్ కూడా పాల్గొంది. చరణ్ భార్య ఉపాసన, మెగాస్టార్ చిరంజీవి, దర్శకుడు శంకర్, బోనీ కపూర్, ఏఆర్ రెహమాన్, సుకుమార్ తదితరులు హాజరయ్యారు. ఈ సినిమాను సుకుమార్ రైటింట్స్, మైత్రీ మూవీ మేకర్స్‌ కలిసి నిర్మిస్తున్నాయి. కిలారు వెంకట సతీశ్ ఈ భారీ బడ్జెట్‌తో నిర్మిస్తున్నారు. ఏఆర్ రెహమాన్ మ్యూజిక్ సమకూర్చుతున్నారు. స్పోర్ట్స్ బ్యాక్డ్రాప్తో ఈ సినిమా రాబోతుందని అంటున్నారు. కబడ్డీ లేదా ఫుట్బాల్ బ్యాక్డ్రాప్ అని చెబుతున్నారు. ఇందులో రామ్ చరణ్ ఎప్పుడూ చేయని సరికొత్త పాత్ర పోషించబోతున్నట్లు బయట కథనాలు కనిపిస్తున్నాయి.
ఇకపోతే ఇంకా ఈ చిత్రంతో పాటు రామ్ చరణ్ ప్రస్తుతం కోలీవుడ్ దిగ్గజ దర్శకుడు శంకర్ తెరకెక్కిస్తున్న పొలిటికల్ యాక్షన్ మూవీ గేమ్ ఛేంజర్లో నటిస్తున్నారు. చాలా కాలంగా షూటింగ్ జరుపుకుంటున్న ఈ చిత్రం ఈ ఏడాది రిలీజ్ కానుంది. సెప్టెంబర్ అని అంటున్నారు. ఈ చిత్రంలో రామ్చరణ్ సరసన కియారా అద్వానీ నటిస్తోంది. సమకాలీన రాజకీయాలతో కూడిన యాక్షన్ డ్రామాగా ఈ మూవీ తెరకెక్కుకోతంది. తెలుగు, తమిళం, హిందీ భాషల్లో ఈ సినిమాను తెరకెక్కిస్తున్నట్లు సమాచారం. మరోవైపు జాన్వీ కపూర్ జూనియర్ ఎన్టీఆర్, సైఫ్ అలీఖాన్ నటిస్తున్న దేవర సినిమాతో తెలుగులో అరంగేట్రం చేయనుంది. కొరటాల శివ డైరెక్షన్లో తెరకెక్కిన ఈ మూవీ ఈ ఏడాది అక్టోబర్లో రిలీజ్ కానుంది.
ప్రభాస్ ఇన్నేళ్ల పాటు పెళ్లి చేసుకోకపోవడానికి అసలు కారణమిదా?
సుహాస్కు సూపర్ ఛాన్స్ - కీర్తి సురేశ్ పక్కన హీరోగా సినిమా
