Raayan Dhanush Favourite Tollywood Star : కోలీవుడ్ స్టార్ హీరో ధనుశ్ గురించి ప్రత్యేకంగా చెప్పనక్కర్లేదు. తన విలక్షణ నటనతో ఎంతో మంది అభిమానులను సంపాదించుకున్నారు. ఇప్పుడు ఆయన ప్రధాన పాత్రలో నటిస్తూ, స్వీయదర్శకత్వంలో తెరకెక్కిన లేటెస్ట్ మూవీ రాయన్. జులై 26న థియేటర్లలో రిలీజ్కు సిద్ధమైంది.
ఈ చిత్రంపై ఆడియెన్స్లో, అభిమానుల్లో మంచి ఆసక్తి నెలకొంది. ఇప్పటికే రిలీజైన ప్రచార చిత్రాలకు మంచి రెస్పాన్స్ వచ్చింది. రీసెంట్గా ట్రైలర్ విడుదలతో సినిమాపై మరింత అంచనాలను పెరిగాయి. ఈ క్రమంలోనే తాజాగా మూవీటీమ్ ప్రీ రిలీజ్ ఈవెంట్ను హైదరాబాద్లో నిర్వహించింది.
ఈ సందర్భంగా ధనుశ్ పలు ఆసక్తికర విషయాలను షేర్ చేసుకున్నారు. టాలీవుడ్లో తన ఫేవరెట్ హీరో ఎవరో తెలిపారు. యాంకర్ అడిగిన ప్రశ్నకు బదులిస్తూ 'ఐ లవ్ సినిమా, ఐ లవ్ పవన్ కళ్యాణ్ సర్' అంటూ చెప్పుకొచ్చారు. ధనుశ్ చేసిన ఈ కామెంట్స్కు ఆడిటోరియం దద్దరిల్లిపోయింది.
Dhanush Tollywood Multistarrer Film : 'ఒకవేళ మల్టీ స్టారర్ చేయాలంటే ఎవరితో చేస్తారు? సూపర్ స్టార్ మహేశ్ బాబు, జూనియర్ ఎన్టీఆర్, రామ్ చరణ్, అల్లు అర్జున్. వీరిలో ఎవరితో చేస్తారు?' అని యాంకర్ మరో ప్రశ్న అడగగా, అందుకు జూనియర్ ఎన్టీఆర్ అని సమాధానం ఇచ్చారు ధనుశ్. ఈ ఆన్సర్తో యంగ్ టైగర్ ఎన్టీఆర్ ఫ్యాన్స్ ఆనందం వ్యక్తం చేస్తున్నారు.
ఇంకా మాట్లాడుతూ "నాకు సరైన టైమ్లో సరైన దర్శకులు, నటులతో కలిసి వర్క్ చేసే ఛాన్స్ వచ్చినందుకు గొప్ప అదృష్టంగా భావిస్తున్నాను. నా తప్పుల నుంచే ఎక్కువ నేర్చుకున్నాను. నాకు యాక్టింగ్పై ఎంత ప్రేమ ఉందో, దర్శకత్వంపైనా అంతే ఇష్టముంది. ఆ ఇష్టం నుంచి వచ్చినదే ఈ రాయన్". అని అన్నారు
ఇకపోతే రాయన్ సినిమాలో సెల్వ రాఘవన్, ప్రకాశ్ రాజ్, ఎస్.జే.సూర్య, కాళిదాస్, సందీప్ కిషన్, దుషరా విజయన్, జయరామ్, వరలక్ష్మి శరత్ కుమార్, అపర్ణ బాలమురళీ, శరవణన్ తదితరులు ఇతర కీలక పాత్రల్లో కనిపించారు. సన్ పిక్చర్స్ బ్యానర్పై భారీ బడ్జెట్తో సినిమాను నిర్మించారు. ఆస్కార్ అవార్డు విన్నర్ రెహమాన్ సంగీతం అందించారు. ధనుశ్ కెరీర్లో 50 వ చిత్రంగా ఇది తెరకెక్కింది.
ధనుశ్ సినిమాలో పాన్ఇండియా బ్యూటీ - 'తేరే ఇష్క్‌ మే' షూటింగ్ ఎప్పుడంటే? - Dhanush New Bollywood
