Pushpa 2 Release Date : ఐకాన్ స్టార్ అల్లు అర్జున్ - సుకుమార్ కాంబోలో భారీ అంచనాలతో తెరకెక్కుతున్న సినిమా 'పుష్ప 2'. ఈ సినిమా గురించి మరికొన్ని విశేషాలు షేర్ చేసుకోవడానికి మేకర్స్ గురువారం ప్రెస్మీట్ నిర్వహించారు. అయితే ఈ ప్రెస్మీట్లో మేకర్స్ బన్నీ ఫ్యాన్స్కు అదిరే న్యూస్ చెప్పారు. సినిమాను (డిసెంబర్ 6) ముందుగా ప్రకటించిన దానికంటే, ఒక రోజు ముందుగానే రిలీజ్ చేయనున్నట్లు చెప్పారు. అంటే డిసెంబర్ 05 నుంచే థియేటర్లలో 'పుష్ప' సందడి మొదలు కానుంది.
డే 1 అన్ని రికార్డులు బ్రేక్!
ఈ సినిమాపై చాలా కాన్ఫిడెంట్గా ఉన్నట్లు మేకర్స్ పేర్కొన్నారు. రిలీజ్ రోజే ఇండస్ట్రీలోని అన్ని రికార్డులను పుష్ప బ్రేక్ చేస్తుందని ధీమా వ్యక్తం చేశారు. అటు కర్ణాటకలోనూ ఇప్పటివరకు అత్యధిక వసూళ్లలో టాప్లో ఉన్న 'బాహుబలి 2'ను కూడా ఇది దాటేస్తుందని అన్నారు. ఒక్క కన్నడలోనే ఈ మూవీ రూ. 80 నుంచి రూ. 100 కోట్ల వరకు కలెక్షన్స్‌ చేస్తుందన్న నమ్మకం ఉందన్నారు.
ఆ ఒక్క సీన్కు 35 రోజులు
సినిమాలో గంగమ్మ జాతర సన్నివేశం చిత్రీకరణకు దాదాపు 35రోజులు పట్టిందని నిర్మాత అన్నారు. ఈ సీన్ కోసం హీరో అల్లు అర్జున్ ఎంతో కష్టపడ్డారని చెప్పారు. 'ఆ ఎపిసోడ్‌ చిత్రీకరణకు దాదాపు 35 రోజులు పట్టింది. దాని కోసం రిహార్సల్స్‌ కూడా చేశారు. ఈ ఎపిసోడ్‌ విషయంలోనే కాదు ప్రతి సన్నివేశం కోసం దర్శకుడు సుకుమార్, అల్లు అర్జున్ చాలా కష్టపడ్డారు. అందరూ ఊహిస్తున్నట్టే ఆ ఎపిసోడ్‌ రోమాలు నిక్కబొడుచుకునేలా చేస్తుంది' అని అన్నారు.
The celebrations begin a day earlier 🥳
— Pushpa (@PushpaMovie) October 24, 2024
The fireworks at the box office will set off a day earlier 🔥
The records will be hunted down a day earlier 💥
Pushpa Raj's Rule will begin a day earlier ❤🔥
The Biggest Indian Film #Pushpa2TheRule GRAND RELEASE WORLDWIDE ON 5th… pic.twitter.com/AFckFRWt47
2021 లో బ్లాస్బస్టర్ విజయం అందుకున్న పుష్ప ది రైజ్‌ సినిమాకు ఇది సీక్వెల్. ఈ సినిమాలో రష్మిక మందన్నా హీరోయిన్గా నటించింది. ఫహద్‌ ఫాజిల్‌, సునీల్‌, అనసూయ కీలక పాత్రలు పోషించారు. మైత్రీ మూవీ మేకర్స్ బ్యానర్పై ఈ సినిమా రూపొందింది. రాక్స్టార్ దేవీశ్రీ ప్రసాద్ ఈ సినిమాకు సంగీతం అందించారు.
'పుష్ప పార్ట్ 3' కన్ఫార్మ్ - ప్రొడ్యూసర్ సెన్సేషనల్ అనౌన్స్మెంట్
'పుష్ప 2'లో యానిమల్ యాక్టర్ - సుకుమార్ ప్లానింగ్కు ఫ్యాన్స్ సర్ప్రైజ్
