8.8.8 నాగ చైతన్య, శోభిత నిశ్చితార్థ ముహూర్తం స్పెషల్ ఏంటో తెలుసా? - Naga Chaitanya Sobhita Dhulipala

NagaChaitanya Sobhita Dhulipala Engazement : నాగ చైతన్య, శోభిత ధూళిపాళ్ల నిశ్చితార్థం నేడు(ఆగస్ట్ 8) జరిగింది. ఈ విషయాన్ని తెలుపుతూ నాగార్జున 8.8.8 అని రాసుకొచ్చారు. దీని అర్థం ఏంటంటే?

NagaChaitanya Sobhita Dhulipala Engazement : సీక్రెట్​గా రిలేషన్​షిప్​ మెయిన్​టెయిన్ చేసిన లవ్ బర్డ్స్ నాగ చైతన్య, శోభిత ధూళిపాళ్ల ఎట్టకేలకు పెళ్లి పీటలెక్కబోతున్నారు. తాజాగా నిశ్చితార్థం చేసుకున్నారు. వాళ్ల ఎంగేజ్‌మెంట్​కు సంబంధించిన ఫొటోలను కింగ్ నాగార్జున సోషల్ మీడియాలో షేర్ చేశారు. అయితే ఈ జంట నిశ్చితార్థం గురించి నాగార్జున చెబుతూ తేదీని 8.8.8 గా చెప్పారు. దీంతో చాలా మందికి దీని అర్థం ఏంటో తెలియలేదు. మరి ఈ తేదీకి ఉన్న ప్రత్యేకత ఏంటో తెలుసా?

నాగ చైతన్య, శోభిత ధూళిపాళ్ల నిశ్చితార్థం గురించి నాగార్జున ఇలా పోస్ట్ చేశారు. "నా కొడుకు నాగ చైతన్య, శోభిత ధూళిపాళ్ల ఎంగేజ్‌మెంట్ ఉదయం 9:42 గంటలకు జరిగింది. ఈ విషయాన్ని చెప్పడానికి నేను ఎంతగానో సంతోషిస్తున్నాను. శోభితను మా ఫ్యామిలీలోకి ఆహ్వానించడం చాలా సంతోంగా ఉంది. 8.8.8. అనంతమైన ప్రేమకు ఇది ఆరంభం" అని రాసుకొచ్చారు.

నేడు తేదీ ఆగస్టు 8, 2024. అంటే 8-8-2024. కానీ నాగ్ మాత్రం 8.8.8. అని రాసుకొచ్చారు. 2024 కలిపితే 8 సంఖ్య వస్తుంది. అందుకే ఆయనలా చెప్పారు. ఈ 8.8.8కు ఓ ప్రత్యేకత ఉంది. జ్యోతిష్యం, సంఖ్యాశాస్త్రం ప్రకారం ఈ రోజుకు ఓ ప్రాముఖ్యత ఉంది.

అదేంటంటే ఈ రోజు లయన్స్​ గేట్ పోర్టల్ అంటారు. ఈ రోజు శుభకార్యాలకు అన్ని విధాలా అనుకూలంగా ఉంటుందట.

సంఖ్యాశాస్త్రం పరంగా ఆధ్యాత్మికంగా, మానసికంగా, శారీరకంగా బలపడేందుకు ఈ రోజు అనువుగా ఉంటుందని చెబుతుంటారు. న్యూమరాలజీ ప్రకారం ఎనిమిది సంఖ్య అదృష్టం, సంపద, పాజిటివ్ ఎనర్జీకి చిహ్నంగా సూచిస్తారు. అలానే ఇది అంతులేని శక్తివంతమైన రోజుగా చెబుతారు.

జ్యోతిష్యశాస్త్ర పరంగా ఈ లయన్స్ గేట్ పోర్టల్ ఆధ్యాత్మిక, భౌతిక ప్రపంచాల మధ్య శక్తి ప్రవాహాన్ని తెరుస్తుందట. వ్యక్తిగత ఎదుగుదల, ప్రవర్తన, ఆధ్యాత్మిక మేల్కోలుపులకు అనువైన సమయం. ముఖ్యంగా మీ గురించి మీరు తెలుసుకునేందుకు ఉత్తమమైన సమయం అని అంటుంటారు.

అందుకే చైతన్య, శోభిత నేడు(ఆగస్ట్ 8) నిశ్చితార్థం జరుపుకున్నారని అంటున్నారు. ఈ నిశ్చితార్థానికి ఇరు కుటుంబాల సభ్యులు, అత్యంత సన్నిహితులు మాత్రమే హాజరైయ్యారు. వీళ్ల పెళ్లి తేదీపై కూడా త్వరలోనే ఓ అధికార ప్రకటన కూడా రానుంది.

" we are delighted to announce the engagement of our son, naga chaitanya, to sobhita dhulipala, which took place this morning at 9:42 a.m.!!
we are overjoyed to welcome her into our family.
congratulations to the happy couple!
wishing them a lifetime of love and happiness. 💐… pic.twitter.com/buiBGa52lD

— Nagarjuna Akkineni (@iamnagarjuna) August 8, 2024