Rajamouli Mahesh Babu SSMB 29 Movie Shooting : సూపర్ స్టార్ మహేశ్ బాబు హీరోగా త్వరలోనే సెట్స్పైకి వెళ్లబోయే సినిమా SSMB 29. దర్శక ధీరుడు రాజమౌళి దీన్ని తెరకెక్కిస్తున్నారు. భారీ బడ్జెట్తో రావాల్సిన ఈ సినిమా అప్డేట్స్ కోసం సినీ ప్రియులంతా ఎంతో ఆసక్తిగా ఎదురు చూస్తున్నారు. అసలు ఈ చిత్రం ఎప్పుడు సెట్స్పైకి వెళ్తుందా అని ఆరా తీస్తున్నారు.
ఈ నేపథ్యంలోనే SSMB 29 రచయిత విజయేంద్ర ప్రసాద్‌ ఈ మూవీ షూటింగ్పై స్పందించారు. 'మాస్టర్‌ క్లాస్ బై మిస్టర్‌ విజయేంద్ర ప్రసాద్‌' అనే ఈవెంట్లో పాల్గొన్న ఆయన జనవరి నుంచి మహేశ్ - రాజమౌళి సినిమా షూటింగ్ ప్రారంభం కానుందని చెప్పారు. ఈ మూవీ కథ రాయడానికి దాదాపు రెండేళ్ల సమయం పట్టిందని చెప్పారు. ప్రస్తుతం దీనికి సంబంధించిన వీడియో సోషల్ మీడియాలో వైరల్గా మారింది. ప్రస్తుతం ఈ విషయం తెలుసుకుంటున్న సినీ ప్రియులు, ముఖ్యంగా మహేశ్ ఫ్యాన్స్ తెగ సంతోషం వ్యక్తం చేస్తున్నారు.
SSMB 29 Movie Story : SSMB 29 అమెజాన్‌ ఫారెస్ట్ నేపథ్యంలో అడ్వెంచరస్ సినిమాగా రూపొందనుంది. ఈ చిత్రంలో పలువురు విదేశీ నటులు కూడా నటించనున్నారు. ఈ చిత్రాన్ని ఇండియన్ లాంగ్వేజెస్తో పాటు విదేశీ భాషల్లోనూ రిలీజ్ చేయనున్నారు. దుర్గా ఆర్ట్స్‌పై కె.ఎల్‌.నారాయణ ఈ చిత్రాన్ని భారీ బడ్జెట్తో నిర్మిస్తున్నారు. ఇండియన్ ఫిల్మ్ ఇండస్ట్రీలో ఇప్పటి వరకు చూడని సరికొత్త ప్రపంచాన్ని దర్శకుడు రాజమౌళి ఆవిష్కరించబోతున్నారని ఇప్పటికే రచయిత విజయేంద్ర ప్రసాద్‌ గతంలో ఓ ఇంటర్వ్యూలో తెలిపారు.
SSMB 29 Movie Title : ప్రస్తుతం SSMB 29 సినిమాకు సంబంధించిన ప్రీ ప్రొడక్షన్‌ వర్స్క్ ప్రస్తుతం శరవేగంగా జరుగుతున్నాయి. సినిమాలో మహేశ్ బాబు డిఫరెంట్ లుక్‌లో కనిపించనున్నారు. ఇందులో ఇప్పటికే గడ్డం, జట్టును భారీగా పెంచుతున్నారు. ఇకపోతే ఈ చిత్రానికి గరుడ అనే టైటిల్‌ పెడతారని ఆ మధ్య జోరుగా ప్రచారం సాగింది.
రాజేంద్ర ప్ర‌సాద్‌ను పరామర్శించిన ప్ర‌భాస్ - గాయత్రికి నివాళి
'షూటింగ్ సెట్లో బాగా ఇబ్బంది పెట్టింది!' - షారుక్‌ కూతురిపై ఆ హీరో కామెంట్స్‌!
