Ram Charan Upasana Wedding Anniversary : గ్లోబల్ స్టార్ రామ్ చరణ్ దంపతులు తాజాగా తమ పెళ్లి రోజు వేడుకను గ్రాండ్గా జరుపుకున్నారు. వీరిద్దరి వివాహం 2012 జ‌రగ్గా, నిన్నటితో (జూన్ 14) వారు వివాహ‌బంధంలోకి అడుగుపెట్టి 12 ఏళ్లు పూర్త‌య్యింది. ఈ సంద‌ర్భంగా మెగా కోడలు ఉపాసన సోషల్ మీడియా వేదికగా ఓ స్పెషల్ ఫొటోను షేర్ చేశారు. అందులో చరణ్, ఉపాసనతో పాటు చిన్నారి క్లీంకార కూడా ఉంది. అంతే కాకుండా ఓ నోట్ను కూడా రాసుకొచ్చారు.
" మ‌న బంధానికి అప్పుడే 12 వ‌సంతాలు పూర్తయ్యాయంటే న‌మ్మ‌లేక పోతున్నాను. నా మీద ఇంత‌టి ప్రేమ‌ను కురిపిస్తున్నందుకు థ్యాంక్స్. మా జీవితాలు మ‌రింత అందంగా మార‌డానికి తోడ్ప‌డిన ప్ర‌తి ఒక్క‌రికీ థ్యాంక్స్" అంటూ ఎమోషనలయ్యారు.
ఇక ఇదే పోస్ట్కు చెర్రీ ఓ స్వీట్ రిప్లై ఇచ్చారు. "నేను నీ జీవిత భాగ‌స్వామిని అయినందుకు సంతోషిస్తున్నా ఉప్సీ " అంటూ కామెంట్ చేశారు. ప్రస్తుతం ఈ పోస్ట్ నెట్టింట తెగ ట్రెండ్ అవ్వగా, మెగా ఫ్యాన్స్తో పాటు నెటిజన్లు ఈ కపుల్కు విషెస్ తెలుపుతున్నారు. 'సో క్యూట్' అంటూ కామెంట్లు పెడుతున్నారు.
స్టేజీపై నుంచి ఉపాసనకు చరణ్ సైగలు- ఏం చెప్పుకుంటున్నారో తెలుసా? - Ram Charan Upasana Cute Video
