Nani Saripodhaa Sanivaaram Trailer : నేచురల్ స్టార్ నాని, వివేక్ ఆత్రేయ కాంబినేషన్లో తెరకెక్కుతున్న 'సరిపోదా శనివారం' నుంచి మేకర్స్ ఓ సాలిడ్ ట్రైలర్ను విడుదల చేశారు. ఫుల్ ఆన్ యాక్షన్ ఎలిమెంట్స్తో ఉన్న ఆ వీడియో ప్రస్తుతం నాని ఫ్యాన్స్తో పాటు నెటిజన్లను తెగ ఆకట్టుకుంటోంది. నటుడు సాయి కుమార్ హీరోకు ఇచ్చిన ఎలివేషన్స్ ఆ వీడియోకు హైలైట్గా నిలిచింది.
ట్రైలర్లో ఏముందంటే?
ఈ సినిమా రెండు మెయిన్ క్యారెక్టర్స్ చుట్టూ తిరగనున్నట్లు ట్రైలర్ ద్వారా అర్థమవుతోంది. సీఐ దయానంద్ ( ఎస్జే సూర్య) ఇతరలను విచక్షణ రహితంగా హింసించే ఓ క్రూరమైన వ్యక్తి. తన పవర్ను అడ్డం పెట్టుకుని అమాయకులను కొడుతుంటాడు. దీంతో సోకులపాలెం అనే ఊరి జనాలు చాలా కష్టాలు పడుతుంటారు. ఇక మిడిల్ క్లాస్ లైఫ్ను గడిపే సూర్య చూసేందుకు సింపుల్గా కనిపిస్తూనే శనివారం మాత్రం యాంగ్రీ మ్యాన్గా మారిపోతుంటాడు. తన చుట్టూ ఉన్నవారికి అన్యాయం జరుగుతుంటే చూస్తూ ఊరుకోడు సహించలేడు. అలా ఇతరులకు ఇబ్బంది పెట్టే వారి పేర్లను రాసుకుని శనివారం రోజు వారిపై కోపం తీర్చుకుంటాడు. అయితే ఒకానొక సమయంలో సీఐ దయానంద్ పేరును తన వద్దనున్న డైరీలో రాసుకున్న విషయాన్ని సూర్య (నాని) తండ్రి చూసి ఆందోళన చెందుతాడు. అయితే హీరో అతడి పేరు ఎందుకు రాసుకున్నాడు? వారిద్దరి మధ్య ఎటువంటి రైవలరీ ఉందన్న విషయం తెలుసుకోవాలంటే సినిమా కోసం వెయిట్ చేయాల్సిందే అన్నట్లుగా ట్రైలర్ను కట్ చేశారు మేకర్స్. ఇక నాని, ఎస్జే సూర్యతో పాటు ప్రియాంక అరుల్ మోహన్, శుభలేఖ సుధాకర్, హర్షవర్ధన్, సాయి కుమార్ లాంటి స్టార్స్ ఈ ట్రైలర్లో తమ తమ పాత్రలను పరిచయం చేసుకుని సినిమాపై మరింత ఇంట్రెస్ట్ పెంచారు.
'ఈ సినిమాలో అలాంటివేమీ ఉండవు'
వాస్తవానికి 'సరిపోదా శనివారం' టైటిల్ లాంచ్ అయినప్పటి నుంచీ ఇది శివకార్తికేయన్ నటించిన "మావీరన్" చిత్రం తరహాలో సూపర్ హీరో మూవీలా ఉంటుందనే పుకార్లు వచ్చాయి. ఇందులో నాని పక్కింటి అబ్బాయిలా కాకుండా ఓ సూపర్ హీరో పాత్రలో కనిపిస్తాడని చాలా మంది భావించారు. కానీ టీజర్, పాటలు చూస్తే అలా అనిపించలేదు. అయినప్పటికీ కొందరు ఈ పుకార్లను నమ్ముతూనే వచ్చారు. కాగా ఈ రూమర్స్ అన్నింటినీ తాజాగా కొట్టిపాడేసింది చిత్రయూనిట్. 'సరిపోదా శనివారం' సినిమాలో ఎలాంటి ఫాంటసీ ఎలిమెట్స్ ఉండవనీ, ఇది కేవలం నాని ఎస్జే సూర్యల మధ్య జరిగే పరిస్థితుల చుట్టూ తిరుగుతుందనీ చెప్పేసింది ప్రోడక్షన్ టీమ్.
కొత్త అవతారం ఎత్తిన హీరో నాని - హిట్ 3 కోసం అలా!
'గరం గరం'గా సరిపోదా శనివారం ఫస్ట్ సింగిల్ - విన్నారా? - Saripodhaa Sanivaaram First Single
