Prithviraj Sukumaran Aadu Jeevitham Movie : పృథ్వీరాజ్ సుకుమారన్ లీడ్ రోల్లో వచ్చిన తాజా చిత్రం 'ది గోట్ లైఫ్' బాక్సాఫీస్ వద్ద ఎంతటి మాసివ్ సక్సెస్ అందుకుంటోందో ప్రత్యేకంగా చెప్పనక్కర్లేదు. 'గోట్ డేస్' అనే నవలను ఆధారంగా చేసుకుని వాస్తవిక ఘటనలను తెరకెక్కించింనుందున ఈ సినిమాపై మూవీ మరింత ఆసక్తి కనబరిచారు. అయితే తాజాగా ఈ సినిమకు సంబంధించిన ఓ వార్త కాంట్రవర్సీకి దారి తీసింది.
'గోట్ డేస్'లో రాసిన విధంగా ఓ కాంట్రవర్సీ సీన్ను మూవీ టీమ్ షూట్ చేసిందని, అయితే సెన్సార్‌ దృష్టిలో పడ్డాక దానికి నో చెప్పడం వల్ల దాన్ని తొలగించారంటూ ఆన్‌లైన్‌లో రూమర్స్ హల్చల్ చేశాయి. అయితే ఈ విషయంపై తాజాగా హీరో పృథ్వీరాజ్ సుకుమారన్ స్పందించారు. తాము అలాంటి సీన్స్ అస్సలు షూట్ చేయలేదని వెల్లడించారు.
"మేం అలాంటి సీన్ అస్సలు చేయలేదు. తన సినిమాలోని హీరో రోల్ అలా ప్రవర్తించకూడదని మా డైరెక్టర్ భావించారు. 2008లో బ్లెస్సీ ఈ కథతో నా వద్దకు వచ్చినప్పుడు, ఆ పాత్రకు ఏవిధంగా న్యాయం చేయాలన్న విషయాన్ని నేను బాగా ఆలోచించాను. నవల ప్రకారం ఆ పాత్రను నేను అర్థం చేసుకోవాలా? లేదా బ్లెస్సీ చెప్పిన విధంగానే దాన్ని ఊహించుకోవాలా? అన్న కన్ఫ్యూజన్ నాలో మొదలైంది. అయితే చివరకు నేనూ - బ్లెస్సీ ఒక నిర్ణయానికి వచ్చి, ప్రేక్షకులకు చేరువయ్యేలా ఈ సినిమాను తీర్చిదిద్దాం"
అంటూ క్లారిటీ ఇచ్చారు.
పృథ్వీరాజ్ సుకుమారన్, అమలాపాల్‌ ఈ సినిమాలో కీలక పాత్రలు పోషించారు. కేరళకు చెందిన నజీబ్ అనే వ్యక్తి గురించి రాసిన కథే ఈ చిత్రం. ఉపాధి కోసం గల్ఫ్‌ దేశాలకు వెళ్లిన నజీబ్ అక్కడ ఎలాంటి ఇబ్బందులు ఎదుర్కొన్నాడో తెలియజేస్తూ బెన్యామిన్‌ అనే రచయిత 'గోట్ డేస్'ను తీర్చిదిద్దారు. దీన్ని సినిమాగా చేయాలన్న ఆలోచనతో బ్లెస్సీ హక్కులు కొనుగోలు చేశారు. దాదాపు 16 ఏళ్ల పాటు శ్రమించి ఈ సినిమాను తెరకెక్కించారు. నజీబ్ పాత్ర కోసం పృథ్వీరాజ్ సుకుమారన్ దాదాపు 31 కిలోల బరువు తగ్గారు. కొన్ని కీలక సన్నివేశాల చిత్రీకరణ కోసం దాదాపు 72 గంటలపాటు భోజనం లేకుండా కేవలం మంచి నీళ్లు, కొద్దిగా బ్లాక్‌ కాఫీ మాత్రమే తాగి నటించారని ఓ ఇంటర్వ్యూలో చెప్పారు.
- " class="align-text-top noRightClick twitterSection" data="">
'సలార్' స్టార్ బాక్సాఫీస్ ఊచకోత - రూ. 100 కోట్ల క్లబ్లోకి 'ఆడు జీవితం' ! - Aadujeevitham 100 Crores
