Neha Shetty DJ Tillu : డీజే టిల్లు సినిమాతో వెండితెరకు పరిచయమైన క్యారెక్టర్ రాధిక. సినిమా రిలీజ్ అవ్వడం హిట్ టాక్ ఎలా క్రమంగా పెరుగుతూ వచ్చిందో ఈ రాధిక పేరు కూడా అలాగే అభిమానుల మనసుల్లో నాటుకుపోయింది. యూత్ కు బాగా కనెక్ట్ అయిపోయింది ఈ పాత్ర. అయితే సినిమాలోని ఫస్ట్ హాఫ్ వరకు సాధారణంగా కనిపించే ఈ క్యారెక్టర్ సెకెండాఫ్లో కన్నింగ్ అండ్ నెగిటివ్ షేడ్స్తో ఫ్యాన్స్కు ఒక్కసారిగా షాకిస్తుంది. టిల్లును డీప్గా లవ్ చేసి మోసం చేయడం వల్ల అందరూ ఆమెను నెగిటివ్గా చూశారు. అయితే తాజాగా ఈ పాత్రను పోషించిన నేహా శెట్టి పలు సెన్సేషన్ కామెంట్స్ చేసింది.
"రాధిక ఓ నెగెటివ్ పాత్ర అని నేను అనుకోవడం లేదు. నెగెటివ్ అనడాని కంటే ముందు అక్కడ ఒక చిన్న గీత ఉంది. ప్రేక్షకులు అది అర్థం చేసుకుంటారని భావిస్తాను. టిల్లు అనే వ్యక్తి రాధికకు మాత్రమే వ్యతిరేకం. ఏకంగా ఆడజాతికి మొత్తం కాదు. అది అర్థం చేసుకోవాలి. టిల్లు పాత్రపై ఉన్న అభిమానం వల్ల ప్రేక్షకులు రాధిక పాత్రను ద్వేషిస్తున్నారు. కానీ, మరోవైపు రాధిక పాత్రపై కూడా వాళ్లకు ఇష్టం ఉంది. అలా ఆ పాత్రల మధ్య ఉన్న టెంపోను కరెక్ట్‌గా అర్థం చేసుకున్నారని అనుకుంటున్నాను. అయినా సినిమా మొత్తం ఒకే ఎమోషన్తో కనిపించడం ఎంత కష్టమో తెలుసా. డీజే టిల్లు సినిమాలో స్టార్టింగ్ నుంచి అదే ఫ్లర్టింగ్ ఫేస్తో కనిపించాను. అదెంత కష్టమైనప్పటికీ నా కెరీర్ కు బాగా ప్లస్ అయింది" అంటూ వివరించింది.
మరోవైపు టిల్లు క్యూబ్లో తన పాత్ర గురించి కూడా ఇదే ఇంటర్వ్యూలో మాట్లాడింది.
"మేకర్స్‌ రాధిక పాత్రను ఇంకా చూపించాలనుకుంటే దాన్ని కంటిన్యూ చేస్తారు. డైరెక్టర్లు నాకు ఇచ్చిన డైలాగ్స్ను ఎంత అందంగా చెప్పాలన్న విషయం గురించే నేను ఎప్పుడూ ఆలోచిస్తాను. సీన్స్ తర్వాత ఏం జరుగుతుంది అనేది ముందుగా అస్సలు తెలుసుకోను. అలాగే 'టిల్లు స్క్వేర్‌'లోనూ రాధిక బెంగళూరు వెళ్లినట్లు చూపించారు. అక్కడకు వెళ్లిన తర్వాత ఆమె వేరే పెళ్లి చేసుకుంటుందా, లేదంటే టిల్లు కోసం తిరిగి వచ్చేస్తుందా అనేది మనం చెప్పలేం" అంటూ మూవీపై మరింత అంచనాలను పెంచేసింది.
'టిల్లు 3' లో రాధిక! - టిల్లు కోసం అలా చేస్తుందేమో ? - Tillu 3
