Prabhas Kalki NTR Nani : ప్రభాస్ హీరోగా దర్శకుడు నాగ్ అశ్విన్ తెరకెక్కిస్తున్న భారీ సైన్స్ ఫిక్షన్ ఫిల్మ్ 'కల్కి 2898' ఏడి. భూత భవిష్యత్ కాలాల నేపథ్యంతో ఈ సినిమా కథ సాగనుంది. ఇప్పటికే విడుదలైన ఫస్ట్ గ్లింప్స్ కూడా ప్రేక్షకులను బాగానే ఆకట్టుకుంది. అయితే ఈ చిత్రంలో ఇప్పటికే ప్రభాస్తో పాటు భారీ తారగాణం నటిస్తున్న సంగతి తెలిసిందే. బాలీవుడ్ స్టార్స్ బిగ్ బీ అమితాబ్ బచ్చన్, దీపిక పదుకొణె, దిశాపటానీ నటిస్తున్నారు. యూనివర్సల్ స్టార్ కమల హాసన్ (విలన్ పాత్ర అని సమాచారం) కూడా సినిమాలో భాగమయ్యారు.
అయితే ఈ బిగ్ స్టార్స్తో పాటు స్పెషల్ క్యామియో రోల్స్లో మలయాళ స్టార్ దుల్కర్ సల్మాన్, టాలీవుడ్ రౌడీ హీరో విజయ్ దేవరకొండలు కూడా కనిపిస్తారని ఆ మధ్య లీక్ పేరుతో గట్టిగా ప్రచారం సాగింది. దాదాపుగా ఈ ఇద్దరు కనిపించడం ఖాయమేనని సినీ వర్గాలు అంటున్నాయి. ఈ క్రమంలోనే ఇప్పుడు తాజాగా ఇప్పుడు ఓ మైండ్ బ్లోయింగ్ న్యూస్ తెలిసింది. సినిమాలో గెస్ట్ రోల్స్ లిస్ట్ మరింత పెరగనుందని అంటున్నారు.
క్లైమాక్స్కు ముందు వచ్చే కీలక ఘట్టాల్లో నేచురల్ స్టార్ నానితో పాటు యంగ్ టైగర్ జూనియర్ ఎన్టీఆర్ కూడా కనిపించబోతున్నారని కొత్త ప్రచారం మొదలైంది అని తెలిసింది. కృపాచార్యగా నాని, పరశురాముడిగా ఎన్టీఆర్ సిల్వర్ స్క్రీన్పై అదరగొట్టే సన్నివేశాల్లో కనిపించనున్నారట. మరి ఇందులో నిజమెంతో తెలీదు కానీ ప్రస్తుతానికైతే ఈ వార్త నెట్టింట్లో చక్కర్లు కొట్టడం ప్రారంభమైంది. ఇవన్నీ తెలుసుకుంటున్న అభిమానులు నాగ్ అశ్విన్ అంచనాలకు మించి గట్టిగా ప్లాన్ చేస్తున్నారని అంటున్నారు. చూడాలి మరి ఈ ఎక్స్పెరిమెంట్ సినిమా ఎలాంటి రిజల్ట్ను అందుకుంటుందో..
ఇకపోతే సినిమాకు సంతోష్ నారాయణన్ సంగీతం సమకూరుస్తున్నారు. వైజయంతీ మూవీస్ భారీ బడ్జెట్తో సినిమాను నిర్మిస్తోంది. పోస్ట్ ప్రొడక్షన్ పనులు ఒకవైపు జరుపుకుంటూనే మరోవైపు బ్యాలన్స్ షూటింగ్ను వేగంగా పూర్తి చేస్తున్నారు మేకర్స్.
- " class="align-text-top noRightClick twitterSection" data="">
'శ్రీమంతుడు' కథపై వివాదం - కొరటాల శివకు సుప్రీంలో చుక్కెదురు
