Rakul Preet Singh Jackky Bhagnani : వివాహమైన తర్వాత తొలిసారి తన భర్త జాకీ భగ్నానీ గురించి మాట్లాడారు హీరోయిన్ రకుల్ ప్రీత్ సింగ్. అసోం స్టేట్‌ ఫిల్మ్‌ కార్పొరేషన్‌ లిమిటెడ్‌ ఏర్పాటు చేసిన ఓ ఈవెంట్లో రకుల్-జాకీ దంపతులు పాల్గొన్నారు. ఈ సందర్భంగా భర్త జాకీపై ఇంట్రెస్టింగ్ కామెంట్స్ చేశారు రకుల్. ఈ కార్యక్రమంలో తనకు సెన్స్‌ ఆఫ్‌ హ్యూమర్‌ చాలా ఎక్కువని జాకీ చెప్పగా, పక్కనే ఉన్న రకుల్ అది నిజమే అని అన్నారు. అంతేకాకుండా ఆయన్ను పొగడ్తలతో ముంచెత్తారు.
'జాకీలో నచ్చిందే ఇది'
'జాకీ మంచి మనసు, సెన్స్‌ ఆఫ్‌ హ్యూమర్‌ కలిగిన వ్యక్తి. అతడిలో ఉన్న కామెడీ టైమింగే తొలుత నన్ను ఆకర్షించింది. ఆయన ఎప్పుడూ సరదాగా ఉంటాడు. తన చుట్టూ ఉన్నవాళ్లను సంతోషంగా ఉండేలా చేస్తారు' అని రకుల్ చెప్పుకొచ్చారు.
పెళ్లైన తర్వాత అసోం టూర్కు
కన్నడ చిత్రం 'గిల్లీ'తో తెరంగేట్రం చేశారు రకుల్ ప్రీత్ సింగ్. ఇటీవలే హిందీ పరిశ్రమలో దశాబ్దకాలం పూర్తి చేసుకున్నారు. బాలీవుడ్‌లోకి ఎంట్రీ ఇచ్చిన సమయంలో కామన్‌ ఫ్రెండ్స్‌ ద్వారా బాలీవుడ్‌ నిర్మాత జాకీ భగ్నానీతో ఆమెకు పరిచయం ఏర్పడింది. ఈ పరిచయం కాస్త ప్రేమగా మారింది. కాగా, గత మూడేళ్ల నుంచి వీరిద్దరూ ప్రేమలో ఉన్నారు.
ఇరు కుటుంబాలు, పెద్దల అంగీకారంతో ఈ ఏడాది ఫిబ్రవరి 21న వీరి పెళ్లి గోవాలోని ఓ ప్రముఖ రిసార్ట్స్‌లో ఘనంగా జరిగింది. అయితే ఈ వివాహ వేడుకల్లో కుటుంబ సభ్యులు, అత్యంత సన్నిహితులు మాత్రమే పాల్గొన్నారు. ఇక పెళ్లైన తర్వాత రీసెంట్గా అసోం ట్రిప్నకు వెళ్లింది ఈ క్యూట్ కపుల్. అక్కడు ఉన్న ప్రముఖ దేవాలయాలను సందర్శించి ప్రత్యేక పూజలు చేశారు రకుల్-జాకీ.
Rakul Preet Singh Upcoming Movies : రకుల్ ప్రీత్ సింగ్ ప్రస్తుతం తెలుగులో ఎలాంటి సినిమాలు చేయట్లేదు. సంక్రాంతి కానుకగా కోలీవుడ్లో వచ్చిన 'అయలాన్' చిత్రంతో అక్కడి ప్రేక్షకుల నుంచి ప్రశంసలు అందుకున్నారు. ఇక ప్రస్తుతం టాప్ డైరెక్టర్ శంకర్ దర్శకత్వంలో తెరకెక్కుతున్న 'భారతీయుడు-2' సినిమాలో ఓ కీలక పాత్ర పోషిస్తున్నారు రకుల్. దీంతో పాటు హిందీలో కూడా ఓ ప్రాజెక్ట్ చేస్తున్నారు.
