Pushpa 2 Sooseki Aggi Ravva Song : పుష్ప 2 గురించి ప్రపంచవ్యాప్తంగా ఉన్న అభిమానులు ఎంతో ఆసక్తిగా ఎదురుచూస్తున్న సంగతి తెలిసిందే. రీసెంట్గా ఈ చిత్రం నుంచి విడుదలైన రెండు సాంగ్స్కు విశేష ఆదరణ దక్కింది. ముఖ్యంగా సూసేకి అగ్గి రవ్వ పాటపై సంగీత దర్శకుడు దేవీశ్రీ ప్రసాద్ ఇంట్రెస్టింగ్ కామెంట్స్ చేశారు. అలానే తన మ్యూజికల్‌ కాన్సర్ట్‌ గురించి కూడా మాట్లాడారు.
"బన్నీ- సుకుమార్‌ కాంబో మరోసారి కచ్చితంగా మ్యాజిక్‌ చేస్తుంది. పుష్ప 1 బ్లాక్‌ బస్టర్‌ హిట్ కావడం వల్ల పుష్ప 2పై వరల్డ్వైడ్గా ఆడియెన్స్లో అంచనాలు భారీగా పెరిగాయి. అయినా నేను ఒత్తిడి లేకుండానే పని చేస్తున్నాను. ఆడుతూ పాడుతూ ముందుకు వెళ్తున్నాను. ఇప్పటికే రిలీజైన రెండో భాగంలోని సాంగ్స్కు విశేష ఆదరణ దక్కడం ఎంతో ఆనందంగా ఉంది. ముఖ్యంగా సూసేకి అగ్గిరవ్వ మాదిరి పాట అన్ని భాషల వారికి బాగా కనెక్ట్‌ అయిపోయింది. అస్సాంలో రీసెంట్గా జరిగిన ఓ వేడుకకు వెళ్లాను. అక్కడ కూడా ఆ పాటే వినిపించింది" అంటూ చెప్పుకొచ్చారు.
"మిమ్మల్ని చూసే సూసేకి అగ్గిరవ్వ సాంగ్ రాశారా?" అని అడగగా చిత్రంలోని అల్లు అర్జున్‌ పాత్రను ఉద్దేశించి రాశారని నవ్వుతూ బదులిచ్చారు దేవీ శ్రీ. "లిరికల్‌ వీడియో సాంగ్లో మీరు చూసింది కొంత మాత్రమే. అందులో మేకింగ్‌ మాత్రమే కదా చూపించింది. అసలైన డ్యాన్స్‌ ఇంకా రివీల్‌ చేయలేదు. పిక్చరైజేషన్‌లో ది బెస్ట్‌ సాంగ్స్‌లో అది కూడా ఒకటి. విజువల్‌ పరంగా ఆ సాంగ్ మరో స్థాయిలో ఉంటుంది" అని దేవీ శ్రీ సినిమాతో పాటు పాటలపై ఆసక్తి రేకెత్తించారు.
ఇంకా హైదరాబాద్‌లోని గచ్చిబౌలి స్టేడియంలో మ్యూజికల్‌ కాన్సర్ట్‌ నిర్వహించనున్నట్టు తెలిపారు దేవీ శ్రీ. అక్టోబరు 10న ఈ వేడుక జరగనుందని, రొటీన్‌కు భిన్నంగా ఆ వేడుక సాగుతుందని పేర్కొన్నారు. ఇకపోతే పుష్ప 2లో ఫహాద్ ఫాజిల్, అనసూయ, సునీల్ తదితరులు కీలక పాత్రల్లో కనిపించనున్నారు. ఈ ఏడాది డిసెంబర్లో(Pushpa 2 Release Date) మూవీ రిలీజయ్యే ఛాన్స్ ఉంది.
