Nani Saripodhaa Sanivaraam: నేచురల్‌ స్టార్ నాని- వివేక్ ఆత్రేయ కాంబోలో రానున్న యాక్షన్ డ్రామా మూవీ 'సరిపోదా శనివారం'. ఈ సినిమాలో నాని సరసన హీరోయిన్గా ప్రియాంక మోహన్ నటించింది. ప్రధాన పాత్రలో ఎస్ జె సూర్య నటించారు.ఇక ఆగస్టు 29 (గురువారం)న ఈ మూవీ తెలుగు, కన్నడ, మలయాళం, హిందీ భాషల్లో గ్రాండ్గా రిలీజ్ కానుంది. ఈ క్రమంలో మూవీటీమ్ ప్రమోషన్స్లో బిజీగా ఉంది.
అయితే ప్రమోషన్స్లో నానికి ఓ ఆసక్తికర ప్రశ్న ఎదురైంది. 'సినిమా స్టోరీ అంతా శనివారం మీద ఆధారపడింది. మరి గురువారం రిలీజ్ చేస్తున్నారు' అని మీడియా సరదగా అడిగింది. దీనికి నాని 'ఏం చేద్దాం అంటారు మరి? శనివారం తీసేద్దామా?' అని నవ్వుతు సమాధానం ఇచ్చారు. 'స్టోరీ శనివారంపై ఉన్నంత మాత్రానా అప్పుడే రిలీజ్ చేయాలని ఏం లేదండి' అని నాని అన్నారు.
ప్రీ రిలీజ్ ఈవెంట్ అప్పుడే
కాగా, ఈ ప్రమోషన్స్లోనే సినిమా ప్రీ రిలీజ్ ఈవెంట్పై హీరో నాని క్లారిటీ ఇచ్చారు. ఆగస్టు 24 శనివారం రోజున ప్రీ రిలీజ్ ఈవెంట్ జరగనున్నట్లు నాని చెప్పారు. ఇక రిలీజ్ రోజు మార్నింగ్ షోకు హైదరాబాద్ 'సుదర్శన్ థియేటర్'ను సందర్శించనున్నట్లు నాని చెప్పారు. ఫ్యాన్స్తో కలిసి తాను సినిమా చూడనున్నట్లు పేర్కొన్నారు.
'కలువడానికి వచ్చే వాళ్లు అలా రావాలి'
నాని చేయికి ఎర్ర చున్నీ కట్టుకొని సినిమా ప్రమోషన్స్లో కనిపించారు. అయితే మూవీలో విలన్ ఎదురుపడినప్పుడు గుర్తుపట్టకూడదని నాని ఈ ఎర్ర చున్నీతో మొహం కవర్ చేసుకుంటారంట. ఎరుపు రంగు అనేది కోపానికి ప్రతీక అని సినిమాలో చూపించారు. అందుకే నాని ప్రమోషన్స్లోనూ ఎరుపు రంగును హైలైట్ చేస్తూ కనిపించారు. ఇక ఆర్టీసీ క్రాస్ రోడ్స్లో మార్నింగ్షో సుదర్శన్ థియేటర్కు వచ్చేవాళ్లంతా ఎరుపు చున్నీ ఒకటి కట్టుకొని రావాలని నాని ఫ్యాన్స్కు పిలుపు నిచ్చారు.
కాగా, డీవీవీ ఎంటర్టైన్మెంట్స్ బ్యానర్పై డీడీవీ దానయ్య ఈ సినిమా నిర్మిస్తున్నారు. ఇప్పటికే రిలీజైన పోస్టర్లు, ట్రైలర్ సినిమాపై అంచనాలు పెంచేస్తున్నాయి.
'కోపాన్ని వారంలో ఒక్కరోజు మాత్రమే చూపిస్తాడు' - ఆసక్తికంగా నాని అప్కమింగ్ మూవీ టీజర్
