Rashmika Mandanna Birthday: 'ఛలో' సినిమాతో వెండితెరకు పరిచయమైన హీరోయిన్ రష్మిక మందన్న చాలా తక్కువ కాలంలోనే పాన్ ఇండియా రేంజ్‌కు వెళ్లిపోయింది. 'పుష్ప' తర్వాత 'యానిమల్' సినిమాలు బాక్సాఫీస్‌ను షేక్ చేయడం వల్ల ఆమె క్రేజ్ రెట్టింపు అయింది. ప్రస్తుతం అటు నార్త్తో పాటు ఇటు సౌత్లోనూ దూసుకెళ్తోంది. అయితే ఈ చిన్నది తాజాగా ఓ ఇంటర్వ్యూలో పాల్గొని తన కెరీర్తో పాటు పర్సనల్ లైఫ్ గురించి పలు ఆసక్తికరమైన విషయాలు పంచుకుంది. తన చేతిపై ఉన్న టాటూ గురించి సీక్రెట్ రివీల్ చేసింది.
"మొదట నాకు టాటూ వేయించుకోవాలని అనిపించేది కాదు. మా కాలేజీలో ఒక అబ్బాయి 'ఆడపిల్లలు బాధను ఓర్చుకోలేరు. వాళ్లకు సూదులన్నా కూడా భయమే' అని అన్నాడు. కానీ అది తప్పు అని నిరూపించాలని అనుకున్నాను. అందుకే నేను టాటూ వేయించుకోవాలని నిర్ణయించుకున్నాను. కానీ ఏం వేయించుకోవాలని అనుకోలేదు. చాలా సేపు ఆలోచించాక నాకు ఓ ఆలోచన వచ్చింది. అందుకే ఇర్రీప్లేసబుల్‌ (Irreplaceable) అని వేయించుకున్నాను. ఎవరూ మరొకరిని భర్తీ చేయలేరని దాని అర్థం. ఈ విషయాన్ని నేను బాగా నమ్ముతున్నాను. ప్రతి ఒక్కరూ ముఖ్యమైన వారే. అందుకే ఆ అనే పదాన్ని వేయించుకున్నా" అని తెలిపింది.
-
It’s a working holi for us.. but I hope you all are playing safe holi and enjoying yourselves 💃🏻💃🏻💃🏻
— Rashmika Mandanna (@iamRashmika) March 25, 2024
Here’s us wishing you all a very Happy Holi.. ❤️🫶🏻✨ pic.twitter.com/xvxhx1JODo
ఇక రష్మిక ప్రస్తుతం అల్లు అర్జున్తో పాటు 'పుష్ప 2' సినిమా షూటింగ్లో బిజీగా ఉంది. ప్రస్తుతం శరవేగంగా చిత్రీకరణ జరుపుకుంటున్న ఈ సినిమా ఆగస్ట్ 15న థియేటర్లలోకి రానుంది. దీంతో పాటు చిలసౌ ఫేమ్ డైరెక్టర్ రాహుల్ రవీంద్రన్ తెరకెక్కిస్తున్న 'ది గర్ల్ ఫ్రెండ్' సినిమాలో నటిస్తోంది. ఈ మూవీ టీజర్‌ను రష్మిక బర్త్ డే సందర్భంగా ఏప్రిల్ 5న విడుదల చేయనున్నారు. ఈ విషయాన్ని డైరక్టర్ రాహుల్ తన ట్విట్టర్ ఖాతాలో పోస్ట్ చేశారు. ఆసక్తికరమైన విషయం ఏంటంటే ఈ మూవీ కోసం రష్మిక స్వయంగా 5 భాషల్లో డబ్బింగ్ చెప్పిందట. ఇది విన్న ఫ్యాన్స్ సినిమా టీజర్ కోసం ఆసక్తిగా ఎదురుచూస్తున్నారు.
రష్మిక బర్త్ డే- ఫ్యామిలీస్టార్ రిలీజ్- విజయ్ షాకింగ్ ఆన్సర్! - vijay devarakonda and rashmika
రష్మిక వీకెండ్ ప్లాన్ - దాదాపుగా ఇదే చేస్తుందట! - Rashmika Weekend Plan
